ကွန်ရက်စာမျက်နှာ အစီအစဉ် ရေးဆွဲခြင်း

 

ဒီအပိုင်းမှာ ကွန်ရက်စာမျက်နှာ တခုကို တည်ဆောက်တဲ့အခါ၊ ပရိသတ်နဲ့ ပန်းတိုင်တွေကို စတင် ဆန်းစစ်လေ့လာတဲ့အခါ ပါဝင်တဲ့ အဆင့်ဆင့်တွေကို တင်ပြသွားမှာ ဖြစ်တယ်။ ဒါ့အပြင် ကွန်ရက်စာမျက်နှာရဲ့ ဖွဲ့စည်း တည်ဆောက်ပုံ၊ host လုပ်တဲ့ပုံ၊ ကိုယ်ပိုင် ကွန်ရက် စာမျက်နှာ တခုရဲ့ လိပ်စာ (သို့) ဒိုမိန်းအမည် သတ်မှတ်ပုံ သတ်မှတ်နည်း စတာတွေကို ထည့်သွင်းထားတယ်။ ကွန်ရက် စာမျက်နှာ တခုကို  တည်ဆောက်တဲ့ လုပ်ငန်းစဉ်၊ စီမံထိန်းသိမ်းတဲ့ နေရာမှာ သိရှိထားရမဲ့ အရေးကြီးတဲ့ ပြဿနာတွေနဲ့ ကွန်ရက် စာမျက်နှာကို လူတွေက အဆက်မပြတ် လာရောက် ကြည့်ရှုလာအောင် အကြောင်းအရာတွေကို သစ်လွင်စေတဲ့နည်းတွေကို လေ့လာသွားမှာ ဖြစ်တယ်။

ကံကောင်းတဲ့ အချက်ကတော့ ကွန်ရက် စာမျက်နှာ (သို့) ဘလော့ဂ် တခုခုကို အလွယ်တကူ စတင် တည်ဆောက်ပြီး အသုံးပြုနိုင်တဲ့ အဆင့်အထိ အသုံးပြုနိုင်တဲ့ ကိရိယာတွေ အတော်များများ ရှိတယ်။ ဥပမာ အားဖြင့်၊ WordPress လမ်းညွှန် (ဆက်လက်ဖတ်ရှုရန်) ကို အသုံးပြုပြီး သင် နှစ်သက်တဲ့ template နဲ့ အခမဲ့ ကွန်ရက် စာမျက်နှာ တခုကို တည်ဆောက်နိုင်တယ်၊ အဆင်သင့် တည်ဆောက်ထားတဲ့ အကြောင်းအရာ စီမံခန့်ခွဲရေး နည်းစနစ် (CMS) ကို အသုံးပြုပြီး ငါးမိနစ် အတွင်းမှာ လူတွေ စတင် အသုံးပြုနိုင်အောင် စီစဉ်ဖန်တီးနိုင်တယ်။

 

ပရိသတ်နဲ့ ပန်းတိုင်များ
 

အောင်မြင်တဲ့ ကွန်ရက်စာမျက်နှာ တခုရဲ့ လျှို့ဝှက်ချက် ကတော့ လက်လှမ်းမီလိုတဲ့ ပရိသတ်တွေကို သိရှိပြီး၊ သူတို့ရဲ့ ပန်းတိုင်တွေ၊ အဖွဲ့အစည်းရဲ့ ပန်းတိုင်တွေကို အကျိုးဖြစ်ထွန်းစေမဲ့ အကြောင်းအရာတွေကို ဒီဇိုင်းဆွဲပြီး ပံ့ပိုးပေးဖို့ ဖြစ်တယ်။

ဒါဟာ သိသာထင်ရှားအချက် ဖြစ်တယ်။ ကွန်ရက် စာမျက်နှာတွေဟာ သုံးစွဲသူတွေအတွက်ပဲ ဖြစ်တယ်။ သုံးစွဲသူတွေက လိုချင် (သို့) လိုအပ်တဲ့ သတင်း အချက်အလက်တွေကို ပံ့ပိုးပေးလိုတယ်။ ဒါတွေကို မလုပ်ပေးနိုင်ဘူး ဆိုရင်၊ သင့်ရဲ့ ကွန်ရက် စာမျက်နှာကို လာရောက် ကြည့်ရှုကြမှာ မဟုတ်ဘူး။

ကွန်ရက် စာမျက်နှာရဲ့ ဒီဇိုင်း ဖန်တီးတဲ့အခါ လိုအပ်ချက် အမျိုးမျိုး အသီးသီး ရှိကြတဲ့ သုံးစွဲသူတွေက လာရောက်ကြည့်ရှုမယ် ဆိုတာ သိရှိထားပါ။ အသုံးပြုလာမဲ့ လူသစ်တွေက သင့်ရဲ့ အဖွဲ့အစည်း အကြောင်း (သို့) သင် လုပ်ဆောင်နေတဲ့ အမှုအခင်းတွေကို သိရှိထားကြလိမ့်မယ်လို့ မယူဆထားပါနဲ့။

ကွန်ရက် စာမျက်နှာရဲ့ ပန်းတိုင်တွေက ဘာတွေလဲ။

ဒီဇိုင်းကို စတင် ဖန်တီးတဲ့အခါ သင် သိထားသင့်တဲ့ နည်းလမ်းကောင်း တခုကတော့ သင် တည်ဆောက်မဲ့ ကွန်ရက် စာမျက်နှာရဲ့ ပန်းတိုင်တွေက ဘာတွေလဲ ဆိုတာ သိရှိထားဖို့ ဖြစ်တယ်။ အဲဒီအချက်တွေထဲမှာ အောက်ပါ အချက်အလက်တွေ ပါဝင်နိုင်တယ် -

