အွန်လိုင်း သက်ရောက်မှု ပြန်လည် ဆန်းစစ်ခြင်း

 

အင်တာနက်ဟာ အစဉ်အလာ PR & marketing က မလုပ်ဆောင်နိုင်တဲ့ လုပ်ငန်း ဆောင်ရွတ်ချက် တိုးတက်မှုတွေ (Engagement is (not) made to measure ကို လေ့လာပါ)  ကို တိုင်းတာပေးနိုင်တယ်။ လက်တွေ့ ကမ္ဘာမှာ ဖြစ်ပျက်နေတဲ့ သက်ရောက်မှုတွေကို တိုင်းတာတဲ့နေရာမှာ အတော်လေး ရှုပ်ထွေးနိုင်တယ်၊ အဲဒီ တိုးတက်မှုကို အင်တာနက် ကွန်ရက် စာမျက်နှာကို လာရောက် ကြည့်ရှုသူတွေရဲ့ အရေအတွက်ကို ဖြစ်ဖြစ်၊ လှုပ်ရှားမှုထဲမှာ ပါဝင်ပြီး အီးမေးလ် စာရင်းထဲမှာ ပါဝင်သူတွေရဲ့ ရာခိုင်နှုန်းကို အလွယ်တကူ ခြေရာခံပြီး ဖြစ်ဖြစ် တွက်ချက်လို့ ရတယ်။ ဒီတိုးတက်မှုတွေကို အသုံးပြုပြီး၊ ပြည်သူလူထုဆီ ဖြစ်ဖြစ်၊ ငွေကြေး ထောက်ပံ့သူတွေဆီ ဖြစ်ဖြစ် (သို့) စပွန်ဆာ ပေးတဲ့ သူတွေဆီ ဖြစ်ဖြစ် မိမိရဲ့ တာဝန်ယူ လုပ်ဆောင်ချက်တွေကို အစီရင်ခံနိုင်တယ်။ ဆန်းစစ် လေ့လာမှုတခု ပြုလုပ်ရခြင်းရဲ့ အဓိက ဦးတည်ချက်ကတော့၊ အသုံးဝင်တဲ့ နည်းနာတွေ၊ ကိရိယာတွေနဲ့ အသုံးပြုလို့ မရတဲ့ နည်းနာတွေ၊ ကိရိယာတွေကို ဆက်လက် အကဲဖြတ် လေ့လာနိုင်ဖို့ ဖြစ်တယ်။

လူမှုရေး ဈေးကွက်တင် ရောင်းချမှု အလုပ်ဖြစ် မဖြစ် ဘယ်လို သိရှိနိုင်မလဲ။

နည်း တခုကတော့ buzz ကို အသုံးပြုပြီး စောင့်ကြည့်နေဖို့ ဖြစ်တယ်။ သူက စည်းလုံးလှုပ်ရှားမှု အကြောင်း လူတွေ ပြောဆို ဆွေးနွေးပုံစံ၊ ပြောဆိုတဲ့ နေရာတွေကို ခြေရာခံပေးမှာ ဖြစ်တယ်။ အခမဲ့ အသုံးပြုနိုင်တဲ့ ရိုးရိုး ကိရိယာ တခု ကတော့ Google Alerts ဖြစ်တယ်။ Google ကွန်ရက် စာမျက်နှာပေါ် သွားပြီး လိုချင်တဲ့ key words တွေကို ပေးထားခြင်းဖြင့် အဲဒီ key words လို့ ခေါ်တဲ့ သော့ချက် စာလုံးတွေကို ကွန်ရက် စာမျက်နှာ တခုခုက အသုံးပြုလာတဲ့အခါ သင့်ဆီ အချက်ပေးလာမှာ ဖြစ်တယ်။ အဲဒီ key words တွေကို အွန်လိုင်း မီဒီယာနဲ့ ဘလော့ဂ်တွေမှာ သုံးစွဲတဲ့အခါ Google Alerts က အီးမေးလ်နဲ့ ပေးပို့လာမှာ ဖြစ်တယ်။ Keywords တွေဟာ တိတိကျကျဖို့ လိုအပ်တယ်၊ ဒါမှမဟုတ်ရင်၊ အီးမေးလ် တစုတပြုံကြီး ရောက်ရှိလာမှာ ဖြစ်ပြီး၊ စည်းရုံးလှုပ်ရှားမှု (သို့) အရေးအခင်း တခုခုကို ခြေရာခံဖို့ ခက်ခဲသွားစေနိုင်တယ်။ ဘလော့ဂ်တွေကို Technorati နဲ့ Blogpulse တို့ကို အသုံးပြုပြီး ခြေရာခံနိုင်တယ်။ အခုအချိန်မှာ Twitter Search နဲ့ TwitterFriends စတဲ့ Twitter ရဲ့ အစွမ်းထက်တဲ့ ကိရိယာတွေ ရရှိနိုင်တယ်။
 

