အော့ဖ်လိုင်းနဲ့ ဖြန့်ဝေခြင်း

 

ရုပ်မြင်သံကြား၊ DVD တွေ၊ VCD တွေ၊ ပြသပွဲတွေနဲ့ ဖိုင်တွေကို လူတယောက်နဲ့ တယောက် လက်ဆင့်ကမ်းတာတွေဟာ စဉ်းစားရမဲ့ အရေးကြီးတဲ့ ဖြန့်ဖြူးရေး ယန္တရားတွေ ဖြစ်ကြတယ်။ အခုခေတ်မှာ အွန်လိုင်း ဗွီဒီယို ဖြန့်ဝေရေး နည်းလမ်းမျိုးစုံ ရှိပေမဲ့၊ အော့ဖ်လိုင်းနည်းဟာ အထိရောက်ဆုံး ဖြစ်နေသေးတဲ့အတွက် သူ့ကို အထင်သေးလို့ မရဘူး။ ကမ္ဘာ့ လူဦးရေ အများစုဟာ အင်တာနက် မသုံးနိုင်ကြဘူး၊ လူနည်းစုကသာ broadband ဆက်သွယ်မှု စနစ်တွေကို အသုံးပြုပြီး ဗွီဒီယိုကို အွန်လိုင်းမှာ ထုတ်လွှင့်တာတို့၊ လက်ခံရယူတာတို့ လုပ်ကြတယ်။

ဒီအခန်းမှာ DVDs နဲ့ VCDs ပြုလုပ်နည်း၊ လူထု ပြသပွဲတွေ ပြုလုပ်နည်းနဲ့ ပစ်မှတ်ထားတဲ့ ပရိသတ်ဆီ အွန်လိုင်းနဲ့ အော့ဖ်လိုင်း ဖြန့်ဖြူးနည်း နှစ်မျိုးစလုံးနဲ့ ပေးပို့နိုင်တဲ့ နည်းကို အကျဉ်းချုံး တင်ပြသွားမှာ ဖြစ်တယ်။
 

DVD & VCD ဖြန့်ဖြူးခြင်း
 

DVD ရဲ့ အရှည်ကောက်ကတော့ Digital Versatile Disc ဖြစ်တယ်။ DVD ကို formats အမျိုးမျိုးနဲ့ ဘယ်လို ဒေတာမျိုးကို မဆို ကူးထည့်နိုင်တယ်။ disc (အလွှာတခု) ရဲ့ တဖက်ခြမ်းမှာ သတင်း အချက်အလက်တွေကို ကူးထည့်နိုင်တဲ့ အလွှာတခု ဖြစ်ဖြစ်၊ disc  (အလွှာနှစ်ခု) တဖက်ခြမ်းမှာ သတင်း အချက်အလက်တွေကို အလွှာနှစ်လွှာနဲ့ ဖြစ်ဖြစ်၊ နှစ်ဖက်စလုံး (အလွှာနှစ်ထပ်) မှာ ဖြစ်ဖြစ် သတင်း အချက်အလက်တွေကို ကူးထည့်နိုင်တယ်။ အလွှာ (သို့) အနား တဖက်စီမှာ ၄.၇ Gigabytes ရှိတဲ့ ဗွီဒီယို (သို့) တခြား ဒေတာတွေကို သိမ်းထားနိုင်တယ်။ DVD-Video discs တွေမှာ MPEG2 format နဲ့ encode လုပ်ထားတဲ့ ဗွီဒီယို ပါရှိတယ်။

DVD-Video discs တွေဟာ hardware DVD ပြစက်တွေမှာ (သို့) DVD drives တပ်ဆင်ထားတဲ့ ကွန်ပျူတာတွေမှာ DVD ပြတဲ့ ဆော့ဗ်ဝဲကို အသုံးပြုပြီး ပြသနိုင်အောင် စီမံထုတ်လုပ်ထားတယ်။ ဗွီဒီယိုကို DVD ဖန်တီးနေတဲ့အချိန်မှာ တန်ပြန် တုံ့ပြန်မှုရှိတဲ့ menus တွေကို DVD-Video format ထဲက ရုပ်ပုံတွေ၊ အသံတွေနဲ့ ပြုလုပ်ထားတယ်။

VCD ရဲ့ အရှည်ကောက်ဟာ Video Compact Disc ဖြစ်ပြီး အခြေခံအားဖြင့် CD တခုထဲမှာ ၇၄ မိနစ်စာ ဗွီဒီယိုကို hardware VCD ပြစက်တွေနဲ့ DVD ပြစက် အများစုမှာ ပြသနိုင်တဲ့ format နဲ့ သိမ်းဆည်းထားတယ်။ VCD ထဲက ဗွီဒီယိုဟာ MPEG1 ပုံစံနဲ့ စံသတ်မှတ်ချက် အတိုင်း encode လုပ်ထားတယ်၊ အရင် ဗွီဒီယို compression format ဟာ အခုချိန်မှာ အသစ်ထွက်လာတဲ့ codecs တွေထက် ကွန်ပျူတာ သုံးစွဲမှုအား သိပ်မလိုအပ်ဘူး။ ရုပ်ပုံ အရည်အသွေးမှာတော့ MPEG1-VCD ကို VHS ဗွီဒီယို တိပ်ခွေ တခုနဲ့ ယှဉ်နှိုင်းလို့ ရတယ်။