 
  • ပညာပေးရန်နဲ့ သတင်းပေးပို့ရန်
  • အဖွဲ့အစည်းတခုရဲ့ အမှတ်လက္ခဏာကို ဖန်တီးရန်
  • လုပ်ငန်း တိုးချဲ့ပြီး ထောက်ခံအားပေးသူများကို ဆော်သြစည်းရုံးရန်
  • သတင်း မီဒီယာ ခြေလှမ်းကို တိုးချဲ့ပြီး လူတွေရဲ့ အာရုံကို ဆွဲဆောင်ရန်
  • စည်းရုံးလှုံ့ဆော်ရန်
  • ဆုံးဖြတ်ချက် ချမှတ်သူတွေနဲ့ အာဏာရှိတဲ့ ပုဂ္ဂိုလ်များကို စည်းရုံးရန်
  • ယုံကြည်စိတ်ချရတဲ့ သတင်း အရင်းအမြစ် တခုအဖြစ် ရပ်တည်ရန်
  • ထောက်ခံလှုပ်ရှားမှုနဲ့ ပါတ်သက်တဲ့ ထူးခြားတဲ့ ဒေတာများ၊ ကွင်းဆင်း လေ့လာချက် (သို့) သတင်း အချက်အလက်များကို ပံ့ပိုးရန်
  • အမှုအခင်း အခုခုနဲ့ ပါတ်သက်ပြီး ပရိသတ်နဲ့ တွေ့ဆုံဆွေးနွေးမှုကို အားပေးရန်

နည်းဗျူဟာ ဒီဇိုင်းဖန်တီးနည်းအကြောင်းကို ဆက်လက် ဖတ်ရှုရန်

ကွန်ရက်စာမျက်နှာကို သုံးစွဲလာတဲ့ သူတွေဟာ ဘယ်သူတွေလဲ။

ကွန်ရက်စာမျက်နှာ တခုကို ပိုင်ဆိုင်ထားပြီဆိုရင်၊ သုံးစွဲလာမဲ့ သူတွေအကြောင်းကို စဉ်းစားပါ။ အဲဒီ အထဲမှာ အောက်ပါ အမျိုးအစားတွေ ပါဝင်နိုင်တယ် -

 
  • ထောက်ခံသူတွေ/အဖွဲ့ဝင်တွေ
  • ပထမဆုံးအကြိမ် တက်ရောက်လာတဲ့ ပုဂ္ဂိုလ်တွေ
  • သတင်းဌာန
  • ငွေကြေး ထောက်ပံ့သူတွေ (အသေးစား၊ အကြီးစား လှူဒါန်းသူတွေ၊ ငွေကြေး ထောက်ပံ့သူတွေ)
  • တခြား အစီအစဉ် ရေးဆွဲသူတွေနဲ့ တက်ကြွလှုပ်ရှားသူတွေ
  • စည်းရုံးလှုံ့ဆော်မှုကို အတိုက်အခံလုပ်တဲ့ သူတွေနဲ့ ပစ်မှတ်ထားတဲ့ သူတွေ
  • ဆုံးဖြတ်ချက် ချမှတ်သူတွေ

ပရိသတ်ရဲ့ အသက် အပိုင်းအခြား၊ ပညာရေး၊ ဘာသာစကားတွေနဲ့ ယောင်္ကျား မိန်းမ ချိန်ခွင်လျှာ ညီမျှမှုတွေကို နားလည် သဘောပေါက်ထားတယ် ဆိုရင် သူတို့ကို တိုက်ရိုက် စကားပြောနိုင်မဲ့ အကြောင်းအရာတွေကို ဖန်တီးလုပ်ဆောင်ရာမှာ သင့်အတွက် အထောက်အကူ ဖြစ်စေမှာ ဖြစ်တယ်။

သင့်ရဲ့ ပန်းတိုင်တွေ၊ သုံးစွဲသူတွေကို သိထားတယ်ဆိုရင်၊ အဲဒီ သုံးစွဲသူတွေနဲ့ ကိုက်ညီတဲ့ ပန်းတိုင်တွေကို စတင် ရွေးချယ်နိုင်မှာ ဖြစ်တယ် - သူတို့က ဘာကို ရှာနေကြသလဲ (သို့) ဘာတွေ လုပ်နေကြသလဲ။ သင့်ရဲ့ ကွန်ရက် စာမျက်နှာကို လာရောက် ကြည့်ရှုတဲ့ သူတွေရဲ့ လိုအပ်ချက်တွေကို ဖြည့်ဆည်းနိုင်ဖို့ ဘယ်လို သတင်း အချက်အလက်တွေ (သို့) အရင်းအမြစ်တွေကို လွှင့်တင်ပေးထားသလဲ။

ကွန်ရက် စာမျက်နှာကို လာရောက် ကြည့်ရှုကြတဲ့ လူတွေက သင် လုပ်ဆောင်နေတဲ့ အမှုအခင်းတွေကို နားလည် သဘောပေါက်လာအောင် 'frame' တခုကို ဒီဇိုင်းဆွဲထားဖို့ လိုတယ်။ 'frame' ဆိုတာ ပထ၀ီဝင်ရေမြေဒေသ၊ လူပုဂ္ဂိုလ်/လူထုနဲ့ စကားပြောဆိုချက်၊ နည်းနာတွေအလိုက် သင့်ရဲ့ အဖြစ်အပျက်တွေကို လူထုဆီ တင်ပြပေးတဲ့ နည်းလမ်းဖြစ်တယ်။

