အောက်ခြေလူတန်းစား ဟာသများ


နိုင်ငံရေး ကာတွန်းတွေဟာ လူမှုရေးနဲ့ဆိုင်တဲ့ သရော်စာ၊ မှတ်ချက်ပေးတဲ့ပုံစံနဲ့ ရာစုနှစ် အတော်ကြာအောင် ထိရောက်တဲ့ အသွင်ကို ဆောင်နေခဲ့သလို၊ ရုပ်ပြောင်တွေကို အောင်ခြေလူတန်းစား အဖွဲ့အစည်းတွေမှာ စည်းရုံးလှုပ်ရှားရေး ကိရိယာတခုအဖြစ်နဲ့ အသုံးပြုလာခဲ့တဲ့အတွက် လက်ရှိအချိန်မှာ အောင်မြင်မှုတွေ ပိုပြီး ရရှိလာနေတယ်။ ဒီအခန်းမှာ အောင်ခြေလူတန်းစာတွေအတွက် ဟာသတွေကို ဘယ်လို အသုံးချတယ်၊ ဘာကြောင့် အသုံးပြုတယ်၊ ဘယ်လို့ စတင် သုံးစွဲနိုင်တယ် စတဲ့ နည်းလမ်းတွေကို ဖြန့်ဝေဖို့ အကြံအဉာဏ် တချို့ကို ဖေါ်ပြထားတယ်။

 

အောက်ခြေလူတန်းစား ဟာသတွေဆိုတာ ဘာတွေလဲ။


ဟာသစာအုပ် ဆိုတာ ရုပ်ပုံတွေ ပါတဲ့ ပုံပြင်တွေ၊ ဟောပြောချက်တွေနဲ့ အပြန်အလှန် ဆွေးနွေးချက်တွေ ပါတဲ့ စာရေးအသားတွေ ဖြစ်တယ်။ အဲဒီအချက်တွေကို NGO တခုခု (သို့) တက်ကြွလှုပ်ရှားသူတွေက ပရိသတ်တွေ (သို့) အသင်းအဖွဲ့တွေနဲ့ သက်ဆိုင်တဲ့ အချက်အလက်တွေကို စုဆောင်း တင်ပြလာတဲ့အခါ Grassroots comics လို့ခေါ်တဲ့ “အောက်ခြေလူတန်းစား” ဟာသ စာအုပ်တွေ ဖြစ်ကြလာတယ်။ တချို့ ဟာသတွေဟာ ဒေသတွင်း အဖြစ်အပျက်တွေနဲ့ သက်ဆိုင်ပြီး၊ ဒေသခံ ဘာသာစကားတွေ၊ ဒေသဆိုင်ရာ ယဉ်ကျေးမှုနဲ့ တင်စားချက်တွေကို သုံးစွဲထားတယ်။

ဟာသစာအုပ်ထဲမှာ လူ့အဖွဲ့အစည်းအတွင်းက အခြေအတင် ဆွေးနွေးမှုတွေ ဖြစ်ပေါ်စေတဲ့ ခံစားချက် အစစ်အမှန် တခုခု ပါဝင်နေတတ်ပြီး၊ မီဒီယာ (သို့) မီဒီယာ ထုတ်လုပ်မှုတွေနဲ့ ထိတွေ့ဆက်ဆံမှု နည်းပါးတဲ့သူတွေ၊ (သို့) ထိတွေ့ဆက်ဆံမှု လုံးဝ မရှိတဲ့ အဖွဲ့တွေ၊ ပုဂ္ဂိုလ် တဦးတယောက်ချင်းနဲ့ (ကျွမ်းကျင်တဲ့ ပန်းချီဆရာတွေ ဖြစ်ဖို့ မလိုပဲ) ဖွဲ့စည်းထားတယ်။ အောက်ခြေလူတန်းစား ဟာသတွေကို အထောက်အထား တခုခု ရှိထားတဲ့သူ၊ သတင်းစကားနဲ့ ပစ်မှတ်ထားတဲ့ ပရိသတ် ရှိထားတဲ့ ဘယ်လို အဖွဲ့ကမဆို ပြုလုပ်ဖန်တီးနိုင်ပြီး ဆက်သွယ်ရေး ကိရိယာတခု အဖြစ်နဲ့ အသုံးချနိုင်တယ်။