DVD & VCD - အကျိုးရလဒ်များနဲ့ ဆိုးကျိုးများ

ဗွီဒီယိုကို VCD ထက် DVD ကို အသုံးပြုပြီး ဖြန့်ဝေတဲ့ အကျိုးကျေးဇူးတွေ ကတော့ -

အရည်အသွေး - DVD ဟာ VCD ထက် ပိုမို ခေတ်မီပြီး compression လုပ်တဲ့ စံညွှန်း ပိုကောင်းတဲ့အပြင် ဒေတာများများ ပိုထည့်နိုင်တယ်။

အပြန်အလှန် တုံ့ပြန်မှု - ရှုပ်ထွေးတဲ့ menus တွေ၊ စာတန်းတွေနဲ့ နောက်ဆက်တွဲ ကင်မရာ-လှုပ်ရှားမှုတွေအတွက် ဗွီဒီယို streams တွေကို တပြိုင်ထဲ ဖန်တီးပေးနိုင်တယ်။

အကျွမ်းဝင်ခြင်း - ကမ္ဘာ့ နေရာ တချို့မှာ ရှိတဲ့ ပရိသတ်တွေက DVD နည်းပညာကို ပိုပြီး ရင်းနှီးကြတယ်။ ဗွီဒီယိုကို DVD ထက် VCD ကို အသုံးပြုပြီး ဖြန့်ဝေရတဲ့ အကျိုးကျေးဇူးတွေ ကတော့ -

• ကုန်ကျစရိတ် - CD အလွတ်တွေဟာ DVD အလွတ်တွေထက် ဈေးနှုန်း သက်သာတယ်။

• ဖြန့်ဖြူးမှု - CDs တွေဟာ ရှေးပိုကျတဲ့ နည်းပညာတခု ဖြစ်တဲ့အတွက် လူအတော်များများရဲ့ ကွန်ပျူတာထဲမှာ DVD ပြစက်ထက် CD ပြစက်ကို ပိုပြီး အသုံးပြု ကြတယ်။

• ကူးယူမှု လွယ်ကူခြင်း - လူအတော်များများဟာ DVD burner ထက် CD burner ပိုမို အသုံးပြုကြပြီး ရုပ်ရှင်ကားကို တခြား သူတွေအတွက် သူတို့ ကိုယ်တိုင် ကူးပေးနိုင်တယ်။

• DVD player ရဲ့ လိုက်ဖက်ကိုက်ညီမှု - hardware DVD ပြစက် အများစုက VCDs တွေကို ပြပေးနိုင်မှာ ဖြစ်ပြီး VCD format ဟာ အများအားဖြင့် အလွန် ရေပမ်းစားတဲ့အတွက် DVDs တွေထက် နေရာတကာမှာ ပိုမို ရရှိနိုင်တယ်။


ဗွီဒီယိုကို DVD (သို့) VCD နဲ့ ဖြန့်ဝေနိုင်တဲ့ options အမျိုးမျိုး ရှိတယ် -
  • ဗွီဒီယိုကို လက်ရှိ compilations ထဲမှာ တင်ပို့ပါ။ compilation ကို ထုတ်လုပ်သူတွေက ဖြန့်ဝေသွားမှာ ဖြစ်တယ်၊ သင် နေထိုင်တဲ့ နေရာဒေသမှာ ဖြန့်ဝေနိုင်ဖို့ သင်ကိုယ်တိုင် တာဝန်ယူပြီး စီစဉ်နိုင်တယ်။
  • အကယ်လို့ ကွန်ပျူတာမှာ DVD (သို့) CD burner တခုခု ရှိတယ် ဆိုရင်၊ DVDs (သို့) VCDs တချို့ကို သင်ကိုယ်တိုင် ပွားယူနိုင်တယ်။
  • အကယ်လို့ Discs အရေအတွက် များများကို ဖြန့်ဝေဖို့ မှန်းထားတယ် ဆိုရင်၊ မူရင်း disc တခုကို ယူပြီး အဆင့်မြင့်မြင့် ကော်ပီပွားယူနိုင်တယ်။ အခုအခါ ကော်ပီ ပွားယူတဲ့ ဈေးနှုန်းတွေဟာ အဆက်မပြတ် ကျဆင်းနေတယ်။
  • ကုန်ပစ္စည်း မှာယူတဲ့စနစ်ကို သင်ကိုယ်တိုင် (အွန်လိုင်းနဲ့ ဖြစ်ဖြစ်၊ စာတိုက်ကနေ ဖြစ်ဖြစ်) ချမှတ်နိုင်တယ်၊ (သို့) discs တွေကို စာတိုက် ရောင်းဝယ်ရေး ကုမ္ပဏီ တခုခုဆီ အပ်ထားပြီး သူတို့ ကိုယ်ပိုင် အွန်လိုင်း အကြွေးဝယ်ကဒ် ရှိတဲ့အတွက် ဖြည့်စွတ်ပုံစံတွေကို သင် ကိုယ်တိုင် ဖြည့်နေစရာ မလိုပဲ သူတို့က စီစဉ်ပေးသွားမှာ ဖြစ်တယ်။