ပစ်မှတ်ထားတဲ့ ပရိသတ်နဲ့ ပူးပေါင်းပါဝင်လာတဲ့ လူထုအတွက် ကွန်ရက်စာမျက်နှာကို ဒီဇိုင်းဖန်တီးခြင်း

ကွန်ရက် စာမျက်နှာတခုကို စတင် တည်ဆောက်တော့မယ် ဆိုရင်၊ ပစ်မှတ်ထားတဲ့ ပရိသတ်နဲ့ ပါဝင်လာမဲ့ လူထုကို ရွေးချယ်တဲ့ နည်းလမ်းနဲ့ ပါတ်သက်တဲ့ နည်းဗျူဟာ လမ်းညွှန် အသေးစိတ်ကို လေ့လာပါ (ဆက်လက်ဖတ်ရှုရန်)။ သင့်ရဲ့ ကွန်ရက် စာမျက်နှာဟာ ပရိသတ်တွေရဲ့ လိုအပ်ချက်တွေကို ဖြည့်ဆည်းပေးနိုင်ဖို့ ပရိသတ်ကို ရွေးချယ် သတ်မှတ်တဲ့ အလေ့အထ တခုကို လုပ်ဆောင်နိုင်တယ်။

ပရိသတ်တွေက ဘယ်သူတွေလဲ။

 
  • သူတို့ရဲ့ နာမည်ကို ရေးမှတ်ပါ၊ အရေးပါတဲ့ အဆင့်အလိုက် သတ်မှတ်ပါ - ဥပမာ အာားဖြင့်၊ ပထမအဆင့်၊ ဒုတိယအဆင့်၊ တတိယအဆင့် စသဖြင့်
  • သူတို့ ပုံမှန် အသုံးပြုနေတဲ့ ကွန်ရက်စာမျက်နှာ သုံးခုကို ရေးမှတ်ပါ

သင် အထူးဦးစားပေးတဲ့ ပရိသတ်တွေကို မေးရမဲ့ မေးခွန်းတွေ -

 
  • သူတို့ကို ဘယ်အရာတွေ သင်ယူစေချင်သလဲ (သို့) ဘာလုပ်စေချင်သလဲ။
  • သင့်ရဲ့ ကွန်ရက် စာမျက်နှာဆီ သူတို့ ဘယ်လို ရောက်လာကြသလဲ။
  • သူတို့ ဘာကို ရှာနေကြသလဲ။
  • ပင်မစာမျက်နှာပေါ်က ဘယ်အချက်ကို နှိပ်သွားကြသလဲ။
  • သူတို့ ဘာတွေ ဆက်လုပ်ကြသလဲ။

အဓိက ပရိသတ် တဦးတယောက်စီ အတွက် ‘click path’ လို့ခေါ်တဲ့ နှိပ်ရာလမ်းကြောင်း တခုကို ဖန်တီးပေးနိုင်တယ်၊ အဲဒီ လမ်းကြောင်းဟာ သူတို့ ဆက်လက် သွားရောက်မဲ့ links တွေ ပါရှိတဲ့ အစုအစည်း တခု ဖြစ်တယ်။ Click paths ကို ထားရှိခြင်းဖြင့် ပရိသတ် အမျိုးမျိုးက သူတို့ရဲ့ လိုအပ်ချက်တွေကို ဒီဇိုင်း ဖန်တီးထားတဲ့ စာမျက်နှာ တခုထဲမှာ တွေ့ရှိသွားနိုင်တယ် - ဥပမာ အားဖြင့်၊ သင့်ရဲ့ ပန်းတိုင်တွေဟာ ထောက်ခံ အားပေးသူ တဦးတယောက်ကို - လှုပ်ရှားမှုထဲ ပါဝင်လာအောင် ရည်ရွယ်တယ် ဆိုရင်၊ သူတို့ ပါဝင် လှုပ်ရှားလာခြင်းရဲ့ အရေးပါပုံကို ပြသချင်တယ် ဆိုရင်၊ တခြားသူတွေကို လေ့ကျင့် သင်တန်းပေးမဲ့ ကိစ္စနဲ့ ပါတ်သက်နေတယ် ဆိုရင်၊ ‘စည်းရုံးလှုပ်ရှားမှု မွမ်းမံချက်များ’ (သို့) ‘ပါဝင်လှုပ်ရှားရန်’ ဆိုတဲ့ link တခုခုကို သူတို့ နှိပ်ကြလိမ့်မယ်။ သူတို့အတွက် ပံ့ပိုးပေးထားတဲ့ လှုပ်ရှားမှုတွေထဲမှာ တခြားသူတွေကို လေ့ကျင့် သင်တန်းပေးဖို့လည်း ပါဝင်နိုင်တယ်။

 