 

ဘယ်လို အရင်းအမြစ်တွေ လိုအပ်သလဲ။


အောင်ခြေလူတန်းစား ဟာသတွေကို ဖန်တီးတဲ့နေရာမှာ ပါဝင်တဲ့ နည်းပညာဟာ ရှုပ်ထွေးမှု သိပ်မရှိဘူး။ ဘောင်ပင်၊ စာရွတ်၊ အတွေးအမြင်တွေကို သုံးပြီး ဟာသတွေကို ပြုလုပ်ဖို့လိုတယ်၊ ဖြန့်ချီဖို့ လိုတယ်။ စာတတ်ပေတတ် အလွှာအမျိုးမျိုး၊ နည်းပညာ ကျွမ်းကျင်တဲ့ အုပ်စု အမျိုးမျိုးတို့က သူတို့ရဲ့ အုပ်စုတွေ (သို့) အစုအဖွဲ့တွေနဲ့ သင့်တော်တဲ့ ဟာသတွေကို ဖန်တီးနိုင်အောင် လေ့လာနိုင်တယ်။ Strip creator (သို့) Toonlet ကို အသုံးပြုပြီး ဖန်တီးပြီးသား သရုပ်ဖေါ်ပုံတွေထဲက comic strips တွေကို ဖန်တီးနိုင်တယ်။

ဟာသ တခုစီမှာ ပုံစံအမျိုးမျိုး ရှိကြတယ်၊ ဒါကြောင့် သင့်အဖွဲ့အစည်း၊ ပရိသတ်၊ နည်းလမ်းတွေနဲ့ ကိုက်ညီတဲ့ အချက်တွေကို သိရှိဖို့ လေ့လာထားပါ။ သင် ဖန်တီးထားတဲ့ ဟာသတွေကို အွန်လိုင်းပေါ် ကွန်ရက် စာမျက်နှာတွေပေါ်မှာ ဝေမျှနိုင်တယ်။ သင့်ရဲ့ ဟာသတွေကို ထုတ်ပြန်နိုင်တဲ့ format နဲ့ ဒေါင်းလုဒ် လုပ်နိုင်အောင် အခကြေး ပေးဆောင်ရတဲ့ အသင်းဝင် တဦး ဖြစ်ဖို့ လိုတယ် (သို့) လှူဒါန်းမှု တခုခု လုပ်တဲ့ သူဖြစ်ဖို့ လိုတယ်။ လုပ်ပုံလုပ်နည်းတွေနဲ့ ပါတ်သက်တဲ့ 'သုံးစွဲနည်း' လမ်းညွှန်ကို ဒေါင်းလုဒ် လုပ်နိုင်တဲ့ World Comics  ကွန်ရက် စာမျက်နှာမှာ ဆက်လက် လေ့လာပါ။

 

