နည်းနှစ်မျိုးဖြင့် ဖြန့်ဖြူးခြင်း

 

ဗွီဒီယိုတွေကို အွန်လိုင်းနဲ့ ဖြန့်ဖြူးတာဟာ အကြောင်းအရာကို တကမ္ဘာလုံး ရောက်ရှိသွားအောင် လုပ်ဆောင်ပေးနိုင်တဲ့ နည်းလမ်းကောင်း တခု ဖြစ်တယ်။ ဒါပေမဲ့ တခါတလေ အင်တာနက်ကို အမြဲတမ်း အားကိုးလို့ မရဘူး - လိုင်းအားနည်းတာတို့၊ ဒေသတွင်း အင်တာနက် ပံ့ပိုးပေးတဲ့သူတွေ မရှိတာတို့၊ ဆင်ဆာ အဖြတ်ခံရတာတို့ စတဲ့ အဓိက အတားအဆီးတွေ ရှိနေနိုင်တယ်။ ဒီလို ဖြစ်လာတယ် ဆိုရင် တခြား ရွေးစရာတွေ ရှိပါတယ်။

ဒစ်ဂျစ်တယ် ဖိုင်တွေကို ဖြန့်ဖြူးတယ် ဆိုတာ အင်တာနက်ကို အသုံးပြုတာကိုပဲ ဆိုလိုတာ မဟုတ်ဘူး။ အိတ်ဆောင် ဒစ်ဂျစ်တယ် သိုလှောင်ရေး ကိရိယာတွေ ဖြစ်တဲ့ CD တွေ၊ DVD တွေ၊ USB မှတ်ဉာဏ်ချောင်းတွေ၊ မှတ်ဉာဏ်ကဒ်တွေနဲ့ လက်ကိုင်ဖုန်းတွေမှာလည်း အကြောင်းအရာတွေကို သိမ်းဆည်းပြီး တယောက်နဲ့ တယောက် အကြား ဖြန့်ဝေလို့ ရတယ်။ တခြား ရွေးစရာ နည်းလမ်းတွေထဲမှာ (အပေါ်မှာ ဆွေးနွေးထားတဲ့အတိုင်း) လူထုရှေ့မှာ ရုပ်ရှင် ပြသပွဲတွေ၊ စွမ်းအားနိမ့် TV ထုတ်လွှင့်ရေး ကိရိယာတွေ (သို့) burn stations လို့ခေါ်တဲ့ ဒစ်ဂျစ်တယ် ဖြန့်ဝေရေး နည်းလမ်းတွေ (လူတိုင်းက ဒစ်ဂျစ်တယ် အကြောင်းအရာတွေကို ကော်ပီ လုပ်နိုင်အောင် ကွန်ပျူတာကို configure လုပ်ထားတာ ဖြစ်တယ်) ပါဝင်တယ်။

ဒီအခန်းမှာ အွန်လိုင်း ဗွီဒီယို ကွန်ရက်စာမျက်နှာတွေမှာ ထုတ်ပြန်ထားတဲ့ ဗွီဒီယိုတွေကို ဒေါင်းလုဒ် လုပ်နိုင်တဲ့ နည်း၊ အော့ဖ်လိုင်းမှာ ဖြန့်ဝေနိုင်တဲ့ formats တွေအဖြစ် အသွင်ပြောင်းတဲ့ နည်းတွေအပြင်၊ နည်းလမ်း နှစ်မျိုးစလုံးနဲ့ ဖြန့်ဝေနိုင်တဲ့ ပိုမို အဆင့်မြင့်တဲ့ နည်းလမ်းတွေကို ရှင်းပြပေးတဲ့ links တွေကို တင်ပြထားတယ်။
 

USB မှတ်ဉာဏ်ချောင်းများ၊ မှတ်ဉာဏ်ကဒ်များ & လက်ကိုင်ဖုန်းများ

 

USB မှတ်ဉာဏ်ချောင်းတွေဟာ တဖြည်းဖြည်းနဲ့ တန်ဖိုးနည်းလာပြီး အလွန်ထိရောက်တဲ့ အိတ်ဆောင် မီဒီယာ သိုလှောင်ရေး ကိရိယာတွေ ဖြစ်လာကြတယ်။ မှတ်ဉာဏ်ကဒ်တွေကို ဒစ်ဂျစ်တယ် ကင်မရာတွေ၊ လက်ကိုင်ဖုန်းတွေနဲ့ တခြား ပစ္စည်းကိရိယာမှာ တွေ့ရှိနိုင်တယ်။ အဲဒါတွေကို သီးသန့် မှတ်ဉာဏ်ကဒ် ဖတ်ကိရိယာတွေနဲ့ ဖြစ်ဖြစ်၊ ကင်မရာနဲ့ ကွန်ပျူတာကို USB ကေဘယ်လ်ကြိုး တချောင်းနဲ့ ဆက်သွယ်ပြီး ဖြစ်ဖြစ် ဖွင့်ကြည့်နိုင်တယ်။