သီးခြား စည်းရုံးလှုံ့ဆော်ရေး ကွန်ရက်စာမျက်နှာကို တည်ဆောက်ဖို့ လိုအပ်သလား။
 

သီးခြား စည်းရုံးလှုံ့ဆော်ရေး ကွန်ရက်စာမျက်နှာ တခုကို တည်ဆောက်မလား (သို့) စုစည်းထားတဲ့ စည်းရုံးလှုံ့ဆော်ရေး အပါအ၀င် အဖွဲ့အစည်းနဲ့ဆိုင်တဲ့ ကွန်ရက် စာမျက်နှာ တခုကို တည်ဆောက်မလား စတဲ့ အချက်တွေကို  စဉ်းစားထားပါ။ သီးခြား တည်ဆောက်တဲ့ စည်းရုံးလှုပ်ရှားရေး ကွန်ရက် စာမျက်နှာတွေဟာ အများအားဖြင့် အကြောင်းအရာ တခုခုကို အခြေခံပြီး တည်ဆောက်ထားတာ ဖြစ်ပြီး စုစည်းထားတဲ့ ကွန်ရက်စာမျက်နှာတွေမှာတော့ ပိုမို ကျယ်ပြန့်တဲ့ အဖွဲ့အစည်းဆိုင်ရာ ကွန်ရက် စာမျက်နှာတခုခုနဲ့ ကိုက်ညီတဲ့ စည်းရုံးလှုပ်ရှားမှု တခုခု ပါဝင်တယ်။

အကယ်လို့ စည်းရုံးလှုံ့ဆော်ရေးအတွက် သီးခြား ကွန်ရက်စာမျက်နှာ တခုခုကို တည်ဆောက်တော့မယ် ဆိုရင် သင့်ရဲ့ ပရိသတ်က အောက်ပါ အချက်တွေကို မျှော်လင့်လာနိုင်တယ် -

 
  • တိကျပြီး အဓိကကျတဲ့ သတင်း အချက်အလက်များ
  • လတ်တလော ပရိသတ်က အာရုံစိုက်နေတဲ့ အမှုအခင်း
     
  • အမှုအခင်းနဲ့ ပါတ်သက်တဲ့ ပုံမှန် မွမ်းမံထားတဲ့ သတင်း အချက်အလက်များ

အဖွဲ့အစည်းနဲ့ဆိုင်တဲ့ ကွန်ရက်စာမျက်နှာ တခုခုမှာ အမှုအခင်း (သို့) အဖွဲ့အစည်း အကြောင်းကို လေ့လာဖို့ ပထမဆုံးအကြိမ် လာရောက် ကြည့်ရှုတဲ့ လူတွေအတွက် သတင်း အချက်အလက်တွေ ပါရှိနေမှာ ဖြစ်ပြီး အကြောင်းအရာ အမျိုးမျိုး ပါဝင်နိုင်တယ်။

တိကျတဲ့ စည်းရုံးလှုပ်ရှားမှုအတွက် (သို့) အဖွဲ့အစည်းအတွက် ရည်ရွယ်ပြီး တည်ဆောက်ထားတဲ့ အောက်ပါ ဥပမာ ကွန်ရက် စာမျက်နှာတွေကို ကုန်ကျစရိတ် နည်းပါးမှု၊ ကြီးမားတဲ့ အကျိုး သက်ရောက်မှုတွေကြောင့် ရွေးချယ်ထားတာ ဖြစ်တယ်။

 

တိကျတဲ့ စည်းရုံးလှုံ့ဆော်ရေး ကွန်ရက်စာမျက်နှာများ - 350.org ဟာ ကမ္ဘာလုံးဆိုင်ရာ စည်းရုံးလှုံ့ဆော်ရေးနဲ့ဆိုင်တဲ့ ကွန်ရက်စာမျက်နှာ တခု ဖြစ်ပြီး ကမ္ဘာ့ ရာသီဥတု ပြောင်းလဲမှုကို ထုတ်ဖေါ်ရာမှာ လူထုကို အဓိက ဆော်သြစည်းရုံးတဲ့ ကွန်ရက်စာမျက်နှာ  ဖြစ်တယ်။ အထူးသဖြင့်၊ ကိုပင်ဟေကင်မှာ ကမ္ဘာ့ ခေါင်းဆောင်ကြီးတွေက ရာသီဥတု ပြောင်းလဲမှု အကြောင်း ဆွေးနွေးနေကြတဲ့အခါ ပိုမို ဖိအားပေး တောင်းဆိုဖို့ ရည်ရွယ်ထားတာ ဖြစ်တယ်။ အပြည်ပြည်ဆိုင်ရာ မြေမြှပ်မိုင်း အဆုံးသတ်ရေး စည်းရုံးလှုပ်ရှားမှုဟာ အဖွဲ့အစည်းတွေနဲ့ စုပေါင်း ဖွဲ့စည်းထားတဲ့ အပြည်ပြည်ဆိုင်ရာ အဖွဲ့တဖွဲ့ကို ကိုယ်စားပြုတဲ့ ကွန်ရက် စာမျက်နှာ တခု ဖြစ်တယ်၊ အဓိကအားဖြင့် မြေမြှပ်မိုင်း ထုတ်လုပ် သုံးစွဲမှုကို တားဆီး ကာကွယ်ဖို့အတွက် လှုပ်ရှားတာ ဖြစ်တယ်။ အခွန်ဘဏ္ဍာ စောင့်ကြည့်ရေးအဖွဲ့ ဟာ ပတ်ဝန်းကျင်ဆိုင်ရာ အရင်းအမြစ်တွေကို သုံးစွဲမှုအတွက် တာဝန်ယူ လုပ်ဆောင်နေတဲ့ အဖွဲ့အစည်းတွေနဲ့ စုစည်းထားတဲ့ အဖွဲ့ တဖွဲ့ ဖြစ်တယ်။ မဇ္ဈိမ သတင်းဌာနဟာ အဓိကအားဖြင့် မြန်မာနိုင်ငံနဲ့ ပါတ်သက်တဲ့ နောက်ဆုံးရ သတင်းတွေကို ဖြန့်ဖြူးပေးတယ်။
 