အောင်ခြေလူတန်းစား ဟာသတွေကို ဘာကြောင့် သုံးစွဲရသလဲ။


အောင်ခြေလူတန်းစား ဟာသတွေကို သာမန် လူတန်းစားတွေ၊ အထူးသဖြင့် လူထု တက်ကြွလှုပ်ရှားသူတွေက ဖန်တီးခဲ့ကြတာ ဖြစ်တယ်၊ ဒါကြောင့် သူတို့ဟာ လူအသိုင်းအ၀ိုင်းက ရင်ဆိုင်နေတဲ့ အမှုအခင်းတွေကို ပထမဆုံး တင်ပြနိုင်ခဲ့ကြတာ ဖြစ်တယ်။ သူတို့ဟာ သာမန် လူတန်းစားတွေကို ဆွေးနွေးမှု တခုခုမှာ တိုက်ရိုက် ပါဝင်လာအောင် အခွင့်အရေး ပေးလာတဲ့ သဘော ဖြစ်တယ်။ ဟာသတွေဟာ လူမျိုးစု တစုနဲ့ တစုအကြားမှာ အများပြည်သူနဲ့ သက်ဆိုင်တဲ့ နားလည်မှုကိုလည်း တည်ဆောက်ပေးနိုင်တယ်၊ လူတွေဟာ သူတို့ ကြုံတွေ့ အဖြစ်အပျက်တွေကို ဒေသခံတွေက သဘောပေါက် နားလည်နိုင်အောင် ရင်ဖွင့် ပြောဆိုနေကြတာ ဖြစ်တယ်၊ သူတို့ရဲ့ ရပ်တည်ချက်အပေါ် နားလည်မှု လွဲနေတဲ့ လူ့အဖွဲ့အစည်းတွေနဲ့ လက်တွဲ အလုပ် လုပ်လာနိုင်ကြတယ်။ စစ်မှန်ပြီး ရင်တွင်းကနေ ပေါ်ထွက်လာတဲ့ အကြောင်းအရာတွေဟာ လက်ခံဖို့ လွယ်ကူပြီး လူအများက လက်ခံနိုင်တယ်။

အောင်ခြေလူတန်းစား ဟာသတွေကို လူ့အခွင့်အရေး၊ ကျန်းမာရေး ပညာပေးမှု၊ အကျင့်ပျက် လာဘ်စားမှု၊ ပတ်ဝန်းကျင်ဆိုင်ရာ ကိစ္စတွေနဲ့ တခြား အကြောင်းအရာတွေနဲ့ ပါတ်သက်တဲ့ စည်းရုံးလှုပ်ရှားမှုတွေမှာ အောင်အောင်မြင်မြင် အသုံးချခဲ့ကြတယ်။ သူတို့ကို ဒေသတွင်းမှာ ရှိတဲ့ အသင်းအဖွဲ့ တခုခုထဲက အဆင့်အတန်းတူတဲ့ အုပ်စု ဖြန့်ဖြူးရေး အဆင့်ကနေ ကြီးကျယ်တဲ့ ဖြန့်ဖြူးရေး အဆင့်အထိ စည်းရုံးလှုပ်ရှားမှု အဆင့် အမျိုးမျိုးတွေမှာ အသုံးပြုနိုင်တယ်။

ဟာသတွေဟာ ရှင်းလင်းထင်ရှားမှု ရှိတဲ့အတွက်၊ ရည်ရွယ်ထားတဲ့ ပရိသတ်တွေကို စကားပြော ဆက်သွယ်နိင်ဖို့ နည်းလမ်း အမျိုးမျိုး ရှာကြံနေကြတဲ့ NGOs တွေအတွက် ဆွဲဆောင်မှု ဖြစ်လာတယ်။ ဒါ့အပြင်၊ ဟာသတွေဟာ ဖန်တီးရတာ လွယ်ကူသလို၊ ဖြန့်ဝေရာမှာလည်း လွယ်ကူတယ်။

အများအားဖြင့် အောင်ခြေလူတန်းစား ဟာသတွေဟာ NGO တခုခုရဲ့ လှုပ်ရှားမှု၊ အခွင့်အရေး ရပိုင်ခွင့်အတွက် တိုက်ပွဲဝင်နေတဲ့ သူတွေ (သို့) လူ့အသိုင်းအ၀ိုင်း အုပ်စုတွေနဲ့ တိုက်ရိုက် ဆက်စပ်မှု ရှိနေတယ်၊ မိမိတို့ရဲ့ ကိုယ်ပိုင် တွေ့ကြုံခံစားနေမှုတွေကို ထုတ်ဖေါ်ပြောပြချင်တဲ့ ပုဂ္ဂိုလ် တဦးဦးကလည်း ဖန်တီးနိုင်တယ်။ ကလေးသူငယ်တွေဟာ သူတို့ ဘ၀ကို ထိခိုက်စေတဲ့ အဖြစ်အပျက်တွေကို သရုပ်ဖော်တဲ့ ဟာသတွေကို မကြာခဏ ဖန်တီးတတ်ကြတယ်။