  • ပင်မ စာမျက်နှာပေါ်က အကြောင်းအရာဟာ လူထုတွေက အီး-သတင်းလွှာမှာ လက်မှတ် ရေးထိုးချင်လာအောင် ဆွဲဆောင်မှု ပေးနိုင်သလား။

 
  • ဘယ်သူက သင့်ရဲ့ ကွန်ရက် စာမျက်နှာဆီကို ညွှန်းပေးသလဲ၊ ရေပမ်းစားတဲ့ ရှာဖွေမှု ဝေါဟာရ စာလုံးတွေက ဘာတွေလဲ။

 
  • အီးမေးလ် subject နေရာမှာ ရေးထားတဲ့ စာသားကြောင့် ဖွင့်ကြည့်တဲ့ လူဦးရေ တိုးပွားလာသလား။

ကွန်ရက် စာမျက်နှာမှာ အဓိက အသုံးပြုတဲ့ ကိရိယာဟာ Google Analytics (သို့) Woopra ဖြစ်ချင် ဖြစ်နိုင်တယ်။ အဲဒါတွေဟာ အခမဲ့ ကိရိယာတွေ ဖြစ်ကြပြီး ကွန်ရက် စာမျက်နှာရဲ့ စာရင်း ဇယား (statistics) နဲ့ ပါတ်သက်တဲ့ အသေးစိတ် အချက်အလက် အတော်မျာများကို ပံ့ပိုးပေးတယ်။ ကွန်ရက် စာမျက်နှာကို ဆန်းစစ်လေ့လာဖို့ မှတ်ပုံတင်တဲ့အခါ လာရောက် ကြည့်ရှုသူတွေရဲ့ IP လိပ်စာကို ကြားလူ အဖွဲ့ တခုခုက စုဆောင်း ရယူသွားနိုင်တယ်။ အကယ်လို့ သုံးစွဲသူတွေက လုံခြုံရေးကို အဓိက ဦးစားပေးမယ် ဆိုရင်၊ အဲဒါတွေကို အသုံးပြုတာ အကောင်းဆုံးတော့ မဟုတ်ဘူး။

အီးမေးလ် ဈေးကွက်ကို အသုံးပြုတဲ့အခါ၊ အသုံးဝင်တဲ့ စာရင်းဇယား (statistics) အတော်များများကို ရရှိနိုင်တယ်၊ ဒါမှမဟုတ် အီးမေးလ် (သို့) လူမှုဆက်ဆံရေး ကွန်ရက်တွေမှာ သုံးစွဲတဲ့ အကောင့်တွေကနေ မိတ်ဆွေ အရေအတွက်၊ သုံးစွဲသူတွေက ပေးတဲ့ မှတ်ချက် အရေအတွက်နဲ့၊ ဗွီဒီယို ကြည့်ရှုသူ အရေအတွက်ကို ရရှိနိုင်တယ်။ အဲဒီ စာရင်းဇယားတွေကို ပုံမှန် ပြန်ဆန်းစစ်ဖို့ လိုတယ်။ သင့်ရဲ့ ကွန်ရက်စာမျက်နှာကို သုံးစွဲနေသူတွေဟာ ဘယ်ကနေ လာရောက်ကြတယ်၊ ဘယ်အကြောင်းအရာတွေကို ကြည့်သွားကြတယ် စတာတွေကို ဖေါ်ပြပေးလိမ့်မယ်။ ဒီအချက်ကနေ သင်ဟာ ဘယ်သူနဲ့ အချိတ်အဆက် လုပ်နေတယ် ဆိုတာကို ဖေါ်ပြပြီး သင့်ရဲ့ အနာဂတ် အစီအစဉ်မှာ အထောက်အကူ ဖြစ်လာစေနိုင်တယ်။

ထိတွေ့ဆက်ဆံနဲ့ ပူးပေါင်းလုပ်ဆောင်ခြင်း


လူမှုဆက်ဆံရေး ကွန်ရက်တွေမှာ လူတိုင်း ပါဝင်လာစေခြင်းဖြင့် ဈေးကွက် ဖြန့်ချီမှုနဲ့ ထောက်ခံ လှုပ်ရှားမှု လုပ်ငန်းတွေမှာ အပြောင်းအလဲ ဖြစ်လာစေနိုင်တယ်။ လူတွေ စိတ်ဝင်စားလာအောင် လုပ်ပြတာနဲ့ မပြီးသေးဘူး၊ သူတို့ကိုယ်တိုင် ပါဝင်လှုပ်ရှားလာဖို့ လိုတယ် (၂.၀ စည်းရုံးခြင်းကုို ဖတ်ရှုပါ)။
 