ပုံမှန်အနေနဲ့၊ USB မှတ်ဉာဏ်ချောင်းတွေ၊ မှတ်ဉာဏ်ကဒ်တွေနဲ့ တခြား လက်ကိုင်ဖုန်းတွေကို operating system အားလုံးမှာ ဖြုတ်တပ်လို့ရတဲ့ ကိရိယာတွေ အဖြင့် လက်ခံထားပြီး တခြား မီဒီယာတွေလိုပဲ - ဖိုင်တွေကို ကွန်ပျူတာထဲက သင့်တော်တဲ့ ဖိုင်တွဲထဲမှာ ဆွဲပို့တာတို့၊ အဲဒီ ကိရိယာကို eject လုပ်တာတို့ လုပ်ဆောင်နိုင်တယ်။ သင့်ရဲ့ အကြောင်းအရာကို ကမ္ဘာပေါ်မှာ ရှိတဲ့ ဘယ်နေရာဒေသမှာ မဆို ယူသွားလို့ (သို့) ပေးပို့လို့ ရတယ်။

တချို့ လက်ကိုင်ဖုန်းတွေမှာလည်း Bluetooth ခေါ် ကြိုးမဲ့ ဆက်သွယ်ရေးစနစ်ကို ပံ့ပိုးထားကြတယ် - ဖိုင်တွေကို ကွန်ပျူတာနဲ့ အပြန်အလှန် ဖြစ်ဖြစ်၊ လက်ကိုင်ဖုန်းတွေကြားမှာ ဖြစ်ဖြစ် လွှဲပြောင်းရယူနိုင်တယ်။
 

ဒေသတွင်း ဗွီဒီယို ဖြန့်ဝေခြင်း - Burn stations

 

'Burn Station' ဆိုတာ ရွေးချယ်ထားတဲ့ ဒစ်ဂျစ်တယ် အကြောင်းအရာကို CD တွေ၊ DVD တွေ (သို့) တခြား ဒစ်ဂျစ်တယ် မီဒီယာတွေထဲမှာ ထည့်သွင်းနိုင်အောင် configure လုပ်ထားတဲ့ ကွန်ပျူတာ တလုံးကို ဆိုလိုတယ်။ အဲဒါကို ဒစ်ဂျစ်တယ် အကြောင်းအရာကို ဖြန့်ဝေပေးတဲ့ ပစ္စည်းတွေအဖြစ် အသုံးချ နိုင်တယ်။ တချို့ ပရိုဂျက်တွေမှာ သုံးစွဲသူတွေက ဖိုင်တွေကို ကြည့်ရှု၊ ရွေးချယ်၊ သိမ်းဆည်းပြီး ကူးထည့်နိုင်အောင် သီးသန့် ကွန်ရက် မျက်နှာပြင်တွေကို တည်ဆောက်ပေးကြတယ်၊ ဒါပေမဲ့  ဒေတာ ဖိုင်တွေကို သိမ်းဆည်းပြီး CD (သို့) DVD burner ရှိတဲ့ ဘယ် PC မှာမဆို ထည့်သွင်းနိုင်တယ်။

အဲဒီ Burn Station တခု ရှိနေခြင်းကြောင့် ဗွီဒီယို အကြောင်းအရာ အသစ်ကို ရရှိနိုင်ဖို့ မြန်နှုန်းမြင့်တဲ့ အင်တာနက် ဆက်သွယ်မှုလိုင်းတွေ မရှိရင်လည်း ရတယ်။ တခြား ကွန်ပျူတာတွေ၊ DVD တွေ (သို့) USB မှတ်ဉာဏ်ချောင်းတွေထဲက ဖိုင်တွေ၊ (သို့) အကယ်လို့ မြန်နှုန်းကောင်းတဲ့ အင်တာနက်လိုင်းလိုင်း တခုခု ရှိတယ် ဆိုရင်၊ ဖြန့်ဝေရမဲ့ ဖိုင်တွေကို ဒေါင်းလုဒ် လုပ်ပြီး Burn Station ထဲကို ထည့်ထားလို့ ရတယ်။