အဖွဲ့အစည်းဆိုင်ရာ ကွန်ရက်စာမျက်နှာများ - လူ့အခွင့်အရေးဆိုင်ရာ နည်းနာသစ်များ ဟာ လူ့အခွင့်အရေးအတွက် တက်ကြွလှုပ်ရှားနေကြတဲ့ လူ့အစုအဖွဲ့ တခုကို ထောက်ခံ အားပေးတဲ့ အဖွဲ့အစည်း တခု ဖြစ်တယ်။ သူတို့ဟာ တွေ့ဆုံဆွေးနွေးပွဲတွေ ပြုလုပ်ပြီး အသိပညာ ဖလှယ်ရေးကို အားပေးတဲ့အပြင်၊ သင်တန်းနဲ့ တခြား ၀န်ဆောင်မှုတွေကို ပံ့ပိုးပေးတယ်။ သူတို့ရဲ့ ကွန်ရက်စာမျက်နှာကို CMSDrupal အသုံးပြုပြီး တည်ဆောက် ထားတယ်။ Sex Work Europe ဟာ ဥရောပမှာ ရှိတဲ့ လိင်လုပ်သားတွေရဲ့ အခွင့်အရေးကို အကာအကွယ် ပေးပြီး CMSJoomla ကို အသုံးပြုထားတယ်၊ လိင်လုပ်သားများရဲ့ အခွင့်အရေးကို ထောက်ခံလှုပ်ရှားတဲ့ ကွန်ရက် ကတော့ CMSDrupal ကို အသုံးပြုထားတယ်။


ကွန်ရက် စာမျက်နှာမှာ ပါဝင်တဲ့ အကြောင်းအရာများ

ကွန်ရက် စာမျက်နှာ တခုရဲ့ တည်ဆောက်ပုံဟာ အဖွဲ့အစည်းရဲ့ အနေအထား၊ ကွန်ရက် စာမျက်နှာကို အသုံးပြုချင်တဲ့ အကြောင်းအရာတွေအပေါ် မူတည်ပြီး အမျိုးမျိုး ကွဲပြားလိမ့်မယ်။ ပုံမှန် ကွန်ရက် စာမျက်နှာတွေမှာ ရှိထားရမဲ့ အချက်တချို့ကို အောက်မှာ ဖေါ်ပြထားတယ်။

ကျွန်ပ်တို့ အကြောင်း

ကွန်ရက် စာမျက်နှာပေါ်က ကျွန်ုပ်တို့ အကြောင်းထဲမှာ ပါဝင်တဲ့ အချက်များ -
 
  • ထုတ်ပြန်ကြောငြာချက်
  • ၀န်ထမ်းနဲ့ ဘုတ်အဖွဲ့ရဲ့ အတ္ထုပ္ပတ္တိများ
  • ဆက်သွယ်ရမဲ့ လိပ်စာ
  • နှစ်စဉ် အစီရင်ခံချက်များ
  • အလုပ်နဲ့ စေတနာ့ လုပ်ငန်း
  • မှတ်တမ်းနဲ့ အောင်မြင်မှုများ
  • မကြာခဏ မေးလေ့ရှိတဲ့ မေးခွန်းများ

စည်းရုံးလှုံ့ဆော်ရေး နောက်ဆုံး ဖြစ်ရပ်များ

စည်းရုံးလှုံ့ဆော်ရေး ကွန်ရက် စာမျက်နှာ တခုခုကို တည်ဆောက်နေတယ် ဆိုရင်၊ နည်းဗျူဟာနဲ့ ပါတ်သက်တဲ့ သတင်း အချက်အလက်တွေ၊ နောက်ဆုံး ဖြစ်ရပ်တွေ၊ စည်းရုံးလှုံ့ဆော်ရေးနဲ့ သက်ဆိုင်တဲ့ နည်းနာတွေကို တင်ပို့ထားပါ။ စည်းရုံးလှုံ့ဆော်ရေးထဲမှာ မိမိကိုယ်တိုင် ပါဝင်နေသလို စိတ်ကူးယဉ်ကြည့်ပါ။ အောက်ပါ အချက်တွေကိုလည်း ထည့်သွင်းထားလို့ ရတယ် -

 
  • အမှုအခင်း အကြောင်း။ အမှုအခင်းတွေကို ကိုယ်ပိုင် အတွေ့အကြုံအပေါ် အခြေခံပြီး နားလည်ရ လွယ်ကူတဲ့ အသုံးအနှုန်းနဲ့ ဖေါ်ပြပေးဖို့ အရေးကြီးတယ်။ သတင်း အချက်အလက်တွေကို အလွန်အကြွံ မပေးမိဖို့ သတိထားပါ။ ပရိသတ်တွေကို ရယူစေချင်တဲ့ အချက် တခုကိုပဲ စဉ်းစားပါ။
  • အဖြစ်အပျက် သတင်းထုတ်ပြန်ချက်များ
  • ဓါတ်ပုံများ၊ အသံ (သို့) ဗွီဒီယို မှတ်တမ်း
  • ဥပဒေ ဆိုင်ရာ နောက်ဆုံး ထုတ်ပြန်ချက်များ
  • ပရိသတ်များ ပူးပေါင်း လုပ်ဆောင်နိုင်တဲ့ နည်းလမ်းများ

