အသံ ပြုလုပ်ခြင်း

ထိရောက်တဲ့ အသံ ဆိုတာ အသံ အဆင့်အတန်းကိုပဲ ဆိုလိုတာ မဟုတ်ဘူး။ အရေးတကြီး လုပ်ဆောင်ရမဲ့ ပထမဆုံး အဆင့်ကတော့၊ အသံ ထုတ်လုပ်မဲ့ အစီအစဉ်ကို ရေးဆွဲဖို့ ဖြစ်တယ်၊ အသံ အစိတ်အပိုင်းကို ပြုလုပ်တဲ့ အချိန်မှာ လုပ်ဆောင်ချက်တွေ မှန်မမှန် စစ်ဆေးဖို့ သင် ရေးဆွဲခဲ့တဲ့ အစီအစဉ်ကို ပြန်လေ့လာရမှာ ဖြစ်တယ်။ (နည်းဗျူဟာ ဖန်တီးခြင်း အကြောင်းကို ဆက်လက် ဖတ်ရှုပါ)

သင့်ရဲ့ ပရိသတ်/တွေက ဘယ်သူတွေလဲ။ ပရိသတ်ကို ရွေးချယ်သတ်မှတ်ပြီးတဲ့အခါ ဘယ်လို သတင်း စကားမျိုးကို ပေးချင်သလဲ ဆိုတဲ့ အချက်ကို ကိုယ့်ဟာကိုယ် ပြန်မေးပါ။ နားထောင်မဲ့ သူတွေကို ဘာတွေ လေ့လာစေချင်သလဲ၊ ဘာတွေ ခံစားစေချင်သလဲ။ ပရိသတ်တွေက ဒီ သတင်းစကားကို နားထောင်တဲ့နေရာမှာ ဘယ်လို အခက်အခဲမျိုးကို ကြုံတွေ့နိုင်သလဲ။

 

Format  တခုကို ရွေးချယ်ခြင်း

သင်ရဲ့ ပရိသတ်နဲ့ သတင်းစကားအတွက် အသုံးပြုမဲ့ အသံ အစိတ်အပိုင်း (သို့) ပရိုဂရမ် ရဲ့ format ၊ အမျိုးအစားကို ရွေးချယ်တဲ့နေရာမှာ မှန်ကန်မှု ရှိဖို့ လိုအပ်တယ်။ အောက်မှာ သင် ရွေးချယ်နိုင်တဲ့ format တချို့ကို ဖေါ်ပြထားတယ်။
  • Panel discussion ခေါ် ရုပ်သံဋ္ဌာန ဆွေးနွေးပွဲ - တွေ့ဆုံမေးမြန်းသူနဲ့ တွေ့ဆုံ မေးမြန်းခံရတဲ့ ပုဂ္ဂိုလ် နှစ်ဦး (သို့) နှစ်ဦးထက်ပိုတဲ့ ပါဝင် ဆွေးနွေးသူများ။
  • ဖုန်းဖြင့် ဆက်သွယ်မေးမြန်းခြင်း - တိုက်ရိုက် မေးမြန်းတာ (သို့) ကြိုတင် အသံဖမ်းယူတာကို ဆိုလိုတယ်။ မှတ်ချက် - ဖုန်းလိုင်းတွေက တဆင့် စကားပြောတဲ့ လူတွေရဲ့ အသံကို ဖမ်းယူတဲ့ နေရာမှာ တရားဝင် တားမြစ်ချက်တွေကို သတိထားပါ။ အဲဒီလို အသံဖမ်းယူတဲ့ နေရာမှာ ကိုယ်နဲ့ စကားပြောတဲ့သူက ခွင့်ပြုချက်ပေးရင်တောင် တချို့ နိုင်ငံမှာ တရားဝင် ခွင့်ပြုမထားဘူး။
  • တဦးချင်း တွေ့ဆုံမေးမြန်းခြင်း - တွေ့ဆုံ မေးမြန်းခံရသူနဲ့ တွေ့ဆုံမေးမြန်းသူ နှစ်ဦးစလုံး ပါဝင်တယ်။
  • Feature ခေါ် ပါဝင်တဲ့ အင်္ဂါရပ် - အသံ၊ နောက်ခံ တီးလုံး၊ ဇာတ်ကြောင်းပြောခြင်းနဲ့ တခြား အင်္ဂါတွေ ပါဝင် ရောစပ်ခြင်း။
  • Drama ခေါ် ပြဇာတ် - ဒါဟာ ကျယ်ပြန့်တဲ့ အမျိုးအစား တခု ဖြစ်ပြီး အဲဒီအထဲမှာ ပြဇာတ်၊ တေးဂီတနဲ့ တခြား ဖျော်ဖြေရေး အမျိုးအစားတွေ ပါဝင်တယ်။
  • သတင်းစုံလင်တဲ့ မှတ်တမ်းမှတ်ရာ - သတင်း အချက်အလက်တွေကို အဓိက ယူဆောင်ပေးတဲ့ အစိတ်အပိုင်း တခု ဖြစ်တယ်၊ အလားတူပဲ ပညာရေးနဲ့ ဆိုင်တဲ့ အချက်အလက်တွေကို ပံ့ပိုးပေးတဲ့ လူထု ၀န်ဆောင်ပေးတဲ့ ကြော်ငြာ (သို့) ထုတ်ပြန်ကြော်ငြာချက်။
  • ထောက်ခံ အတည်ပြုခြင်း - သတင်းစကား တခုကို ဖြန့်ချီဖို့ ခေါင်းဆောင် တဦးဦး (သို့) လူသိထင်ရှားတဲ့ ပုဂ္ဂိုလ် တဦးဦးကို အသုံးချတာ ဖြစ်တယ်။