DVD တခု ပြုလုပ်ခြင်း

  • DVD ထဲမှာ ထည့်ချင်တဲ့ အကြောင်းအရာကို ဆုံးဖြတ်ပါ၊ ဗွီဒီယို အစိတ်အပိုင်းတွေမှာ ပရိုဂရမ်နဲ့ ရုပ်ရှင် နမူနာ (သို့) အပို ရုပ်ရှင်ကား တခုခု ထည့်သွင်းနိုင်တယ်။ menus တွေမှာလည်း ဗွီဒီယို၊ အမူအခင်းတွေနဲ့ ပါတ်သက်တဲ့ စာသားတွေ၊ ဆက်လက် လေ့လာရမဲ့ အချက်အလက်တွေ၊ ထုတ်လုပ်တဲ့ နေရာတွေ၊ အမှတ်တံဆိပ်တွေနဲ့ နောက်ခံ တေးဂီတ အသံ တချို့ ပါရှိနိုင်တယ်၊
  • DVD format ရဲ့ အကျိုးကျေးဇူး တခုကတော့ ဘာသာစကား အမျိုးမျိုးအတွက် စာတမ်းထိုးတွေ ထည့်သွင်းနိုင်တယ်၊ (သို့) မူရင်း ဘာသာစကားရဲ့ စာတမ်းထိုးကို နားမကြားတဲ့ သူတွေအတွက် ဖွင့်ပေးနိုင်တယ်၊ အချိန်နဲ့ အရင်းအမြစ်တွေ ရှိရင် ဘာသာပြန်ဆိုမှုတွေ လုပ်ဆောင်နိုင်တယ်။
  • Menu နောက်ခံတွေနဲ့ ခလုတ်တွေကို ဖန်တီးဖို့ ဒီဇိုင်းဆွဲ ကျွမ်းကျင်တဲ့ ပုဂ္ဂိုလ် တဦးတယောက်ကို ခေါ်ယူပါ၊ (သို့) သင် ကိုယ်တိုင် ရေးဆွဲပါ။
  • ဗွီဒီယိုကို DVD ဖန်တီးနိုင်တဲ့ ဆော့ဗ်ဝဲထဲမှာ ထည့်လိုက်ပါ။ တချို့ ဆော့ဗ်ဝဲတွေဟာ တည်းဖြတ်ရေး ပရိုဂရမ်တခုကနေ export လုပ်လိုက်တဲ့ DV ဖိုင်ကို import လုပ်ပေးနိုင်မှာ ဖြစ်ပြီး၊ အဲဒီ ဆော့ဗ်ဝဲ ကိရိယာထဲမှာပဲ transcode လုပ်ပေးမှာ ဖြစ်တယ်၊ တချို့ လူတွေက MPEG2 ကို DVD ရဲ့ သတ်မှတ်ချက်တွေနဲ့ ကိုက်ညီအောင် encode လုပ်ဖို့ မျှော်လင့်ကြမှာ ဖြစ်တယ်။
  • သင်နဲ့ ပါတ်သက်တဲ့ အကြောင်းအရာကို အလိုလို ဒီဇိုင်းဆွဲထားတဲ့ menus တွေကို အသုံးပြုပြီး သုံးစွဲသူတွေက အလွယ်တကူ ကြည့်ရှုနိုင်အောင် စီစဉ်ထားပါ။
  • DVD ဖန်တီးတဲ့ ဆော့ဗ်ဝဲကို အသုံးပြုပြီး DVD master ဖန်တီးပါ၊ menu ခလုတ်တွေ အပါအ၀င် အလုပ် ကောင်းကောင်း လုပ်မလုပ် သေချာအောင် DVD ပြစက်ထဲမှာ စမ်းကြည့်ပါ။
  • DVD ဟာ နယ်မြေကန့်သတ်ချက် ကင်းလွတ်ခွင့် (Region 0 လို့ခေါ်တယ်) ရှိဖို့ လိုတယ်၊ disc ကို ရောင်းချတဲ့ ကမ္ဘာ့နေရာ အမျိုးမျိုးမှာ ရှိတဲ့ DVD ပြစက်တွေမှာ ပြသနိုင်အောင် ပြုလုပ်ပါ။ discs တွေကို သင်ဖြန့်ဖြူးလိုတဲ့ ကမ္ဘာ့ နေရာအမျိုးမျိုးပေါ် မူတည်ပြီး PAL (သို့) NTSC တခုခုကို သင် ရွေးချယ်နိုင်တယ်။
  • ဒီ master ကို DVD burner တခုခုနဲ့ DVD burning လုပ်တဲ့ ဆော့ဗ်ဝဲ တခုခုကို သုံးပြီး ကော်ပီ ပွားလိုက်ပါ၊ (သို့) အဲဒီ disc ကို ရုပ်ပုံတွေနဲ့ တကွ ယူသွားပြီး ကော်ပီ အများအပြား လုပ်ပေးနိုင်တဲ့ ကျွမ်းကျင်တဲ့ ကုမ္ပဏီတခုခုမှာ အပ်ထားနိုင်တယ်။