•    Burn Station
•    Freedom Toaster
•    Platoniq - Burn station
 

အငယ်စား TV ထုတ်လွှင့်ကိရိယာများ
 

စွမ်းအားနိမ့် ဗွီဒီယို လွှင့်တင်ရေး ကိရိယာတွေဟာ ဒေသခံ လူထုကို ဆော်သြ လှုံ့ဆော်ရာမှာ နည်းလမ်းကောင်း တခု ဖြစ်ပြီး နိုင်ငံသား မီဒီယာကို ပြသနိုင်ဖို့ TV ချာနယ်တွေအစား အသုံးပြုနိုင်တဲ့ တခြား နည်းလမ်းတခု ဖြစ်တယ်။ အောင်မြင်တဲ့ အစပြုခြေလှမ်း တခုကတော့ အီတလီ နိုင်ငံက Telestreet လှုပ်ရှားမှု ဖြစ်တယ်။ TV ထုတ်လွှင့်တဲ့ ကိရိယာ တခုကို တည်ဆောက်ရာမှာ နည်းပညာ အကြောင်း အနည်းငယ် နားလည်ထားဖို့ လိုတယ်။ သင် ရောက်ရှိနေတဲ့ နေရာဒေသအပေါ် မူတည်ပြီး၊ တရားဝင် ဆောင်ရွတ်နိုင်တဲ့ အခက်အခဲတွေ ရှိနိုင်တယ်။

•    Micro TV  ထုတ်လွှင့်ရေး ကိရိယာတခု ဖန်တီးနည်း
•    အရိုးရှင်းဆုံး TV ထုတ်လွှင့်ရေး ကိရိယာ တည်ဆောက်နည်း
 

ကိုးကားချက်များ
 

ဗွီဒီယို စုစည်းခြင်း
 

ဗွီဒီယို စုစည်းခြင်း (Syndication) ဆိုတာ အကြောင်းအရာကို ဝေမျှဖို့နဲ့ ရှာဖွေဖို့ အလွန်ကောင်းမွန်တဲ့ နည်းလမ်း တခု ဖြစ်တယ်။ တချို့ အင်တာနက် TV ထုတ်လွှင့်ချက်တွေဟာ ပရိသတ်ထုကြီးကို လက်လှမ်းမီနိုင်ဖို့ အဲဒီ နည်းပညာတွေကို အသုံးပြုကြတယ်။

ဗွီဒီယိုတွေကို စုစည်းတာဟာ သင့်ရဲ့ ဗွီဒီယိုကို ကျယ်ကျယ်ပြန့်ပြန့် ဖြန့်ဖြူးနိုင်အောင်၊ သင် ပစ်မှတ်ထားတဲ့ ပရိသတ်ဆီ စိတ်ချလက်ချ ရောက်ရှိနိုင်အောင်နဲ့၊ သင့်ရဲ့ ဗွီဒီယိုတွေကို အဆင့်မြင့်တဲ့ နည်းလမ်းနဲ့ တင်ဆက်နိုင်အောင် အထောက်အကူဖြစ်စေမှာ ဖြစ်တယ်။ စုစည်းနိုင်တဲ့ သော့ချက် ကတော့ မီဒီယာ RSSfeed တခု ထားရှိဖို့ ဖြစ်တယ်၊ အဲဒါဟာ အခြေခံအားဖြင့် သင့်ရဲ့ နောက်ဆုံးထွက် ဗွီဒီယိုတွေရဲ့ နောက်ဆုံး စာရင်း ဖြစ်တယ်။ အဲဒီ feeds တွေကို တခါတလေ ဗွီဒီယို podcasts တွေ၊ (သို့) podcasts တွေ အဖြင့် ရည်ညွှန်းထားလေ့ ရှိတယ်။

RSSfeed ထဲကို စာရင်း လာရောက် သွင်းသွားကြတဲ့ ပွဲကြည့်ပရိသတ်တွေဟာ သင် နောက်ဆုံး တင်ပို့လိုက်တဲ့ ဗွီဒီယိုတွေကို တပြိုက်ထဲ ရရှိနိုင်ကြမှာ ဖြစ်တယ်၊ အဲဒါဟာ အင်တာနက်ပေါ်က TV နဲ့ တူတယ်။ ရှာဖွေ အင်ဂျင်တွေနဲ့ ကွန်ရက် စာမျက်နှာတွေဟာ RSS feeds ကို နှစ်သက်ကြတယ်၊ ဘာကြောင့်လဲ ဆိုတော့ သူတို့ဟာ ကွန်ပျူတာ ဘာသာစကား စံညွှန်းတခုထဲကိုပဲ အသုံးပြုနေကြလို့ ဖြစ်တယ်။ RSS feed တခုကို ရယူနိုင်တဲ့ အရိုးရှင်းဆုံး နည်းကတော့ RSS feeds တွေကို ပြုလုပ်ပေးနိုင်တဲ့ ကွန်ရက် စာမျက်နှာ တခုခုမှာ စာရင်းသွင်းဖို့ပဲ ဖြစ်တယ်၊ (သို့) ဗွီဒီယို ဘလော့ဂ်တခုခု ဖန်တီးဖို့ ဖြစ်တယ်။

