ရိုက်ကူးခြင်း၊ တည်းဖြတ်ခြင်း

ရုပ်ရှင် ရိုက်ကူးခြင်း

ငွေကြေး ထောက်ပံ့မှု နည်းပါးတဲ့ ဗွီဒီယိုတွေဟာ ညံ့ဖျင်းတဲ့ ကင်မရာတွေကြောင့် ထိခိုက်ကြရတယ်။ လွယ်ကူတဲ့ နည်းပညာတချို့ကို သုံးပြီး ဗွီဒီယိုကို အလွယ်တကူ ကြည့်ရှုနိုင်တယ်။

ရိုက်ကူးခြင်း

  • လက်တဖက်နဲ့ ရိုက်ကူးခြင်း - ဒီနည်းကတော့ ကင်မရာကို လက်တဖက်နဲ့ ထိန်းထားပြီး ကျန်တဲ့ လက်တဖက်နဲ့ တံတောင်ဆစ်ကို ထောက်ထားဖို့ ဖြစ်တယ်။ တံတောင်ဆစ်ကို မိမိရဲ့ ကိုယ်ခန္ဓာ အနီးမှာ ကပ်ပြီး ထိန်းထားပါ၊ ဒီနည်းနဲ့ ကင်မရာကို အချိန် အတော်ကြာ ထိန်းထားနိုင်မှာ ဖြစ်တယ်။
  • လက်နှစ်ဖက်နဲ့ ရိုက်ကူးခြင်း - တခါတလေ ကင်မရာ တလုံးကို လက်နှစ်ဖက်နဲ့ ထိန်းထားတာ ပိုပြီး သက်တောင့် သက်သာ ရှိတယ်။ ကုတ်အားနဲ့ တည်ငြိမ်အား ကောင်းမွန်ဖို့ မိမိရဲ့ တံတောင်ဆစ်ကို ကိုယ်ခန္ဓာ အနီးကပ်မှာ ထိန်းထားပါ။
  • ဦးခေါင်း အထက်မှ ရိုက်ကူးခြင်း - အကယ်လို့ လူများတဲ့ အခမ်းအနားတွေကို ရိုက်ကူးမယ် ဆိုရင်၊ ကင်မရာကို မိမိရဲ့ ဦးခေါင်းအထက်မှာ ကိုင်ထားဖို့ လိုတယ်။ အကယ်လို့ သင့်ကင်မရာမှာ ဆုံလည် မြင်ကွင်းပေါက်တခု ပါရှိရင်တော့ ပြဿနာ မရှိဘူး၊ ဒါပေမဲ့ သင့်ရဲ့ ကင်မရာမှာ ချိန်ညှိလို့ရတဲ့ မြင်ကွင်းပေါက် ပါမလာရင်တော့၊ အများကြီး လေ့ကျင့်ယူ ရအုံးမှာ ဖြစ်တယ်။
  • ကင်မရာကို တည်ငြိမ်အောင် ထိန်းခြင်း - ရိုက်ချက်တွေကို တည်ငြိမ်စေမဲ့ အဆောက်အဦး (သို့) သဘာဝ မျက်နှာပြင်တွေကို ရှာပါ။ အုတ်နံရံတွေကို မှီထားတာ ကောင်းတယ်၊ အကယ်လို့ သုံးချောင်းထောက်ကို အသုံးပြုနိုင်မယ် ဆိုရင်၊ သင့်ရဲ့ ရိုက်ချက်တွေကို ပိုပြီး တည်ငြိမ်စေမှာ ဖြစ်တယ်။
  • ဗွီဒီယို ဘလော့ဂ် ပုံစံ တွေ့ဆုံမေးမြန်းခြင်း - အကယ်လို့ ကင်မရာငယ်လေး တလုံးကို အသုံးပြုတယ် ဆိုရင်၊ အဲဒါကို ကိုင်ထားပြီး၊ သင့်ဖက်လှည့်ကာ မျက်နှာမူစေပါ၊ သင်နဲ့ တွေ့ဆုံမေးမြန်းမဲ့ ပုဂ္ဂိုလ်ကို စတင်ရိုက်လိုက်ပါ။ ဒီနည်းပညာဟာ ခက်ခဲပြီး လေ့ကျင့်မှု လိုအပ်တယ်။
  • ဆက်လက် ရိုက်ကူးခြင်း - လိုအပ်တာထက် ပိုပြီး ရိုက်ကူးတာ ပိုကောင်းတယ်၊ ဘာကြောင့်လဲ ဆိုတော့ သင် တည်းဖြတ်တဲ့အခါ စိတ်ကြိုက် ရွေးချယ်လို့ရတယ်။ ရိုက်ချက် တခုနဲ့ တခုကြားမှာ အနည်းဆုံး ဆယ်စက္ကန့်စီ ခြားထားပါ။
  • Zoom ဆွဲခြင်း - အလွန်အကြွံ Zoom ဆွဲရိုက်တာတို့၊ လှည့်ရိုက်တာတို့ဆိုဟာ ပွဲကြည့် ပရိသတ်တွေကို အနှောင့်အယှက် ဖြစ်စေတယ်။ ဒစ်ဂျစ်တယ် ကင်မရာရဲ့ Zoom feature ကို ပိတ်ထားဖို့ ကျွန်တော်တို့ အကြံပေးလိုတယ်။ ဘာကြောင့်လဲ ဆိုတော့ တခါတလေ အင်တာနက် ဗွီဒီယိုကို ၀င်းဒိုးငယ်လေးကနေ အာရုံစိုက်ပြီး ကြည့်နေရလို့ ဖြစ်တယ်။ တချို့ ဒစ်ဂျစ်တယ် ကင်မရာတွေနဲ့ ဖုန်းတွေဟာ Zoom ကို အသုံးပြုတဲ့အခါ ရုပ်ပုံရဲ့ အရည်အသွေးကို ညံ့ဖျင်းစေတယ်။
  • လက်တွန်းလှည်း အသုံးပြုခြင်း - အရာဝတ္တူ တခုခုကို ချိန်ထားတဲ့အချိန်မှာရ ကင်မရာကို ရွေ့ရိုက်လိုက်တာ ဖြစ်တယ်။ ဘီးတပ်ကုလားထိုင်တွေ၊ ကားတွေ၊ စကိတ်လျှောပြားတွေ၊ သုံးဘီး ဆိုင်ကယ်တွေ၊ (သို့) ဘီးပါတဲ့အရာ တခုခုကို အသုံးပြုဖို့ ကျွန်တော်တို့ အကြံပြုလိုတယ်။ ယာဉ် (သို့) အရာဝတ္ထူ အပေါ်မှာ ကင်မရာ ရိုက်ကူးမဲ့သူကို ထိုင်ခိုင်းပြီး တယောက်ယောက်က တွန်းပေးဖို့ ဖြစ်တယ်။