ရေဒီယို အစီအစဉ်မှာ၊ ပရိသတ်ရဲ့ ပါဝင်မှုကို ကြိုတင် အသံသွင်းထားချက်နဲ့ ပေါင်းစပ်ခြင်းဟာ လူတွေက သင့်ရဲ့ စည်းရုံးလှုံ့ဆော်ရေးနဲ့ ထောက်ခံ လှုပ်ရှားမှုတွေမှာ ပါဝင်လာအောင် ဆွဲဆောင်မှု ပေးနိုင်တဲ့ အစွမ်းထက်တဲ့ နည်းလမ်းတခု ဖြစ်တယ်။ သင် ပစ်မှတ်ထားတဲ့ ပရိသတ်ကို တိုက်ရိုက် အသံထုတ်လွှင့်တဲ့ အစီအစဉ်မှာ ပါဝင်လာအောင် အားပေးနိုင်တယ်၊ အကယ်လို့ စနှစ်တကျ စီစဉ်ထားတယ် ဆိုရင်၊ ကြိုတင်ဖမ်းယူထားတဲ့ အသံနဲ့ စတူဒီယို အသံ အစိတ်အပိုင်းတွေကို ပေါင်းစပ်ပြီး အရည်အသွေးကို တိုးမြှင့်နိုင်တယ်။

style လို့ ခေါ်တဲ့ ပုံစံကို ရွေချယ်ခြင်း
 

ပရိသတ်၊ သတင်းစကားတွေနဲ့ ကိုက်ညီတဲ့ အသံ အစိတ်အပိုင်းမှာ အသုံးပြုမဲ့ ပုံစံတခုကို ရွေးချယ်ပါ။
  • သမာရိုးကျဖြစ်ခြင်း (Formal) သို့မဟုတ် သမာရိုးကျမဆန်ခြင်း (Informal) - ပရိသတ်ကို လက်လှမ်းမီဖို့ ကြိုးစားတဲ့နေရာမှာ ရယ်စရာ ပျက်လုံးတွေ၊ ရင်းနှီးကျွမ်းဝင်မှုတွေကို တန်ဆာပလာအဖြစ် အသုံးပြုမလား၊ (သို့) စိတ်ချရတဲ့ အရင်းအမြစ်တွေနဲ့ ‘ကျွမ်းကျင်သူတဲ့ ပုဂ္ဂိုလ်တွေ’ကို အခြေခံပြီး သတင်း အချက်အလက်တွေကို ပေးပို့ချင်သလား။ သမာရိုးကျ အဖြစ်ဆုံး ပုံစံကတော့ သတင်းစာ ဖြစ်ပြီး၊ သတင်း အချက်အလက်တွေရဲ့ အစွမ်းကို အဓိက အားထားတယ်။ သမာရိုးကျ မဆန်တဲ့ အသံ အစိတ်အပိုင်း ဆိုတာ ပရိသတ်နဲ့ ဆွေးနွေးမှု တခု (သို့) vox pop လို့ ခေါ်တဲ့ ဆွေးနွေးတဲ့ အကြောင်းအရာနဲ့ ပါတ်သက်ပြီး လူထုပရိသတ်ဆီက တုံ့ပြန်ချက်တွေကို ပေးပို့နိုင်တဲ့ နေရာ ဖြစ်တယ်။
  • ဇာတ်ကြောင်းပြောသူ ပါဝင်ခြင်း (သို့) မပါဝင်ခြင်း - သင့်ရဲ့ အစီအစဉ်မှာ ပါဝင်လုပ်ဆောင်လာကြတဲ့ သူတွေကို နှုတ်ပြောသမိုင်း ထုတ်လွှင့်တဲ့ ပုံစံနဲ့ သူတို့ကိုယ်တိုင် စကားပြောစေမလား၊ (သို့) ပရိသတ်အတွက် ရှင်းလင်းတဲ့ အကြောင်းအရာ တခုခုကို ရယူဖို့ အစီအစဉ် တင်ဆက်သူ တဦးရဲ့ အသံကို ထည့်သွင်းမလား။
     