 

Formats များ


အောကခြေလူတန်းစား ဟာသတွေရဲ့ formats အားလုံးဟာ ရိုးရှင်းပြီး ထပ်ဆင့်ပွားနိုင်တဲ့ နည်းလမ်းတွေနဲ့ ကျယ်ကျယ်ပြန့်ပြန့် ရရှိနိုင်တယ်၊ အဲဒီ နည်းလမ်းတွေကတော့ -

 
  • - ကော်ပီကူးယူခြင်း
  • - Screen printing ကို ကော်ပီ ရာချီ ပွားယူခြင်း
  • - Offset printing ကို နှစ်ရာ၊ သုံးရာမက ပွားယူခြင်း

ဟာသတွေကို သတင်းစာတွေ၊ မဂ္ဂဇင်းတွေ၊ လက်ကမ်းစာဆောင်တွေ အဖြစ် ထုတ်ဝေဖို့ ပုံစံအမျိုးမျိုး ပြောင်းနိုင်တယ်။ အဲဒါကို format ပြောင်းဖို့ ရွေးချယ်တဲ့အခါ စဉ်းစားနိုင်တယ်။

 

နံရံကပ် ပိုစတာ ဟာသများ


နံရံကပ် ပိုစတာတွေဟာ လူသုံး အများဆုံးနဲ့ တွက်ချေ အကိုက်ဆုံး ဟာသ format ဖြစ်တယ်။ ရလဒ်တွေအနေနဲ့ သိသာ ထင်ရှားမှု ရှိတယ် - နံရံကပ် ပိုစတာ နှစ်ခု သုံးခုလောက်ကို ကျေးရွာရဲ့ အချက်အခြာကျတဲ့ နေရာမှာ ထောင်ထားခြင်းဖြင့် တရွာလုံးမှာ ရှိတဲ့ လူဦးရေက သိရှိသွားနိုင်တယ်။

နံရံကပ် ပိုစတာ ဟာသတွေဟာ လိုရင်းတိုရှင်း ရှိကြပြီး၊ အဖြစ်အပျက် တခုကို ရုပ်ပုံ လေးပုံနဲ့ မြင်သာအောင် တင်ပြပေးနိုင်တယ်။ သတင်းစကား တော်တော်များများကို ပုံပြင် သဘောနဲ့ ပုံစံ ပြောင်းယူလို့ ရတယ်။ အစဉ်အလာအရ ဖွံ့ဖြိုးတိုးတက်လာတဲ့ ဆက်သွယ်ရေး ပိုစတာတွေမှာ သတင်းစကား (သို့) ဆောင်ပုဒ် တခုပဲ ပါတယ်၊ နံရံကပ် ပိုစတာ ဟာသထဲမှာ သတင်း အချက်အလက်တွေနဲ့ ခံစားချက် အတော်များများကို ထည့်သွင်းနိုင်တယ်၊ ဘာကြောင့်လဲ ဆိုတော့ ပုံပြင်ထဲမှာ ပြဇာတ်နဲ့ ဇာတ်လမ်းတွေ ပါဝင်နိုင်တဲ့ အတွက် ဖြစ်တယ်။