VCD တခု ပြုလုပ်ခြင်း

  • ဗွီဒီယို အစိတ်ပိုင်းတွေကို ဖြန့်ဝေချင်တဲ့ နေရာဒေသအပေါ် မူတည်ပြီး PAL (သို့) NTSC တခုခုရဲ့ MPEG1 VCD settings ကို အသုံးပြုကာ MPEG1 အဖြစ် Export လုပ်လိုက်ပါ၊။
  • MPEG1 ဗွီဒီယို ဖိုင်တွေ (.mpg format နဲ့) ကို VCD ဖန်တီးတဲ့ ကိရိယာ (သို့) CD burning လုပ်တဲ့ ဆော့ဗ်ဝဲထဲမှာ Import လုပ်လိုက်ပါ။ CD burning လုပ်တဲ့ ဆော့ဗ်ဝဲ အတော်များများဟာ သူတို့ဆီမှာ ရှိတဲ့ options တခုခုကို VCD လုပ်ဖို့အတွက် အသုံးပြုနိုင်ကြမှာ ဖြစ်တယ်။
  • CD ကို VCD 2.0 format နဲ့ ကူးယူဖို့ ရွေးလိုက်ပါ။ import လုပ်လိုက်တဲ့ ဗွီဒီယို ဖိုင် တခုစီကို DVD ပြစက်ရဲ့ remote control (သို့) ကွန်ပျူတာထဲက မီဒီယာ ဖွင့်စက် ဆော့ဗ်ဝဲကို အသုံးပြုပြီး ရှေ့တိုး (သို့) နောက်ဆုတ် ကျော်တက်နိုင်အောင် disc ထဲမှာ သီးခြား အခန်း တခုစီအဖြစ် ဖန်တီးသွားမှာ ဖြစ်တယ်။
  • VCD ကို ကူးယူပြီး မီဒီယာ ဖွင့်စက်နဲ့ hardware DVD ပြစက်မှာ စမ်းကြည့်ပါ။

ဆော့ဗ်ဝဲ
 

အခမဲ့ပြီး ပွင့်လင်းတဲ့ အရင်းအမြစ် ဆော့ဗ်ဝဲတွေမှာ DVDs နဲ့ VCDs တွေနဲ့ သက်ဆိုင်တဲ့ ကိရိယာတွေ ရရှိနိုင်တယ်။ အသုံးပြုလို့ ရအောင် ပြည့်စုံလုံလောက်မှု ရှိတယ် ဒါပေမဲ့ အပျံစားတော့ မဟုတ်ဘူး။  အကယ်လို့ အဆင့်မြင့်တဲ့ menus နဲ့ graphics တွေ အပါအ၀င် အဆင့်မြင့်တဲ့ DVD အရည်အသွေး တခုခုကို ဖန်တီးချင်တယ် ဆိုရင်၊ အောက်ပါ စီးပွားဖြစ် ဆော့ဗ်ဝဲတွေကို လေ့လာဖို့ ကျွန်တော်တို့ အကြံပြုလိုတယ် -


အကယ်လို့ ဒီကိရိယာတွေကို မရရှိနိုင်ဘူး ဆိုရင်၊ (သို့) လိုအပ်ချက်တွေ ရှိနေရင်၊ အဲဒီ ကိရိယာတွေကို အသုံးပြုနိုင်တယ် -

ရုပ်ရှင် ပြသပွဲများ
 

ရုပ်ရှင် ပြသမှုတွေဟာ စည်းရုံးလှုပ်ရှားမှု အတွက် အစွမ်းထက်တဲ့ ကိရိယာ တခု ဖြစ်တယ်။ ဘာကြောင့်လဲ ဆိုတော့ လူတွေကို အတူတကွ စုစည်းလာစေနိုင်သလို၊ လှုပ်ရှားမှုထဲမှာ ပါဝင်လာအောင် အသုံးချနိုင်တယ်။ သင့်ရဲ့ အရေးအခင်းအတွက် ရန်ပုံငွေ ရှာဖွေတဲ့အနေနဲ့ ရုပ်ရှင် ပြသပွဲတွေကို ပြုလုပ်နိုင်တယ်၊ ဗွီဒီယို ကော်ပီတွေကို ရောင်းချနိုင်တယ်။

 

