မီဒီယာ ပြုလုပ်တဲ့ နည်းဗျူဟာ

သင်ဟာ တသီးပုဂ္ဂလ ထောက်ခံ လှုပ်ရှားနေတဲ့သူ ဖြစ်နေပါစေ၊ အုပ်စုတစု (သို့) အဖွဲ့အစည်း တခုခုက ဖြစ်နေပါစေ၊ ဒီအပိုင်းဟာ သတင်း မီဒီယာ အမျိုးမျိုးကို စည်းရုံးလှုံ့ဆော်ရေး (သို့) ပရိုဂျက် တခုခုရဲ့ အစိတ်အပိုင်း တခုအနေနဲ့ ပြုလုပ်မဲ့ နည်းဗျူဟာမြောက်တဲ့ ပရိုဂျက် တခုကို ဖန်တီးရာမှာ ပါဝင်တဲ့ အဆင့်ဆင့်တွေကို ပြသသွားမှာ ဖြစ်တယ်။ ဒီအပိုင်းကို မစတင်ခင်၊ မေးမြန်းဖို့ လိုအပ်တဲ့ အဓိက မေးခွန်း သုံးပုဒ် ရှိတယ်။

၁။ ပန်းတိုင်တွေ ပြည့်မီနိုင်အောင် မီဒီယာကို အသုံးချဖို့ လိုသလား။

မီဒီယာကို ထင်သာမြင်သာမှု ရှိစေဖို့၊ အသိပညာပေးမှုတွေ တိုးပွားလာဖို့၊ သတင်း အချက်အလက်တွေကို ပေးနိုင်ဖို့၊ အမှုကိစ္စ တခုခုမှာ လူတွေ လှုပ်ရှား ပါဝင်လာအောင် အားပေးဖို့ အသုံးပြုနိုင်တယ်၊ ဒါပေမဲ့ မီဒီယာ ဖန်တီးတယ် ဆိုတဲ့နေရာမှာ တခြားကိစ္စတွေမှာ အာရုံရောက်မသွားအောင် အချိန်နဲ့ အရင်းအမြစ်တွေကို ပေးဆပ်ဖို့ လိုတယ်။ သင် ဘာတွေကို အောင်မြင်အောင် လုပ်ချင်တယ်၊ ဘယ်လို အပြောင်းအလဲတွေကို ဖန်တီးချင်သလဲ စတာတွေ ရှင်းရှင်းလင်းလင်း သိရှိဖို့ လိုပြီး၊ ဒီနေရာမှာ မီဒီယာကို အသုံးချလို့ ရမရ ဆုံးဖြတ်ရမှာ ဖြစ်တယ်။

၂။ မီဒီယာကို အသုံးချခြင်းဖြင့် စည်းရုံးလှုံ့ဆော်ရေး (သို့) ပရိုဂျက်ကို ဘယ်လို အကျိုးသက်ရောက်စေမလဲ။

မီဒီယာကို အသုံးချပြီး သင် ဖြစ်စေလိုတဲ့ အပြောင်းအလဲတွေကို ဘယ်လို အကောင်အထည် ဖေါ်နိုင်မလဲ။ သင် ကိုယ်တိုင် လက်လှမ်းမမှီနိုင်တဲ့ လူထုကို အဆက်အသွယ် လုပ်နိုင်အောင် သင် ကြိုးစားလို့ ရတယ်၊ (သို့) ကြီးကျယ်တဲ့ ပရိသတ်ထုကြီးကို လက်လှမ်းမီနိုင်အောင် ကြိုးစားပြီး လှုပ်ရှားမှုထဲမှာ ပါဝင်လာအောင် တိုက်တွန်းနိုင်တယ်၊ (သို့) မီဒီယာကို အသုံးချတယ် ဆိုတာ ပရိသတ် တဦးချင်းဆီ သင် ရှင်းပြလို၊ ဖေါ်ပြလိုတဲ့ ကိစ္စတွေကို ပြောဆိုဖို့ အကောင်းဆုံးနည်း ဖြစ်တယ်လို့ သင် ယုံကြည်ထားနိုင်တယ်။ ဥပမာ အားဖြင့်၊ အဖွဲ့အစည်း တခုရဲ့ နည်းဗျူဟာ တခုလုံးဟာ ရာသီဥတု ပြောင်းလဲမှုကို သက်ရောက်မှု ရှိစေတဲ့ မူဝါဒမျိုး ဖြစ်နေတယ် ဆိုရင်၊ သီးသန့် မူဝါဒ ရေးဆွဲသူတွေကို မွေးထုတ်ပေးနိုင်တယ်၊ အခြေခိုင်ပြီး ရေရှည် တည်တံ့တဲ့ မီဒီယာ အသုံးချတဲ့ စည်းရုံးလှုံ့ဆော်မှု ပုံစံဟာ အကျိုးရှိနိုင်မှာ ဖြစ်တယ်။ အဲဒီလို စည်းရုံးလှုံ့ဆော်မှု တခုဟာ နှစ်ပေါင်းများစွာ အသက်ဝင်နိုင်ပြီး၊ အဲဒီအထဲမှာ လှုပ်ရှားမှု အမျိုးမျိုး ပါဝင်နိုင်တယ်။ မီဒီယာ အသုံးချခြင်းဖြင့် သင် ဖြစ်စေချင်တဲ့ အပြောင်းအလဲကို ဘယ်လို အကျိုး ဖြစ်ထွန်းလာစေနိုင်တယ် ဆိုတာ ရှင်းရှင်းလင်းလင်း သိရှိထားပါ။