အသံဖမ်းယူဖို့ ပြင်ဆင်ခြင်း
 

ကိုယ်တွေ့မေးမြန်းချက် (သို့) အသံကို ဖမ်းယူတော့မယ် ဆိုရင်၊ အသံကို မဖမ်းယူခင်၊ အသံ အနေအထားကို စမ်းသပ်ဖို့ အချိန် အတိုင်းအတာ တခု လိုအပ်လာမှာ ဖြစ်တယ်။ ဆူညံတဲ့ နောက်ခံအသံတွေကို ဖြစ်ပေါ်စေတဲ့ လေအေးစက် မြည်သံတို့၊ ဒါမှမဟုတ် လက်ကိုင်ဖုန်းကနေ အချက်ပြတဲ့ အသံတွေဟာ ကျွန်ုပ်တို့ အတွက် ဂရုစိုက်ဖို့ မလိုအပ်တဲ့ အသံတွေအဖြစ် ယူဆတတ်ကြတယ်။ ဒါပေမဲ့  နားကြပ်ကို တပ်လိုက်တာနဲ့ အဲဒီ အသံတွေဟာ အတော်လေး အနှောင့်အယှက် ဖြစ်နေတာကို သိရှိလာမှာ ဖြစ်တယ်။

တချို့ နောက်ခံအသံတွေဟာ လေထုထဲမှာ လွင့်ပျံ့နေပေမဲ့၊ အများအားဖြင့် အကြားအာရုံကို အနှောင့်အယှက် ဖြစ်စေတယ်။ နားထောင်တဲ့ သူတွေက စကားပြောနေတဲ့ ပုဂ္ဂိုလ်ကို ကြည့်ကြမှာ  မဟုတ်ဘူး ဆိုတာ သတိရပါ။ ဒါကြောင့် သူတို့ ရရှိတဲ့ သတင်းအချက်အလက် အားလုံးကို ပရိသတ်တွေက မိမိတို့ရဲ့ နားတွေကို အားကိုးပြီး နားထောင်ကြမှာ ဖြစ်တယ်။ အကယ်လို့ ဆူညံသံတွေဟာ ပြဿနာ တရပ် ဖြစ်လာတယ် ဆိုရင်တော့၊ အဲဒီ အသံတွေကို ပိတ်ထားလိုက်ပါ (သို့) တခြား တနေရာရာကို ပြောင်ရွှေ့လိုက်ပါ။ ဖမ်းယူထားတဲ့ အသံ သုံးမရဖြစ်နေရင် ရှက်စရာ ဖြစ်နေလိမ့်မယ်။ အကယ်လို့ အသံ ကုန်ကြမ်းကို ကောင်းကောင်းမွန်မွန် မဖမ်းယူနိုင်ခဲ့ရင်၊ စီမံကိန်း တခုလုံးရဲ့ အရည်အသွေးကို ထိခိုက်စေမှာ ဖြစ်တယ်။