အဆင့်မြင့် အစီအစဉ်

  • သင့်ရဲ့ ရည်ရွယ်ချက်တွေ၊ ရည်မှန်းချက်တွေအပေါ် အခြေခံပြီး ပထမဆုံး ဆုံးဖြတ်ချက် ချမှတ်တာဟာ ကျန်တဲ့ အခမ်းအနားကို အစီအစဉ် ရေးဆွဲရာမှာ အထောက်အကူ ဖြစ်စေမှာ ဖြစ်တယ်။ လူထု ပညာပေးမှုကို တိုးမြှင့်ချင်သလား။ သင့်အဖွဲ့အစည်းအတွက် ရန်ပုံငွေ ရှာချင်သလား။ ထောက်ခံ လှုပ်ရှားသူ လူသစ်နဲ့ လူဟောင်းတွေကို စည်းရုံးချင်သလား။
  • အခမ်းအနားမှာ သုံးစွဲမဲ့ ခေါင်းစဉ် အမည်တခုကို ရွေးချယ် ဆုံးဖြတ်ပြီး ဖေါ်ပြချက်ကို စာတပိုဒ်လောက် ရေးသားပါ၊ အဲဒီအထဲမှာ ရုပ်ရှင်အကြောင်း ရေးထည့်ပါ၊ အဲဒီ ညမှာ (ပြောစရာ ရှိရင်) ဖြစ်ပျက်တဲ့ အကြောင်းအရာကိုပါ ထည့်သွင်းပါ။
  • ပရိသတ်ဟာ ဘယ်သူ ဖြစ်တယ် ဆိုတာကို  စဉ်းစားပါ - သာမန် ပြည်သူတွေလား (သို့) အထူး အသင်းအဖွဲ့ တခုခုထဲကလား စသဖြင့်။
  • မိမိရဲ့ အကြောင်းအရာ အပါအ၀င်၊ တင်ဆက် ပြသမဲ့ ဗွီဒီယိုနဲ့ အမှုအခင်း အမျိုးအစားတွေ၊ တခြား ဖျော်ဖြေရေး (တေးဂီတ၊ ကဗျာ၊ ကပွဲ၊ စတဲ့) အစီအစဉ်၊ (သို့) စကားပြောမဲ့ အစီအစဉ်တွေ ရှိ မရှိ စတာတွေကို စဉ်းစားဆုံးဖြတ်ပါ။
  • ပြသပွဲမှာ ပါဝင်လာကြတဲ့ အဖွဲ့ တဖွဲ့စီကို ပေးဖို့ ဆက်သွယ်ရမဲ့ လိပ်စာနဲ့ ဖုန်းနံပါတ် တခုခုကို စီစဉ်ထားပါ။
  • လက်မှတ်ရောင်းတာတို့၊ လှူဒါန်းတာတို့ကနေ ရရှိတဲ့ ငွေကြေးကို ဘယ်သူတွေက ရရှိသွားမယ် စတာတွေကို ဆုံးဖြတ်ပါ။ အဖွဲ့တခုခုအတွက် အကျိုးရှိပါ့မလား။ ကျင်းပပြုလုပ်တဲ့ နေရာ အတော်များများဟာ လက်မှတ် ဖြတ်ပိုင်းရဲ့ အချိုးအစားအပေါ်မှာ မူတည်ပြီး ငွေကြေး ကောက်ခံကြမှာ ဖြစ်တယ်။ သင် ကောက်ခံရရှိတဲ့ ငွေကြေးနဲ့ သင် ဘာတွေ ဆောင်ရွတ်မယ် ဆိုတဲ့ အစီအစဉ်ကို လူထုဆီ ပြောပြပါ။
  • ပါဝင် တက်ရောက်သူတွေ၊ အစုအဖွဲ့တွေနဲ့ ဗွီဒီယိုတွေကို အစီအစဉ် ချထားပြီး ပါဝင်လာတဲ့ လူတိုင်းက အနည်းဆုံး အစီအစဉ် တခုစီ တင်ဆက်ကြပါစေ။
  • ရုပ်ရှင်ကားကို မိတ်ဆက်ပေးမဲ့ အခမ်းအနားတွေအတွက် အစီအစဉ်မှူး တယောက်ကို ရွေးထားပါ။ ပရိသတ်ကို ဆွဲဆောင်နိုင်မှု အပြည့် ရှိရမှာ ဖြစ်ပြီး မိမိ ကိုယ့်ကို ယုံကြည်မှုရှိတဲ့သူ၊ ဗဟုသုတ ကြွယ်ဝတဲ့သူ၊ ဖေါ်ဖေါ်ရွယ်ရွယ် ရှိတဲ့သူကို ခန့်ထားပါ။
  • ပြသပွဲ ပြီးစီးတဲ့အခါ သူ/သူမဟာ ပရိသတ်တွေရဲ့ ထောက်ခံမှု၊ ပါဝင်လာမှုအတွက် ဘာတွေကို တောင်းဆိုထားသလဲ။ ဒီပြသပွဲမှာ ကြော်ငြာမဲ့ တခြား အစီအစဉ်တွေ ရှိသလား။ နောက်လာမဲ့ အခမ်းအနားတွေ၊ သက်ဆိုင်ရာ အရေးကိစ္စတွေကို တက်ရောက်လာတဲ့ သူတွေဆီ ဖြန့်ဝေဖို့ ဖြစ်ဖြစ်၊ အခမ်းအနားမှူးက နိဒါန်းစပျိုးလာတဲ့ အချိန်မှာ ဖြန့်ဝေဖို့ ဖြစ်ဖြစ်၊ စာအုပ်စာတမ်း ပုံစံနဲ့ ကြော်ငြာ စားပွဲပေါ်မှာ ရရှိနိုင်တဲ့ လက်ကမ်း ကြော်ငြာစာတွေ၊ အချက်အလက်တွေကို ပြင်ဆင်ထားပါ၊ အဲဒီနေရာမှာ သင် ပြသနေတဲ့ ရုပ်ရှင်ကားတွေကို ရောင်းချ (သို့) ဖြန့်ဝေနိုင်မှာ ဖြစ်တယ်။