A4 စာရွတ်ကို သုံးပြီး၊ အဖြူအမဲ မိတ္တူကူးယူတဲ့ အလုပ်ကို တကမ္ဘာလုံးမှာရှိတဲ့ နေရာအနှံ့အပြား၊ ဝေးလံတဲ့ နေရာတချို့မှာလည်း ရရှိနိုင်တယ်။ ဒါကြောင့် အရိုးရှင်းဆုံး နံရံကပ် ပိုစတာ format ကတော့ A4 မိတ္တူ နှစ်ခုကို တွဲကပ်ထားလိုက်တာပဲ ဖြစ်တယ်။ A3 အရွယ် နံရံကပ် ပိုစတာတခုဟာ အဝေးကနေ သတိထားနိုင်လောက်အောင် အရွယ်အစား ကြီးမားပါတယ်။ အဲဒီလို နံရံကပ် ပိုစတာ တခုကို မတ်တပ်ရပ်ပြီး တမီတာလောက် အကွာကနေ သက်တောင့်သက်သာ ဖတ်ရှုနိုင်တယ်။ အကယ်လို့ A3 အရွယ် မိတ္တူကူးစက် ရှိနိုင်တယ် ဆိုရင်၊ အဲဒီအရွယ်အစားနဲ့ တိုက်ရိုက် ကူးယူနိုင်တယ်။

နံရံကပ် ပိုစတာ အများအပြား လိုအပ်လာမယ် ဆိုရင်၊ ကော်ပီ ကူးယူရတာ ကုန်ကျစရိတ် များလာနိုင်တယ်။ မြို့အတော်များများမှာ သူ့နေရာဒေသရဲ့ လိုအပ်ချက်အရ ပုံနှိပ်လုပ်ငန်းတွေ လုပ်ဆောင်ပေးနိုင်တဲ့ ဆိုင်ခန်းငယ်လေးတွေ ရှိတတ်ကြတယ်၊ များသောအားဖြင့် ကော်ပီ ရာချီပြီး ကူးယူတော့မယ် ဆိုရင် ဈေးနှုန်း ချိုချိုသာသာနဲ့ ရရှိနိုင်တယ်။ ပရင်တာကို သုံးပြီး လိုအပ်ချက်တွေနဲ့ ကိုက်ညီတဲ့ မူရင်း မိတ္တူ တခုခုကို ထုတ်ယူနိုင်တယ်၊ ဒါပေမဲ့ အဲဒါတွေကို ကျွမ်းကျွမ်းကျင်ကျင် လုပ်ဆောင်နိုင်ဖို့ သိပ်အခက်အခဲ သိပ်ရှိမှာ မဟုတ်ဘူး။

 

စာစောင်များ
 

ဟာသ စာစောင်တွေဟာ နံရံ ပိုစတာ ဟာသတွေထက် ရှည်လျားနေတဲ့အတွက် အသုံးဝင်တယ်။ ဆိုလိုတာက သင်ဟာ ဇာတ်ကောင် အမျိုးမျိုးကို မိတ်ဆက်ပေးနိုင်ပြီး၊ အဖြစ်အပျက်တွေကို ပိုမို ရှုပ်ထွေးစေနိုင်၊ ထူးခြားမှု ရှိစေနိုင်တယ်။ ဟာသ စာစောင်တွေကို အစည်းအဝေးတွေ (သို့) ဆွေးနွေးပွဲတွေမှာ တက်ရောက်လာတဲ့ သူတွေ၊ အမှုအခင်း တခုခုမှာ ပါဝင်ဆင်နွှဲဖို့ လှုံ့ဆော်ခံရတဲ့သူတွေ၊ NGO ရုံး တခုခုကို လာရောက် လည်ပတ်တဲ့ သူတွေဆီ ဖြန့်ဖြူးနိုင်တဲ့အပြင်၊ တခြား နည်းလမ်းတွေနဲ့လည်း ဖြန့်ဖြူးနိုင်တယ်။