အကယ်လို့ တွေ့ဆုံမေးမြန်းမှု တခုကို ပြုလုပ်တော့မယ်ဆိုရင်၊ တွေ့ဆုံမေးမြန်းမဲ့ ပုဂ္ဂိုလ်ရဲ့ အသံကို အရင် အစမ်း ဖမ်းယူပြီး အသံ ကျယ်လောင်မှုနဲ့ ရှင်းလင်းပြတ်သားမှုကို စစ်ဆေးပါ။ လိုအပ်တဲ့ ပြင်ဆင်ပြောင်းလဲမှုတွေကို လုပ်ပါ၊ အသံ အနိမ့်အမြင့်ကို ချိန်ညှိတာတို့၊ မိုက်ခွက် နေရာပြင်တာတို့၊ (သို့) ထိုင်ခုံ စီထားတို့၊ ပတ်ဝန်းကျင်ရဲ့ အခင်းအကျင်းတွေကို နေရာတကျ ပြင်ဆင်တာတို့ကို လုပ်ဆောင်ပြီး အသံကို ပြန်စမ်းကြည့်ပါ။

လူတွေဟာ အသံ ဖမ်းယူတဲ့ အချိန်မှာ အတော်လေး စိတ်လှုပ်ရှားတတ်ကြတဲ့ အတွက် မကြာမကြာ စိတ်ကသိကအောက် ကြုံရလေ့ရှိတယ်။ ဒါပေမဲ့ သူတို့ရဲ့ စိတ်ဖိစီးမှုတွေကို တတ်နိုင်သလောက် လျှော့ကျသွားအောင် ပြင်ဆင်မှု တချို့ကို ပြုလုပ်နိုင်တယ်။ သူတို့ကို ပျူပျူငှာငှာ ကြိုဆိုပါ။ ဖြစ်နိုင်ရင် ဟာသလေးတွေ ပြောပါ။ အစမ်းသဘောနဲ့ မေးခွန်း အနည်းငယ် မေးပါရစေ ဆိုပြီး သူတို့ကို ပြောလိုက်ပါ။ “နံနက်စာ ဘာတွေ စားခဲ့သလဲ” စတဲ့ မေးခွန်းမျိုးဟာ ရင်းနှီးမှုကို အစပျိုပေးတဲ့ ပုံမှန် မေးခွန်းဖြစ်ပြီး၊ ဒီလို မေးခြင်းဖြင့် အသံအနေအထားကို စမ်းသပ်လို့ ရတယ်။

တချို့ တွေ့ဆုံမေးမြန်းခန်းတွေမှာ ဖြေကြားမဲ့ သူတွေဆီ သင် မေးမြန်းမဲ့ မေးခွန်းတွေကို ကြိုပြောထားခြင်းအားဖြင့်၊ အဲဒီ မေးခွန်းတွေအတွက် ပြင်ဆင်ချိန် ပေးထားပါ။ အထူးသဖြင့် တိုက်ရိုက် ထုတ်လွှင့်မဲ့ အစီအစဉ်အတွက် ဖြစ်စေ၊ တွေ့ဆုံမေးမြန်းချက်တွေကို တည်းဖြတ်တာတွေ သိပ်မလုပ်ပဲ အသုံးပြုမဲ့ နေရာအတွက် ဖြစ်စေ ဒီနည်းလမ်းဟာ အချိန်ကို အကျိုးရှိစေပြီး အသုံးပြုရကျိုးနပ်သွားမှာ ဖြစ်တယ်။

 