ကျင်းပတဲ့ နေရာများ & အစီအစဉ်များ

  • ကျင်းပပြုလုပ်မဲ့ နေရာတွေမှာ ရရှိနိုင်တဲ့ ပစ္စည်းတွေကို စစ်ဆေးပါ -
  • ဗွီဒီယိုနဲ့ အသံ နည်းပညာ - အဲဒီမှာ ဘာတွေ ရှိနှင့်ပြီလဲ၊ ဘာတွေကို ယူလာဖို့ လိုမလဲ။
  • ညပိုင်းမှာ တခုခု ဖြစ်လာခဲ့ရင် လိုအပ်လာမဲ့ နည်းပညာ အကူအညီ
  • ပရိသတ်အတွက် နေရာထိုင်ခင်း၊ ပိတ်ကားနဲ့ စင်မြင့်ကို မြင်နိုင်တဲ့ အနေအထား
  • ဧည့်ခံကျွေးမွေးမှုတွေ - ကျင်းပမဲ့ နေရာမှာ ဒါတွေ ရနိုင်မလား။
  • အဖွင့်၊ အပိတ် လုပ်မဲ့အချိန်တွေ၊ ဘယ်အချိန်မှာ ရုပ်ရှင်ကား ပြသမယ် စသဖြင့်
  • ကျင်းပမဲ့ နေရာ (သို့) အရင်းအမြစ်တွေအတွက် ငွေကြေး ပေးဆောင်ဖို့ လိုသလား
  • ကျင်းပမဲ့နေရာကို သင် ရည်ရွယ်ထားတဲ့ ပရိသတ်က အလွယ်တကူ တက်ရောက်လာနိုင်မလား

တခြား စဉ်းစားရမဲ့ အချက်များ
 

နေရာရဖို့နဲ့ ကျင်းပမဲ့ အချိန်ဇယား၊ ကြော်ငြာ၊ ကွန်ရက် စာမျက်နှာနဲ့ တခြား လှုပ်ရှားမှုတွေမှာ ဖေါ်ပြခံရဖို့ လနဲ့ချီပြီး ကြာမြင့်နိုင်တယ်။ အဲဒါဟာ သင့်အတွက် သိပ် အရေးမကြီးဘူး ဆိုရင် (ကြော်ငြာ အားကြောင့် တက်ရောက်လာမဲ့ သူတွေ များလာတယ် ဆိုရင်)၊ အားလပ်နေတဲ့ ရုပ်ရှင်ရုံမှာ၊ လူထုစုဝေးခန်း (သို့) အစီအစဉ် မရှိတဲ့ အသင်းအဖွဲ့ တခုခုမှာ ပြသပွဲကို အမြန်ဆုံး ကျင်းပနိုင်အောင် ညှိနှိုင်းဆောင်ရွတ်နိုင်တယ်၊

ကျင်းပမဲ့နေရာရဲ့ အချိန်ဇယား၊ ကြော်ငြာချက်အရ လိုအပ်လာမဲ့ ပြသပွဲမှာ အသုံးပြုမဲ့ ဖေါ်ပြချက်ရဲ့ နောက်ဆုံး သတ်မှတ်ချိန်ကို လေ့လာပါ။ ဆွဲဆောင်မှု ကောင်းတဲ့ ရုပ်ပုံကားချက် အနည်းဆုံး တခု (ဗွီဒီယိုထဲက ရုပ်ငြိမ်တခုခု ဖြစ်နိုင်တယ်) ကို ထည့်သွင်းပါ။