အခြေခံကျတဲ့ စာစောင်ငယ်တခုကို နှစ်ဖက်စလုံး ကော်ပီ ကူးထားတဲ့ စာမျက်နှာ တမျက်နှာနဲ့ ပြုလုပ်ထားတယ်။ စာမျက်နှာတွေကို နေရာတကျ စီပြီး ကော်ပီ ကူးလိုက်တာ ဖြစ်တယ်၊ စာမျက်နှာ တဖက်ကို လေးချိုး ခေါက်ပြီး စာမျက်နှာ ၈ မျက်နှာပါတဲ့ စာစောင်ငယ် တခု ထွက်လာတယ်။ အဲဒီပုံစံအတိုင်း စာမျက်နှာ ၁၆ မျက်နှာစာ ရှိတဲ့ အကြောင်းအရာ ဖြစ်ရပ် တခုကို ပုံသေးသေးတွေနဲ့ လုပ်ဆောင်နိုင်တယ်။ ဒါဟာ ပိုမို ရှည်လျားတဲ့ အဖြစ်အပျက် တခုအကြောင်းကို ဖန်တီးဖို့ စီစဉ်တဲ့အခါ အသေးစိတ် ရေးဆွဲနေစရာ မလိုပဲ အသုံးပြုနိုင်တဲ့ format ဖြစ်တယ်။ 'ရှစ်မျက်နှာပါ စာစောင်ငယ်များ ပြုလုပ်နည်း'ထဲက ကမ္ဘာ့ ဟာသ လမ်းညွှန်ချက်များကို လေ့လာပါ။

 

အကော်ဒီယံ ဟာသစာအုပ်ငယ်များ
 

အကော်ဒီယံ ဟာသစာအုပ်တွေဟာ Accordion တခုလိုပဲ တွန့်ခေါက်ပြီး ရှည်လျားတဲ့ အမြှောင်းပုံစံ (သို့) စာစောင်ငယ် တခု ပုံစံနဲ့ ဖတ်ရှုလို့ရတယ်။ ဒီ format ဟာ အထူးသဖြင့် ပိပိရိရိနဲ့ ဖြန့်ဖြူးလိုတဲ့အခါ အသုံးဝင်တယ်၊ ဘာကြောင့်လဲ ဆိုတော့ အပြင်က အဖုံးတွေဟာ ဗလာအလွတ် ဖြစ်နေလို့ ဖြစ်တယ်။

အရိုးရှင်းဆုံး အကော်ဒီယံ ဟာသစာအုပ်တွေဟာ အလျားလိုက် A3 စာရွတ်တခုရဲ့ စာမျက်နှာ တဖက်ကို အကန့် ရှစ်ကန့်နဲ့ ရေးထားတဲ့ အဖြစ်အပျက် တခုအကြောင်းကို ကော်ပီ ကူးထားတာ ဖြစ်တယ်။ စာရွတ်ကို အရှည်လိုက် နှစ်ပိုင်း ဖြတ်ထားပြီး၊ ထိပ်ပိုင်း အချင်းချင်းကို တိပ်နဲ့ နှစ်ခု ပိုင်းခြားလိုက်တယ်။ အဲဒါကို ကိုယ်တိုင် ကိုယ်ကျ လုပ်ဆောင်ရပေမဲ့၊ အကန့်တွေရဲ့ အရွယ်အစားကို အလွယ်တကူ ညှိလို့ ရတယ်။ ဒီ format ဟာ စာမျက်နှာ တဖက်ကိုပဲ ကော်ပီ ကူးယူရမှာ ဖြစ်တဲ့အတွက် ကော်ပီ ကူးယူဖို့ လွယ်ကူသွားတယ်။