ပွဲကြည့်ပရိသတ်အတွက် RSS
ဘယ်သူမဆို Miro လို အင်တာနက် TV ကိရိယာကို အသုံးပြုပြီး သင့်ရဲ့ RSSfeed မှာ စာရင်းသွင်းနိုင်တယ်။ သုံးစွဲသူ တယောက်ယောက်က သင့်ရဲ့ feed မှာ စာရင်းသွင်းလာတဲ့အခါ၊ သင် လွှင့်တင်လိုက်တဲ့ နောက်ဆုံး ဗွီဒီယိုတွေကို သူတို့ အမြဲတမ်း ရရှိကြမှာ ဖြစ်တယ်။

ကွန်ရက်စာမျက်နှာပေါ်က RSS
RSS ဟာ စုစည်းထားတဲ့ ကွန်ရက်စာမျက်နှာတွေ၊ လမ်းညွှန်ချက်တွေနဲ့ ရှာဖွေရေး အင်ဂျင်တွေပေါ်မှာ ထုတ်ပြန်ထားတဲ့ သင့်ရဲ့ feed တွေ ရရှိဖို့အတွက် အရေးကြီးတယ်။ အကယ်လို့ သင့်ရဲ့ ဗွီဒီယိုတွေကို စနစ်တကျ စာရင်းသွင်းထားတယ် ဆိုရင်၊ လူတွေက အဲဒီ အကြောင်းအရာနဲ့ ပါတ်သက်တဲ့ အကြောင်းအရာ တခုခုကို ရှာဖွေတဲ့အခါ တိကျတဲ့ key words တွေကို သုံးပြီး ရှာဖွေ တွေ့ရှိနိုင်ကြမှာ ဖြစ်တယ်။ တခြား လူတွေက RSS ပါတဲ့ ဗွီဒီယိုကို ထုတ်ပြန်တဲ့အခါ၊ ဖန်တီးသူ (သို့) ရှာဖွေရေး စကားလုံးတွေကို ရွေးချယ်ပြီး သူတို့ ဗွီဒီယိုရဲ့ feeds မှာ သွားပြီး သင် စာရင်းသွင်းထားနိုင်တယ်၊ ဒါဆိုရင် သူတို့ရဲ့ ဗွီဒီယိုတွေကို သင့်ရဲ့ ကွန်ရက် စာမျက်နှာပေါ်မှာ အလိုအလျှောက် ရရှိနေမှာ ဖြစ်တယ်။

RSS ကို ဘယ်လို ရနိုင်မလဲ
ဗွီဒီယို ထုတ်ပြန်ရေး ၀န်ဆောင်မှုတွေမှာ သင့်ရဲ့ username  နဲ့ သက်ဆိုင်တဲ့ RSSfeed တခု ပါရှိတယ်။ Make Internet TV မှာ သင့်ရဲ့ RSS feed ကို ရှာဖွေပေးတဲ့ ကိရိယာ တခု ရှိတယ်။ အကယ်လို့ အဲဒီထဲက ၀န်ဆောင်မှု တခုခုကို သင် အသုံးမပြုဘူး ဆိုရင်၊ ဗွီဒီယို အခန်းမှာ ရှိတဲ့ မေးလေ့မေးထ မေးခွန်းများကို လေ့လာနိုင်တယ်။

နောက်ထပ် အရင်းအမြစ်များ
WordPress ကို သုံးပြီး ဗွီဒီယို ဘလော့ဂ် တည်ဆောက်ခြင်း
Miro ကို သုံးပြီး ဗွီဒီယို လွှင့်တင်ခြင်း
 