ကျင်းပမဲ့ နေရာမှာ ဘယ်သူမှ ကျန်ရစ်ဖို့ အစီအစဉ် မရှိဘူး ဆိုရင် ဧည့်ခံကျွေးမွေးတဲ့ အစီအစဉ် လုပ်ဖို့ စဉ်းစားပါ။ ဒေသခံ အကျွေးအမွေးအတွက် တာဝန်ခံတဲ့ သူတွေနဲ့ ဆက်သွယ်ပါ - အကယ်လို့ ဖျော်ရည်တွေ (သို့) မုန့်တွေအတွက် အခကြေးငွေ ကောက်ခံရမယ် ဆိုရင်၊ ဒါလည်း ၀င်ငွေ ရှာနိုင်တဲ့ နည်းတမျိုး ဖြစ်တယ်။ ငွေရေးကြေးရေး အရ ဖြစ်ဖြစ်၊ အကျိုးအကြောင်းနဲ့ ပတ်သက်ပြီး ဖြစ်ဖြစ် အစီအစဉ်တွေ ဖြစ်မြောက်နိုင်မဲ့ အနေအထားကို ဆွေးနွေးပါ။
 

ရုပ်ရှင်ကားကို ကြော်ငြာခြင်း
 

လက်ကမ်း ကြော်ငြာ တခုကို ဖေါ်ပြချက်နဲ့ ရုပ်ပုံတခုခု ထည့်ပြီး ဒီဇိုင်းရေးဆွဲပါ (ဆက်လက် ဖတ်ရှုရန်)။

ပြသပွဲနဲ့ ပါတ်သက်ပြီး 'ဘယ်သူဘယ်ဝါ၊ ဘာအကြောင်းအရာ၊ ဘယ်နေရာဒေသ၊ ဘယ်အချိန်နာရီမှာ၊ ဘာကြောင့်လုပ်ရတယ်' စတာတွေနဲ့ ပါတ်သက်တဲ့ သတင်းထုတ်ပြန်မှု တခုကို ရေးသားပြီး၊ သင့်ရဲ့ ပြသမှုဟာ နိုင်ငံရေး လှုပ်ရှားမှုတွေ (သို့) အခမ်းအနားတွေနဲ့ ဘယ်လို ဆက်နွှယ်မှု ရှိတယ် ဆိုတာတွေကို ဖေါ်ပြပါ၊ ဒီလိုနည်းနဲ့ မီဒီယာ သတင်းမှာ နေရာရလာမှာ ဖြစ်တယ်။ သတင်း ထုတ်ပြန်မှု အပြင် လက်ကမ်း ကြော်ငြာကို ဒေသတွင်း မီဒီယာမှာ ပေးပို့ထားပါ။

ရုပ်ရှင်ပြသပွဲကို ကြော်ငြာနိုင်တဲ့ တချို့ နည်းလမ်းများ
  • အင်တာနက်၊ အီးမေးလ်ကနေ ဖြန့်ဝေခြင်း။
  • စိတ်ဝင်စားတဲ့ လူတွေနဲ့ အဖွဲ့အစည်းတွေရဲ့ အီးမေးလ် စာရင်းကို ကောက်ခံပါ။ နယ်ခံ အဖွဲ့အစည်းတွေဆီ သတင်း အချက်အလက်တွေကို ပေးပို့နိုင်အောင် အင်တာနက်ကနေ ကြည့်ရှုနိုင်တယ်။
  • စာတိုက်စနစ်ဟာ ဈေးပိုကြီးပြီး သင့်ဆီမှာ ငွေကြေး ရှိမှသာ (သို့) တခြား ရွေးစရာ မရှိမှသာ သုံးစွဲဖို့ သင့်တော်တယ်။
  • အခမ်းအနားမှာ ထုတ်ပြန် ကြော်ငြာချက်တွေကို ဝေမျှပေးနိုင်မဲ့ မဟာမိတ် အုပ်စုတွေကို ဖိတ်ကြားထားပါ။ ဒါတွေကို သူတို့ လုပ်ဆောင်ပေးနိုင်မယ် ဆိုရင်၊ စားပွဲတလုံး (သို့) နေရာထိုင်ခင်းတွေ လိုအပ်လာမယ်၊ မလိုအပ်ဘူး စတာတွေ လေ့လာ ထားရမှာ ဖြစ်တယ်။
  • လက်ကမ်း ကြော်ငြာတွေကို ဒေသတွင်း မီဒီယာနဲ့ ပန်းချီ ပြခန်းတွေမှာ ကပ်ထားပြီး၊ ဒေသတွင်း အဖွဲ့အစည်းတွေနဲ့ အခမ်းအနားကို ပံ့ပိုးပေးတဲ့ NGOs ဆီမှာ ဝေပေးပါ။