အကယ်လို့ မူရင်း အရွယ်အစားထက် ၅၀% လျှော့ချနိုင်၊ ကော်ပီ ကူးယူးပေးနိုင်တဲ့ ကော်ပီကူးစက် တလုံး ရှိခဲ့မယ် ဆိုရင် အသေးစား အကော်ဒီယံ တခုကို လုပ်ဆောင်နိုင်တယ်။ A3 အရွယ် မူရင်း အကန့် ၈ ကန့်ပါတဲ့ အကြောင်းအရာကို ယူပြီး၊ ၅၀% လျှော့လိုက်ပါ၊ A4 အရွယ်မှာ မိတ္တူလေးခု ဆွဲလိုက်ပါ။ အမြှောင်လိုက် ဖြတ်ပြီး A3 အရွယ်မှာ စီထားလိုက်ပါ၊ အမြှောင်းတွေကို အလျားလိုက် လေးခါ ခေါက်ထားလိုက်ပါ။ အဲဒီနောက် A3 စက္ကူကို မိတ္တူကူးပြီး accordion ပုံစံနဲ့ ခေါက်လိုက်ပါ၊ အပိုင်းလေးပိုင်း ဖြတ်လိုက်ရင်၊ အကော်ဒီယံ ဟာသ စာအုပ်ငယ် လေးခု ရလာမှာ ဖြစ်တယ်။ ကမ္ဘာ့ ဟာသ လမ်းညွှန်ချက်များကို လေ့လာပါ

 

ဟာသ အစင်းအကြောင်း


ဟာသတွေကို မဂ္ဂဇင်းတွေ၊ သတင်းစာတွေနဲ့ လက်ကမ်း စာစောင်တွေမှာ ထုတ်ဝေဖို့ အစင်းအကြောင်းအလိုက် ပြောင်းလို့ ရတယ်၊ ဒါပေမဲ့ မူရင်း အရွယ်ကနေ လျှော့ချလိုက်တဲ့အတွက် စိုးရိမ်စရာ ရှိတယ် - မူရင်း သရုပ်ဖေါ်ပုံမှာ သင့်တော်တဲ့ လိုင်းအထူ ရှိနေတယ် ဆိုရင်၊ အရွယ်အစားကို ကျုံ့လိုက်တဲ့အခါ ဖတ်လို့ မရတဲ့ ပုံစံမျိုး ဖြစ်မလာပဲ စာလုံးအနေတော် ကျနေမှာ ဖြစ်တယ်။

 

ဖြန့်ဖြူးရေး - ရပ်ရွာ အရေးကိစ္စ၊ ဒေသတွင်း လှုပ်ရှားမှု


ဟာသတွေကို စီးပွားဖြစ် ထုတ်ဝေချက်တွေနဲ့ ခွဲခြားနိုင်တဲ့ အချက် တခုကတော့ သူတို့ကို ဒေသတွင်း ဖြန့်ဖြူးမှုအတွက်ပဲ အဓိက ရည်ရွယ်ထားခြင်း ဖြစ်တယ်။ ဟာသတွေကို အများအားဖြင့် လူထုခန်းမတွေ၊ ဘားစ်ကား ရပ်နားတဲ့နေရာတွေ၊ ဈေးဆိုင်တွေ၊ ရုံးတွေ၊ ကျောင်းတွေ၊ ကြော်ငြာ သင်ပုန်းတွေနဲ့ လျှပ်စစ် ဓါတ်တိုင်တွေမှာ ကပ်ထားလို့ ရတယ်။ စာဖတ်သူတွေက ဟာသ လိုက်ကပ်တဲ့ အဖွဲ့အစည်းတွေကို ပုံမှန်အားဖြင့် သိထားကြတယ်။