ပစ္စည်းကိရိယာကို ပြန်လည်ဆန်းစစ်ခြင်း
 

အသံကို ဖန်တီးထုတ်လုပ်တဲ့ နေရာမှာ အရေးအကြီးဆုံး အဆင့်တွေထဲက တခု အပါအ၀င်ကတော့၊ ဖမ်းယူထားတဲ့ အသံကို ပြန်ပြီး နားထောင်တာ၊ မှတ်စုတွေ၊ စာသား အပြည့်အစုံ (သို့) ပြောဆိုခဲ့တဲ့ အကြောင်းအရာတွေ၊  ကောင်းမွန်တဲ့ အသံတွေကို သိမ်းထားတဲ့ နေရာတွေ စတဲ့ မှတ်တမ်းတွေကို ထားရှိဖို့ ဖြစ်တယ်။ ဒီအဆင့်အတွက် အချိန်ပေးဖို့ လိုအပ်ပြီး အဆင့်အတန်း အမျိုးမျိုးက အသံထုတ်လုပ်သူတွေ မကြာခဏ ပြုလုပ်လေ့ရှိတဲ့ အမှားကတော့ အလောတကြီး မှတ်တမ်း ရေးမှတ်တာပဲ ဖြစ်တယ်။ အသံတွေကို ပြန်လည် ဆန်းစစ်ပြီး ရေးမှတ်တဲ့ နေရာမှာ အချိန်ကို ကောင်းကောင်း အသုံးချဖို့ လိုအပ်တယ်။ သွင်းထားပြီးသား အသံတွေကို ပြန်နားထောင်လို့ ရတယ်။ (လိုအပ်လာရင်၊ analogue ဒေတာတွေကို ဒီဂျစ်တယ် ပြောင်းရမှာ ဖြစ်တယ်)။ ပြီးရင် ကွန်ပြူတာထဲက အသံဖိုင်တွေကို မှတ်တမ်းတင်ထားရမှာ ဖြစ်တယ်။

မှတ်တမ်းတင်တယ် ဆိုတာ လုပ်ငန်း အမျိုးအစားအပေါ် မူတည်ပြီး ပုံစံအမျိုးမျိုး ရှိနိုင်တယ်။ ဒါပေမဲ့ အနည်းဆုံး၊ စာပိုဒ်အသစ် (သို့) အသံဖိုင် အသစ် တခုစီရဲ့ အချိန် အပိုင်းအခြားကို အသေအချာ ရေးမှတ်ပါ (ပြန်ဖွင့်တဲ့အခါ 00’00” အချိန်နဲ့ ပြန်စတင်ပါ)၊ ပြီးတော့ ကောင်းမွန်တဲ့ အသံ နေရာ (သို့) ကောင်းမွန်တဲ့ အသံ ရှိတဲ့နေရာက အချိန် မှတ်ထားပါ။ ပထမဆုံး သင် သုံးစွဲလိုတဲ့ အပိုင်းတွေ စတင်မဲ့ အချိန်ကို မှတ်ထားပါ။ ပထမဆုံး စာလုံးတချို့၊ နောက်ဆုံး စာလုံး တချို့နဲ့ အပြီးသတ်မဲ့ အချိန်တွေကို မှတ်ထားပါ။ ဥပမာအားဖြင့်၊ INTRO (00’20”): IN: “ကျွန်တော် ယုံကြည်တဲ့ အရေးကြီးဆုံး ရှုထောင့်ကတော့ ….. OUT:…….ဒီအချက်ကို လူတိုင်း သိရှိထားရမယ်”(00’50”)။

အကယ်လို့ သင့်ရဲ့ အသံဖမ်းစက်မှာ အချိန်ုပြ ကိရိယာ ပါမလာရင်၊ အချိန်ဖမ်း နာရီကို အသုံးပြုပြီး အချိန်တွေကို မှတ်သားနိုင်တယ်။ သတင်းနဲ့ သက်ဆိုင်တဲ့ အသံ အစိတ်အပိုင်းကို မှတ်မိနိုင်အောင် အထောက်အကူ ပြုဖို့ မှတ်စုတွေကို ထားရှိပါ။

အကယ်လို့ သင့်ရဲ့ သတင်းမှတ်တမ်းကို စားပွဲပေါ်မှာ တင်ထားမယ် ဆိုရင်၊ အဲဒီမှတ်စုတွေကို ဒေါင်လိုက် စီထားနိုင်တယ်။ အကယ်လို့ ပိုပြီး အသေးစိတ်တဲ့ မှတ်တမ်း တခုခု ပြုစုထားတယ် ဆိုရင် အဲဒီ မှတ်စုတွေကို သူတို့နဲ့ သက်ဆိုင်တဲ့ နေရာမှာ ရေးမှတ်ထားနိုင်တယ်။ ဒါပေမဲ့ အဲဒီလို လုပ်ဖို့ ရွေးချယ်လိုက်တယ် ဆိုရင်၊ နောက်တခါ တည်းဖြတ်တာတွေ၊ ပေါင်းစပ်တာတွေ လုပ်ဆောင်ဖို့ ပြန်သွားလို့ ရတဲ့ အခြေခံ အုတ်မြစ်အဖြစ် ဒီအဆင့်ကို သဘောထားနိုင်တယ်။