ရုပ်ရှင် ပြသမှု အစီအစဉ်

  • ဗွီဒီယို အားလုံးကို ကြည့်ရှုပြီး သင် ပြသမဲ့ အဆင့်ဆင့်ကို စီစဉ်ထားပါ။
  • အသံ (သို့) ဗွီဒီယိုတွေရဲ့ ချို့ယွင်းချက်တွေကို စစ်ဆေးပါ၊ သင့်ဆီမှာ ရှိတဲ့ မီဒီယာ အားလုံးကို ပြသနိုင်တဲ့ နည်းပညာ ရှိထားဖို့ လိုတယ်။
  • ဟောပြောမဲ့ ပုဂ္ဂိုလ်တွေရဲ့ စာရင်း၊ ဗွီဒီယို ထုတ်လုပ်တဲ့သူ၊ လှုပ်ရှားမဲ့ အချက်တွေ၊ အလေးထားရမဲ့ တခြား အခမ်းအနားတွေနဲ့၊ ပရိသက်ရဲ့ စိတ်ကူးဉာဏ် (သို့) ထောက်ပံ့မှုကို ရယူပေးနိုင်တဲ့ အချက်တွေ ပါဝင်တဲ့ မှတ်စုတွေကို အစီအစဉ်မှူး အတွက် ရေးမှတ်ထားပါ။ 
  • နောက်ဆုံး အချိန်ဇယားတွေကို ဆုံးဖြတ်ပါ၊ ပြပွဲ အစီအစဉ် တခုနဲ့ တခုအကြားမှာ လူတွေ ခေတ္တခဏ အနားယူမဲ့ အချိန်ကို သတ်မှတ်ထားပါ။
  • အနာဂတ်မှာ ပရိသတ်က သတင်း အချက်အလက်တွေကို ရယူနိုင်အောင် စာရင်းသွင်းလွှာကို ပြုလုပ်ထားပါ။ အမည်၊ ဖုန်းနံပါတ်နဲ့ အီးမေးလ် (သို့) စာတိုက် လိပ်စာတွေကို တောင်းခံထားပါ။
  • ရုပ်ရှင် ပြသပွဲမှာ ပါဝင် အလုပ်လုပ်ကြမဲ့ လူတွေ အားလုံးရဲ့ အချိန်နဲ့ လုပ်ငန်း တာဝန်တွေကို ခွဲဝေထားပြီး အတည်ပြုပါ။ ပရိုဂျက်တာကို ဘယ်သူက ကိုင်တွယ်မလဲ။ ဘယ်သူက ငွေကြေးတွေ ကောက်ခံမလဲ။ ပြပွဲ မစခင် အရာရာ အဆင်သင့် ဖြစ်ဖို့ ၂ နာရီအလိုမှာ သူတို့ ကြိုတင် ရောက်ရှိလာအောင် အဲဒီညအတွက် အခြေခံ လုပ်ငန်းစဉ်တွေကို ခွဲခန့်ထားပါ။
  • ပြသပွဲ ပြီးစီးတဲ့အခါ သင့်ရဲ့ ပစ္စည်းကိရိယာတွေကို ရှင်းလင်းပြီး သိမ်းဆည်းပေးမဲ့ သူတွေကို ဆုံးဖြတ်ထားပါ။
  • မိတ်ဆွေတွေ၊ တက်ကြွလှုပ်ရှားသူတွေ၊ သင်နဲ့ သိကျွမ်းထားတဲ့ သူတွေဆီ ပြပွဲအကြောင်းကို သတိပေးတဲ့အနေနဲ့ ဖုန်းဆက်ပါ / စာတိုလေးတွေ ပေးပို့လိုက်ပါ။ ဒါအလုပ်ဖြစ်တယ်။
  • ဒေသခံ မီဒီယာ ဌာနကို ဖုန်းဆက်ပြီး ဆက်သွယ်ပါ။
  • ပြပွဲ မတိုင်မီ နှစ်နာရီ ကြိုပြီး စီစဉ်ထားပါ - ဗွီဒီယိုနဲ့ အသံ ပစ္စည်းကိရိယာ အားလုံးကို အဆင်သင့် ရှိမရှိ၊ အလုပ် လုပ်မလုပ် စစ်ဆေးပြီး တိပ်ခွေတွေ/ DVDတွေ/ ဖိုင်တွေကို အစီအစဉ် တကျ စီထားပါ။
  • သင်ဟာ ပြသပွဲအတွက် တာဝန်ရှိတယ်။ ပွဲအတွင်း လှည့်လည်နေဖို့ လိုအပ်ပြီး ခွက်တွေ၊ စက္ကူတွေနဲ့ ကြမ်းပြင်ပေါ်မှာ ကျန်ခဲ့တဲ့ တခြား အမှိုတ်တွေကို ကူညီ ရှင်းလင်းပေးတာတို့ ဘာတို့ လုပ်ပေးနိုင်တယ်၊ တံခါးဝမှာ ငွေကြေး ကောက်ခံနေတဲ့ သူဆီကနေ အဲဒီ ငွေကြေးတွေကို အသေအချာ ပြန်ရယူတာတို့၊ ကုလားထိုင်တို့၊ စားပွဲတို့ဟာ နေရာတကျ ရှိနေဖို့ လိုတယ်။
  • ပျော်စရာ ဖြစ်အောင် လုပ်ပါ၊ ဒါမှ နောက်တပွဲကို ဆက်ပြီး ကျင်းပနိုင်မှာ ဖြစ်တယ်။