ရင်းနှီးကျွမ်းဝင်ဖို့ အရေးကြီးတယ် - စာဖတ်သူတွေဟာ ဆက်သွယ်ရေး လမ်းကြောင်း အရင်းအမြစ်တွေနဲ့ သိကျွမ်းထားဖို့ လိုတယ်။ လူ့အသိုင်းအ၀ိုင်းထဲက တချို့လူတွေဟာ အကြောင်းကိစ္စ တခုခုကြောင့် ခံယူချက် ပြင်းထန်လာတဲ့အခါ၊ ဒေသတွင်း စည်းရုံးလှုပ်ရှားမှု လုပ်ဆောင်ဖို့ မြို့တော်ဖက်က လာတဲ့ ပစ္စည်းတွေ (သို့) ရပ်ဝေး နိုင်ငံခြားမှာ ကျွမ်းကျင်တဲ့ စည်းရုံးလှုပ်ရှားသူတွေက ထုတ်လုပ်ထားတဲ့ ပစ္စည်းတွေကို မသုံးပဲ၊ သူတို့ ကိုယ်တိုင်က လိုအပ်တဲ့ ပစ္စည်းကိရိယာတွေကို ပြုလုပ်နိုင်ဖို့ နည်းလမ်းကို ဟာသတွေမှာ ဖေါ်ပြသွားမှာ ဖြစ်တယ်။

 

ပရိသတ်ကို ချဲ့ထွင်ခြင်း


စုပေါင်း စည်းရုံးလှုပ်ရှားမှုဟာ အရင်းအမြစ်တွေ ရရှိနိုင်တဲ့ အနေအထားအပေါ် မူတည်ပြီး အဆုံးအဖြတ် ပေးနိုင်တဲ့ အချက်တခု အဖြစ် အမြဲတမ်း တည်ရှိနေမှာ ဖြစ်တယ်။ သင့်ရဲ့ ဟာသတွေကို ပုံစံ အမျိုးမျိုးနဲ့ လုပ်လို့ ရတယ် - ဥပမာ အားဖြင့်၊ comics တွေကို ဒေသတွင်း သတင်းဌာနမှာ ပေးပို့နိုင်သလို၊ တချိန်ထဲမှာ လမ်းကြိုလမ်းကြားတွေမှာ လိုက်ကပ်နိုင်တယ်။ ဒီနည်းနဲ့ အရေးအခင်း အပေါ် လူထုရဲ့ အာရုံစူးစိုက်မှုကို အချိန်တိုလေး အတွင်းမှာ ရရှိနိုင်မှာ ဖြစ်တယ်။

 

နားလည်မှု တည်ဆောက်ခြင်း


အဖွဲ့အမျိုးမျိုးနဲ့ နိုင်ငံအမျိုးမျိုးတွေကနေ အောင်ခြေလူတန်းစား ဟာသတွေကို ခင်းကျင်းပြသနိုင်တယ် (သို့) ကြော်ငြာနိုင်တယ်၊ ဒီနည်းနဲ့ အဖွဲ့ တခုခုမှာ ရှိတဲ့အဖွဲ့ဝင် ဘယ်လောက်က သူတို့ရဲ့ ဘ၀ဇာတ်ကြောင်းကို ပြန်ပြီး သုံးသပ်ကြတယ်၊ သူတို့ရဲ့ အရေးကြီးဆုံး ပြဿနာက ဘာတွေဖြစ်တယ် ဆိုတာကို သိရှိလာနိုင်တယ်။ ဒီလို ခင်းကျင်းပြသမှုတွေနဲ့ ထုတ်ပြန်ကြော်ငြာမှုတွေကြောင့် သတင်း အချက်အလက်တွေကို ဒေသတွင်းမှာ ပို့ဆောင်ပေးလာနိုင်တယ်၊ ဒါပေမဲ့  အဓိက ရည်ရွယ်ထားတဲ့ ပရိသတ်တွေဆီ ရောက်ရှိနိုင်ဖို့ အခက်အခဲ ရှိနိုင်တယ်။ ဟာသတွေကို အဆင့်မြင့်မြင့် ပြုလုပ်ထားတာ မဟုတ်ပေမဲ့၊ သူတို့ ဖြစ်ချင်တဲ့ ဆန္ဒနဲ့ ယုံကြည်စိတ်ချမှုတွေကတော့ သူတို့ရဲ့ သတင်း စကားထဲကနေ ပေါ်ထွက်နေမှာ ဖြစ်တယ်။