  • မိမိရဲ့ ကွန်ရက် စာမျက်နှာကို အနည်းဆုံး delicious လို လူမှုကွန်ရက် မှတ်သားနိုင်တဲ့ (bookmarking) ၀န်ဆောင်မှုတွေမှာ bookmark လုပ်ပေးဖို့ လူတွေကို တိုက်တွန်းပါ။
  • ကွန်ရက် စာမျက်နှာ (သို့) တခြားနေရာမှာ ရှိတဲ့ အကြောင်းအရာတွေကို လူတွေက အကဲဖြတ်နိုင်အောင်၊ ဆန္ဒမဲပေးနိုင်အောင်၊ မှတ်ချက်ပေးနိုင်အောင် ဆောင်ရွတ်ပါ။
  • လူမှု ဆက်ဆံရေး ကွန်ရက် စာမျက်နှာတွေမှာ ထောက်ခံ လှုပ်ရှားသူတွေ ပါဝင်တဲ့ အသင်းအဖွဲ့တွေကို ဖွဲ့စည်းပြီး သင့်ရဲ့ အရေးကိစ္စကို ပါဝင်ပံ့ပိုးပေးဖို့ မိတ်ဆွေတွေကို တိုက်တွန်းပါ။
  • သင်နဲ့ ပါတ်သက်ပြီး သူတို့ ဖန်တီးလိုက်တဲ့ အကြောင်းအရာတွေ အားလုံးကို သင် စုစည်းနိုင်အောင် တိကျတဲ့ tags တွေကို သုံးစွဲဖို့ လူတွေကို ပြောပြပါ။
  • အွန်လိုင်း ဈေးကွက်ဟာ သုံးစွဲသူတွေ ဖန်တီးထားတဲ့ အကြောင်းအရာ (သင့်ရဲ့ ကွန်ရက် စာမျက်နှာကို လာရောက်သုံးစွဲတဲ့ သူတွေက တခြား သူတွေကို ဝေမျှနိုင်အောင် အွန်လိုင်းမှာ တင်ထားတဲ့ စာသား၊ ရုပ်ပုံတွေ၊ ဗွီဒီယိုတွေ (သို့) တခြား အကြောင်းအရာတွေ) နဲ့ ထိတွေ့မှု ရှိဖို့ သင့်တော်တဲ့ နေရာ တခု ဖြစ်တယ်။ အမှတ်တံဆိပ် ထားရှိဖို့ လိုသလား။ ဒီဇိုင်းပုံစံတွေကို တင်ပို့ဖို့ သုံးစွဲသူတွေကို တိုက်တွန်းပါ။ ဒီပုံစံကို စည်းရုံးလှုံ့ဆော်ရေးတွေမှာ အသုံးချနိုင်တယ်။

နောက်ဆုံးမှာ၊ ဒီအချက်ဟာ ပွင့်လင်းတဲ့ ဆန်းသစ်တီထွင်မှု လုပ်ငန်းစဉ် တခု ဖြစ်လာနိုင်တယ်၊ အဲဒီနေရာမှာ သင့်ရဲ့ စည်းရုံးလှုံ့ဆော်ရေးကို စတင်ပြီး သင်နဲ့ သင့်ကို ထောက်ခံအားပေးသူတွေ ပါဝင်တဲ့ အင်အားစု တခု ဖြစ်လာအောင် အင်တာနက်ကို အသုံးချနိုင်တယ်။

 

သုံးစွဲသူတွေရဲ့ တီထွင်ကြံဆမှု၊ အကြောင်းအရာတွေကို ထိန်းကျောင်းပေးတဲ့ စည်းရုံးလှုံ့ဆော်ရေးများ -

  • Climate message in a bottle ဟာ ဘာလီမှာ ကျင်းပတဲ့ ရာသီဥတု ညီလာခံအတွက် မြစိမ်းရောင် ငြိမ်းချမ်းရေး အဖွဲ့က စီစဉ် ပြုလုပ်တဲ့ ဗွီဒီယို ဇာတ်ကား ဖြစ်တယ်။
  • Courage Campaign ဟာ ယူအက်စ်မှာ လိင်တူ ထိမ်းမြား လက်ထပ်မှုကို ပိတ်ပင်တဲ့ အစိုးရရဲ့ ဥပဒေမူကြမ်းကြောင့် ထိခိုက်လာနိုင်တဲ့ လူတွေကို သူတို့ရဲ့ ဓါတ်ပုံတွေ၊ သတင်း ပေးပို့ချက်တွေ ပေးပို့ဖို့ တောင်းဆိုတဲ့ အဖွဲ့ ဖြစ်တယ်။
  • The Blank Noise Blog ဟာ အိန္ဒိယနိုင်ငံမှာ အခြေစိုက်ပြီး လိင်ပိုင်းဆိုင်ရာ နှောင့်ယှက် တိုက်ခိုက်မှု ခံရတဲ့ သူတွေကို သူတို့ရဲ့ ကိုယ်ဖြစ် အတွေ့အကြုံတွေ ထုတ်ဖေါ်ပြောပြဖို့ စာဖတ်သူတွေကို တိုက်တွန်းတဲ့ အဖွဲ့ဖြစ်တယ်။