ပူးပေါင်း ပါဝင် / ပါဝင် လှုပ်ရှားမှု

ဒီနေရာမှာ ကွန်ရက် စာမျက်နှာကို လာရောက် ကြည့်ရှုတဲ့ သူတွေက သင့်ရဲ့ စည်းရုံးလှုံ့ဆော်ရေး (သို့) အဖွဲ့အစည်းမှာ အွန်လိုင်းနဲ့ ဖြစ်ဖြစ် (သို့) အော့ဖ်လိုင်းနဲ့ဖြစ်ဖြစ် ပါဝင်နိုင်တဲ့ နည်းလမ်းတွေကို တင်ပြထားနိုင်တယ်။

အွန်လိုင်း ပါဝင်မှု
 
  • အီးမေးလ် သတင်းလွှာတွေကို မှာယူပါ
  • လှုပ်ရှားမှု နှိုးဆော်ချက်များ/ပန်ကြားချက်များ
  • မီဒီယာကို ဆက်သွယ်ပါ/အယ်ဒီတာဆီ စာရေးပါ
  • အစိုးရဌာနမှာ ရှိတဲ့ ကိုယ်စားလှယ်ကို ဆက်သွယ်ပါ
  • မိတ်ဆွေ တဦးကို ပြောပြပါ
  • လှူဒါန်းပါ/အသင်းဝင်ပါ

အော့ဖ်လိုင်း ပါဝင်မှု
  • လူထုအကျိုးပြု အခွင့်အလမ်းများ
  • လှုပ်ရှား ဆောင်ရွတ်ချက်များ
  • ဒေသတွင်း အဖွဲ့များ
  • ကိရိယာများ/လှုပ်ရှားမှု အရင်းအမြစ်များ

သတင်း ဌာန

ဒီနေရာဟာ အဖွဲ့အစည်း (သို့) စည်းရုံးလှုံ့ဆော်ရေးနဲ့ ပါတ်သက်တဲ့ သတင်း အချက်အလက်တွေကို ရယူနိုင်တဲ့ နေရာ ဖြစ်တယ်။ ဒီနေရာကနေ သတင်း ထုတ်ပြန်ချက်တွေ၊ မီဒီယာနဲ့ ပြောရေးဆိုခွင့် ရှိတဲ့ အဖွဲ့အစည်းထဲက ပုဂ္ဂိုလ် တဦးတယောက်ရဲ့ လိပ်စာ အချက်အလက်တွေ၊ (သို့) မီဒီယာ အရင်းအမြစ်တွေ ဖြစ်တဲ့ ရုပ်ပုံတွေ၊ အွန်လိုင်းမှာ ဖြစ်ဖြစ်၊ ပုံနှိပ်ထုတ်ပြန်ရာမှာ ဖြစ်ဖြစ် အသုံးပြုနိုင်တဲ့ အသံနဲ့ ဗွီဒီယို ရိုက်ကူး ဖမ်းယူချက်တွေ ရယူနိုင်တယ်။ သတင်း ပေးပို့ချက်တွေ၊ ဟောပြောချက်တွေ (သို့) သတင်း ထုတ်ပြန်ချက်တွေနဲ့ ဆိုင်တဲ့ အသေးစိတ် အချက်အလက်တွေလည်း ပါဝင်နိုင်တယ်။

လှူဒါန်းပါ/ကူညီထောက်ပံ့ပါ

အကယ်လို့ အဖွဲ့အစည်းထဲမှာ လှူဒါန်းတာနဲ့ ပါတ်သက်တဲ့ နည်းဗျူဟာ တခုခု ရှိထားတယ် ဆိုရင်၊ လူထုက လွယ်လင့်တကူ ငွေကြေး ထောက်ပံ့နိုင်ဖို့ (သို့) လူမှု အကူအညီတွေ ပေးနိုင်ဖို့ အစီအစဉ် ထားရှိပါ။ ရုံးနဲ့ ပါတ်သက်တဲ့ ပစ္စည်း ကိရိယာတွေကို လူထုက စေတနာနဲ့ လှူဒါန်းတာကို ခွင့်ပြုတာဟာ ကောင်းမွန်တဲ့ နည်းလမ်းတခု ဖြစ်တယ်။ ရိုးရိုးနဲ့ ပြောမယ် ဆိုရင်၊ လူထုက ရေးစေလိုတဲ့ အကြောင်းအရာတွေကို ရေးသား ပေးပို့နိုင်ဖို့ အီးမေးလ် လိပ်စာ တခုကို ပေးထားပါ။

တိုးတက်မှု လုပ်ငန်းစဉ် - တည်တံ့နေတဲ့ Static အမျိုးအစားလား (သို့) တိုးတက်နေတဲ့ dynamic အမျိုးအစားလား


တည်ဆောက်မဲ့ ကွန်ရက် စာမျက်နှာရဲ့ အမျိုးအစားကို စဉ်းစား ဆုံးဖြတ်ပါ - ခဏခဏ အပြောင်းအလဲ လုပ်စရာ မလိုတဲ့ static ကွန်ရက် စာမျက်နှာ ဖြစ်တယ် ဆိုရင်၊ အဖွဲ့အစည်းနဲ့ဆိုင်တဲ့ အွန်လိုင်း လက်ကမ်း စာစောင် အမျိုးအစား ဖြစ်တယ်။ dynamic ကွန်ရက် စာမျက်နှာကတော့ အပြောင်းအလဲတွေ မကြာခဏ လုပ်နေရမှာ ဖြစ်ပြီး အကြောင်းအရာ အတော်များများကို တင်ပို့ရတယ်။