အွန်လိုင်းနေရာတခု ဖန်တီးခြင်း
 

အကယ်လို့ သင့်ရဲ့ ဗွီဒီယိုတွေကို လွှင့်တင်တဲ့နေရာမှာ အွန်လိုင်း ၀န်ဆောင်မှု တခုခုကို အသုံးပြုနေတယ် ဆိုရင်၊ သင့်ရဲ့ ဗွီဒီယိုတွေကို စုဆောင်းနိုင်မဲ့ ဘလော့ဂ် (သို့) ကွန်ရက် စာမျက်နှာ တခုခုကို ဖွင့်ထားဖို့ စဉ်းစားရတော့မှာ ဖြစ်တယ်။ ဒီနည်းနဲ့ လူတွေက သင့်ရဲ့ လုပ်ငန်းကို တွေ့မြင်လာကြမှာ ဖြစ်ပြီး အဲဒီနေရာကို သင် ကိုယတိုင် ထိန်းချုပ်လာနိုင်မှာ ဖြစ်တယ်၊ သင့်ရဲ့ စည်းရုံးလှုပ်ရှားမှုနဲ့ ပါတ်သက်တဲ့ နောက်ဆုံးထွက် သတင်း အချက်အလက်တွေကို ပေးပို့နိုင်ပြီး လူတွေက သင်နဲ့ အဆက်အသွယ် လုပ်လာနိုင်မှာ ဖြစ်တယ်။ ဒီနည်းနဲ့ လူတွေက သင့်ရဲ့ လုပ်ငန်းကို ရှာဖွေရေး အင်ဂျင်တွေက တဆင့် ရှာဖွေတွေ့ရှိ လာနိုင်တယ်။
 

ဗွီဒီယို ဘလော့ဂ် တည်ဆောက်ခြင်း
 

ဗွီဒီယို ဘလော့ဂ် တည်ဆောက်ခြင်း၊ (သို့) vlogging ဟာ ဘလော့ဂ် တည်ဆောက်တဲ့ နေရာမှာ ဗွီဒီယိုကို ကြားခံအဖြင့်နဲ့ အသုံးပြုတယ်။ ဗွီဒီယိုတွေကို ပုံမှန် ထည့်သွင်းပေးမှာ ဖြစ်ပြီး အကြောင်းအရာကို RSS (သို့) Atom syndication formats ကို အသုံးပြုပြီး အင်တာနက် ကနေတဆင့် အမြန် ဖြန့်ဖြူးနိုင်အောင် အင်တာနက် syndication tools တွေကို စုစည်းပေးတယ်။

သင့်ရဲ့ ဘလော့ဂ်ထဲမှာ ဗွီဒီယိုကို စုပေါင်းပေးတဲ့၊ syndication tools တွေ ပါရှိတဲ့ ဖြန့်ဖြူးရေး နည်းလမ်းတွေဟာ ဗွီဒီယိုတွေနဲ့ ပါတ်သက်တဲ့ ပုံမှန် မွမ်းမံချက်တွေကို အွန်လိုင်းကနေ စုစည်းပေးနိုင်တဲ့ နည်းလမ်းကောင်း တခု ဖြစ်တယ်။ ဥပမာ အားဖြင့်၊ အကယ်လို့ သင်ဟာ ဗွီဒီယိုကို ပုံမှန် ထုတ်လုပ်နေပြီး ထုတ်ပြန်နေတယ် ဆိုရင်၊ သင့်ရဲ ပရိသတ်တွေကို  အွန်လိုင်း ကွန်ရက်စာမျက်နှာ ရှိတဲ့ နေရာဆီ ညွှန်ပြပေးလို့ ရတယ်၊ ပညာပေးပြီး ဆွဲဆောင်မှု ပေးနိုင်တယ်။ ဒီလိုလုပ်ခြင်းဖြင့်၊ ပွဲကြည့် ပရိသတ်တွေဟာ ဗွီဒီယိုကို ကြည့်ရှုလာနိုင်မှာ ဖြစ်ပြီး စည်းရုံးလှုပ်ရှားမှုနဲ့ ပါတ်သက်တဲ့ အရေးကြီးတဲ့ အချက်အလက်တွေကို မြင်တွေ့လာနိုင်မှာ ဖြစ်တယ်။

ဒီကိရိယာ တန်ဆာပလာထဲမှာ WordPress ဘလော့ဂ်ထဲ ဗွီဒီယို ထည့်သွင်းတဲ့နည်းကို တွေ့ရှိ နိုင်တယ် (ဆက်လက် ဖတ်ရှုရန်)။ သင့်ကိုယ်ပိုင် ဘလော့ဂ် တည်ဆောက်နည်းကို Showinabox  ထဲမှာ  လေ့လာနိုင်တယ်။