၃။ လူထုကို သင် ဘာတွေ တောင်းဆိုနေသလဲ။

လူ့အခွင့်အရေး ထောက်ခံလှုပ်ရှားသူ တဦး (သို့) အဖွဲ့အစည်းတခု အနေနဲ့၊ ဘာတွေ ဖြစ်ပေါ်လာစေချင်သလဲ။ လူ့အသိုင်းအ၀ိုင်းတွေထဲမှာ အမူအကျင့်ဆိုင်ရာ အပြောင်းအလဲတွေကို ဖြစ်ပေါ်စေလိုသလား။ လူတွေ စုရုံးလာစေပြီး တရား ဥပဒေကို အပြောင်းအလဲ လုပ်အောင် တောင်းဆိုစေချင်သလာ။ ကုန်ထုတ်လုပ်မှု တခုမှာ လူ့ကျင့်ဝတ်တွေကို ကျင့်သုံးစေချင်သလား။ သင် တောင်းဆိုနေတဲ့ လှုပ်ရှားမှုတွေ၊ ဘယ်သူ့အတွက် တောင်းဆိုနေတယ် စတာတွေကို သိရှိခြင်းဖြင့် ဘယ်လို သတင်းမီဒီယာ အမျိုးအစားကို အသုံးပြုမယ်၊ ဘယ်လို မီဒီယာ ပုံစံကို ရွေးချယ်မယ်၊ ဘယ်အချိန်မှာ စတင်မယ်၊ ထုတ်လုပ်မှု၊ ဖြန့်ချီမှုနဲ့ ထုတ်ပြန် ကြော်ငြာရာမှာ ဘယ်သူတွေ ပါဝင်လာမယ် စတာတွေကို အဆုံးအဖြတ် ပေးနိုင်မှာ ဖြစ်တယ်။

ဒီမေးခွန်းတွေကို သင်ကိုယ်တိုင်၊ (သို့) အုပ်စုထဲမှာ (သို့) အဖွဲ့အစည်းထဲမှာ တခါ ဖြေဆိုနိုင်တာနဲ့ စည်းရုံးလှုံ့ဆော်ရေး (သို့) ပရိုဂျက်မှာ အသုံးပြုမဲ့ ကိုယ်ပိုင် မီဒီယာကို အသုံးချနိုင်တဲ့ နည်းဗျူဟာ တခုခုကို သင် စတင် ဖန်တီးနိုင်မှာ ဖြစ်တယ်။ အောက်မှာ ဖေါ်ပြထားတဲ့ အပိုင်းတွေဟာ စည်းရုံးလှုံ့ဆော်ရေး (သို့) ပရိုဂျက်နဲ့ ပါတ်သက်ပြီး လူထု သတင်းမီဒီယာရဲ့ အာရုံစူးစိုက်မှုကို ရယူဖို့ ကြိုးစားနေတာ မဟုတ်ပဲ၊ သင် ဖြစ်စေချင်တဲ့ အပြောင်းအလဲတွေကို ဖြစ်ပေါ်လာစေဖို့ လုပ်ဆောင်ရမဲ့ မီဒီယာ အမျိုးအစားကို အဆုံးအဖြတ် ပေးနိုင်တဲ့ ရိုးရိုးအဆင့်တွေကို ပံ့ပိုးပေးဖို့ ဖြစ်တယ်။

သိကောင်းစရာများ

‘ထိရောက်မှု ရှိတဲ့ စည်းရုံးလှုပ်ရှားမှု လမ်းညွှန်’ ထဲမှာ၊ Tess Kingham နဲ့ Joe Coe တို့ဟာ သက်ရောက်မှု ရှိတဲ့ သတင်းမီဒီယာ ဖန်တီးရာမှာ AIDA ပုံသေနည်းကို အသုံးပြုခဲ့ကြတယ် -

ပရိသတ် အာရုံကို ဆွဲဆောင်ပါ လူထုဟာ သတင်း အချက်အလက်တွေကြားမှာ မျောပါနေကြတယ်။ ပထမဆုံး အနေနဲ့ သင့်ရဲ့ သတင်းစကားဟာ ဆွဲဆောင်မှု မရှိဘူး ဆိုရင်၊ ဘယ်အရာကိုမှ အောင်မြင်အောင် စွမ်းဆောင်နိုင်မှာ မဟုတ်ဘူး။
စိတ်ဝင်စားမှုကို ဖန်တီးပါ ပရိသတ်တွေက သင့်ရဲ့ သတင်းစကား (သို့) အရေးကိစ္စအပေါ် အလေးထားလာအောင် ဖန်တီးလုပ်ဆောင်ပါ။
တုံ့ပြန်လိုတဲ့ စိတ်ဆန္ဒ ရှိလာအောင် အားပေးပါ

သင့်ရဲ့ အရေးကိစ္စအကြောင်းကို လူတွေက ကြားသိခဲ့ပြီး ဖြစ်နိုင်တယ်။ သင် ပြောဆိုခဲ့တဲ့ အချက်ဟာ မှန်ကန်မှု ရှိပြီး အရေးကြီးကြောင်း လူတွေကို သဘောပေါက်စေခြင်းဖြင့် တုံ့ပြန်မှုတွေ ရလာအောင် နိူးဆော် တိုက်တွန်းပါ။

ချက်ခြင်း လှုပ်ရှား စေပါ

ရှင်းလင်း တိကျတဲ့ လှုပ်ရှားမှုမျိုးကို အားပေးပါ၊ ပရိသတ်တွေက လုပ်ဆောင်နိုင်တဲ့ လှုပ်ရှားမှုမျိုး ဖြစ်ဖို့ လိုတယ်။

ရှင်းလင်း တိကျတဲ့ လှုပ်ရှားမှုမျိုးကို အားပေးပါ၊ ပရိသတ်တွေက လုပ်ဆောင်နိုင်တဲ့ လှုပ်ရှားမှုမျိုး ဖြစ်ဖို့ လိုတယ်။