ဒီနေရာမှာ လက်တွေ့ လုပ်ဆောင်ဖို့ လိုတယ်။ အဖွဲ့အစည်း အများစုက dynamic ကွန်ရက် စာမျက်နှာကို ပိုပြီး နှစ်သက်ကြတယ်။ ဒါပေမဲ့ အချိန်နဲ့ တပြေးညီ မွမ်းမံချက်တွေ မလုပ်နိုင်ကြဘူး။ အကျိုးရှိတဲ့ အကြောင်းအရာတွေကို ဆက်ပြီး မတင်ပို့နိုင်ကြဘူး။ ကွန်ရက် စာမျက်နှာကို ဒီဇိုင်း ထုတ်မဲ့သူ၊ အကြောင်းအရာတွေကို တင်ပို့မဲ့သူ စတဲ့ တာဝန်ယူမဲ့ သူတွေကို စဉ်းစား ဆုံးဖြတ်ပါ။ ကွန်ရက် စာမျက်နှာ တည်ဆောက်တဲ့ နေရာမှာ ဒီဇိုင်း ရေးဆွဲသူတွေ၊ စာရေးဆရာတွေ၊ ကွန်ရက် တည်ဆောက်တဲ့ သူတွေ၊ စီမံကိန်း စီမံခန့်ခွဲသူတွေ ပါဝင်တယ်။ အဲဒီ ပုဂ္ဂိုလ်တွေထဲက တချို့ဟာ အဖွဲ့အစည်းထဲက ဖြစ်နိုင်သလို၊ ပြင်ပက လူတွေ ပါဝင်နိုင်တယ်။ စေတနာနဲ့ ပါဝင် ကူညီတဲ့ သူတွေနဲ့ လက်တွဲပြီး dynamic ဖြစ်တဲ့ အကြောင်းအရာကို စုဆောင်းနိုင်တယ်၊ ပုံစံအမျိုးမျိုးကို ဖန်တီးနိုင်တယ်၊ ဆက်ဆံရေးကို တည်ဆောက်နိုင်တယ်။

အကြောင်းအရာတွေ မွမ်းမံမဲ့ ပုံစံတွေကို ကြိုတင်ပြီး အစီအစဉ် ရေးဆွဲနိုင်အောင် အချိန် သတ်မှတ်ထားပါ။ အခက်အခဲ ရှိမယ် ဆိုရင်၊ ကွန်ရက် စာမျက်နှာကို လုပ်ငန်း အသေးအမွှားကနေ စပြီး အဆင့်ဆင့်လိုက် တဖြေးဖြေးချင်း လုပ်ဆောင်ပါ။

 
  • Static ကွန်ရက် စာမျက်နှာတွေဟာ ရိုးရိုး ကွန်ရက် စာမျက်နှာတွေ ဖြစ်ကြပြီး ပြင်ဆင် ပြောင်းလဲမှုတွေ သိပ်လုပ်စရာ မလိုဘူး။ အကြောင်းအရာ များများစားစားလည်း မပါရှိဘူး။ ဒီလို ကွန်ရက် စာမျက်နှာ အမျိုးအစားကို ဒေတာဘေ့စ် install လုပ်စရာ မလိုတဲ့ KompoZer (ဆက်လက် ဖတ်ရှုရန်) လို ဆော့ဗ်ဝဲကို အသုံးပြုပြီး တည်ဆောက်နိုင်တယ်။ Static ကွန်ရက် စာမျက်နှာတွေကို တည်းဖြတ်တဲ့အခါ KompoZer (သို့) တခြား ဆော့ဗ်ဝဲမှာ ရှိတဲ့ HTML ကို တိုက်ရိုက် တည်းဖြတ်ရမှာ ဖြစ်တယ်။ အဲဒါပြီးမှ အဲဒီ အကြောင်းအရာကို ကွန်ရက် ဆာဗာပေါ်မှာ တင်ပို့ရမှာ ဖြစ်တယ်။
  • အကြောင်းအရာ စီမံခန့်ခွဲရေး စနစ်ဖြစ်တဲ့ (CMS)ကို အသုံးပြုပြီး ပိုမို dynamic ကျတဲ့ ကွန်ရက် စာမျက်နှာတွေကို တည်ဆောက်နိုင်တယ်။ ဒီနည်းနဲ့ အကြောင်းအရာ အတော်များများကို မကြာခဏ ဆိုသလို အလွယ်တကူနဲ့ ပြင်ဆင် ပြောင်းလဲနိုင်မှာ ဖြစ်တယ်။ ဒီနေရာမှာ Wordpress, Drupal (သို့) Joomla (ဆက်လက် ဖတ်ရှုရန်) စတဲ့ ဒေတာဘေ့စ် တခုခု လိုအပ်တယ်။ ဒီနည်းစနစ်တွေဟာ ပိုပြီး လိုက်လျော ညီထွေ ရှိတယ်။ ရုံးဝန်ထမ်း အမျိုးမျိုးက ကွန်ရက် စာမျက်နှာရဲ့ အခန်းကဏ္ဍ တချို့ကို မွမ်းမံနိုင်အောင် ခွင့်ပြုချက်တွေ သီးခြား ပေးနိုင်တဲ့ features တွေ ပါရှိတယ်။ ရုံးဝန်ထမ်းတွေက HTML ကို သုံးစရာ မလိုပဲ၊ ကွန်ရက် စာမျက်နှာရဲ့ အကြောင်းအရာတွေကို အလွယ်တကူ တည်းဖြတ်နိုင်တဲ့ အွန်လိုင်း မျက်နှာပြင် တခု ပါရှိတယ်။

အကြောင်းအရာ စီမံခန့်ခွဲရေး စနစ်ဖြစ်တဲ့ (CMS) ကို အသုံးပြုထားတဲ့ dynamic ကွန်ရက် စာမျက်နှာ တခုခုကို ရွေးချယ်တာ အကောင်းဆုံး ဖြစ်တယ်။ ကွန်ရက် စာမျက်နှာ တည်ဆောက်နည်းကို အနည်းအကျဉ်းလောက်ပဲ နားလည်ထားတဲ့ အဖွဲ့အစည်းလေးတွေကလည်း ဒီလို လိုက်လျော ညီထွေ ရှိတဲ့ ကွန်ရက် စာမျက်နှာမျိုးကို အခမဲ့ (သို့) ကုန်စရိတ် အနည်းအကျဉ်းနဲ့ အသင့် ဖန်တီးထားတဲ့ templates (ပုံစံခွတ်)တွေကို အသုံးပြုပြီး တည်ဆောက်နိုင်တယ်။
 

ပုံဒီဇိုင်း ရေးဆွဲမှု လုပ်ငန်းစဉ်


ကွန်ရက် စာမျက်နှာရဲ့ ပုံဒီဇိုင်းက အဖွဲ့အစည်းရဲ့ ကိုယ်ပိုင်လက္ခဏာကို ထင်ဟပ်စေတယ်။ ကွန်ရက် စာမျက်နှာ အများစုမှာ အခြေခံအားဖြင့် ဒီဇိုင်း နှစ်မျိုး ရှိကြတယ်။ ပထမကတော့ ပင်မ စာမျက်နှာ ဖြစ်ပြီး၊ ဒုတိယကတော့ အောက်ပိုင်း အဆင့် (lower-level) စာမျက်နှာတွေပဲ ဖြစ်တယ်။ ပုံမှန် လုပ်ငန်းစဉ်ကတော့ အောက်ပါအတိုင်း ဖြစ်တယ် -

 
  • စာမျက်နှာ အပြင်အဆင်ရဲ့ wireframe ပုံကြမ်းတွေကို ဖန်တီးပါ။ အဲဒီ wireframes ကို အသုံးပြုပြီး တခြား သရုပ်ဖေါ်ပုံတွေ၊ အကြောင်းအရာတွေ မပါပဲ စာမျက်နှာရဲ့ အပြင်အဆင်ကို အပြီးသတ်နိုင်မှာ ဖြစ်တယ်။ ဆိုလိုတာက ပုံတွေကို မပြင်ဆင်ခင်၊ စာမျက်နှာရဲ့ ဖွဲ့စည်းပုံနဲ့ အပြန်အလှန် ဆက်စပ်မှုတွေကို ဆုံးဖြတ်ပြီးသား ဖြစ်နေရမှာ ဖြစ်တယ်။
  • သုံးစွဲသူတွေနဲ့ အကြောင်းအရာတွေ အကြား အပြန်အလှန် ဆက်စပ်ပုံကို ပြင်ဆင်ထားပါ။ အဲဒီ အကြောင်းအရာရဲ့ ဘေးမှာ menu တခုကို ထားရှိရင် ကောင်းမလား၊ (သို့) အကြောင်းအရာကို sub-menus တွေ အဖြစ် ခွဲထားရင်း ကောင်းမလား စသဖြင့်။ သုံးစွဲသူတွေက အဲဒီ အကြောင်းအရာတွေကို တွေ့ရှိလာနိုင်မဲ့ နည်းလမ်းတွေ၊ အကြောင်းအရာတွေကို နောက်ပိုင်းမှာ ထပ်ထည့်လို့ ရတဲ့ နည်းလမ်းတွေကို စဉ်းစားထားပါ။
  • Colour palette လို့ခေါ်တဲ့ အရောင်စပ် ဆေးခွက် တခုနဲ့ အဖွဲ့အစည်းရဲ့ ပန်းတိုင်တွေ၊ ကိုယ်ပိုင် အမှတ်အသားကို ထင်ရှားစေတဲ့ ရုပ်ပုံတွေကို ရွေးချယ်ပါ။ တခြား ပုံနှိပ် ထုတ်ဝေမှုတွေ (သို့) အမှတ်တံဆိပ်တွေနဲ့ တထပ်တည်း ကျအောင် လုပ်ဆောင်ပါ။ ကွန်ရက် စာမျက်နှာရဲ့ ပုံပန်းသဏ္ဍာန်ကို တည်ဆောက်တဲ့နေရာမှာ ပုံဒီဇိုင်း ရေးဆွဲသူ တယောက်ယောက်နဲ့ အတူတူ လုပ်ဆောင်ပါ။ ဒါမှမဟုတ် ကိုယ့်ဟာကိုယ် ကြိုးစားကြည့်ပါ။
  • အကြောင်းအရာတွေကို ထည့်သွင်းနိုင်တဲ့ အပြီးသတ် ဒီဇိုင်းကနေ templates လို့ ခေါ်တဲ့ ပုံစံခွက်တွေကို ထုတ်လုပ်ပါ။