ကြုံတွေ့ရတတ်တဲ့ အမှားများ

  • ရိုက်ချက် များသွားတာတို့၊ မဆိုင်တဲ့ အရာဝတ္ထူတွေကို ရိုက်နေတာတို့ ပါဝင်တယ် - စတင် မရိုက်ကူးခင် သင် ရိုက်ကူးချင်တဲ့ အရာဝတ္ထူကို အတိအကျ ထားရှိပြီး ရှင်းရှင်းလင်းလင်း လုပ်ထားပါ။
  • အသံကို ဂရုမစိုက်ခြင်း - ဆိုးဆိုးရွားရွား ရိုက်ကူးချက် (သို့) အသံ ရောစပ်မှု ညံ့ဖျင်းမှုတွေကြောင့် အလွန်ကောင်းမွန်တဲ့ ဗွီဒီယိုတွေကို ပျက်စီးစေနိုင်တယ်။ အကယ်လို့ တက်နိုင်တယ် ဆိုရင် ပြင်ပ မိုက်ခရိုဖုန်း တခုခုကို အသုံးပြုပါ၊ သင့်ရဲ့ နောက်ဆုံး တည်းဖြတ်မှုကို မထုတ်ပြန်ခင် အသံ အနိမ့်အမြင့်တွေကို စစ်ဆေးပါ။
  • လိုအပ်တဲ့ ပစ္စည်းကိရိယာ မရှိခြင်း - ဖြစ်နိုင်ရင် ရိုက်ကူးမှု မစတင်ခင်၊ သင့်မှာ လိုအပ်တဲ့ ပစ္စည်းတွေ အားလုံး စုံလင်မှု ရှိမရှိ စစ်ဆေးပါ - အကယ်လို့ လိုအပ်တယ် ဆိုရင် အစားထိုးမဲ့ ပစ္စည်းတွေကို ရယူဖို့ အချိန် ပေးနိုင်ဖို့ ဖြစ်တယ်။ ကင်မရာနဲ့ မိုက်ခရိုဖုန်းတွေ ကောင်းကောင်း အလုပ် လုပ်မလုပ်၊ ဘက်ထရီတွေ အားပြည့် မပြည့်၊ လိုအပ်တဲ့ ကေဘယ်လ်ကြိုးတွေ ကင်မရာအိတ်ထဲမှာ ပါမပါ စစ်ဆေးပါ၊

ဘက်ထရီများနဲ့ တိပ်ခွေများ

  • အကယ်လို့ ဖြစ်နိုင်ရင်၊ သင် အသုံးပြုနေတဲ့ ကင်မရာနဲ့ မိုက်ခရိုဖုန်းအတွက် အားဖြည့်ထားတဲ့ ဘက်ထရီ အပို အနည်းဆုံး တခု၊ အားသွင်းကိရိယာ တခုကို ဆောင်ထားပါ။
  • ဘက်ထရီတွေကို အချိန်တိုင်း အားသွင်းထားပါ။
  • အကယ်လို့ နိုင်ငံခြားမှာ ရုပ်ရှင်သွားရိုက်ကူးဖို့ ခရီးထွက်မယ် ဆိုရင်၊ အားသွင်းတဲ့ ကိရိယာအတွက် လိုအပ်တဲ့ plug adaptors တွေကို ယူသွားပါ။
  • တိပ်ခွေတွေကို တတ်နိုင်သလောက် များများ ယူသွားပါ။ အရေးကြီးတဲ့ ရုပ်ရှင်ကား တခုခုကို ရိုက်ကူးရင်း တန်းလန်းနဲ့ တိပ်ခွေ ကုန်သွားတာမျိုး မဖြစ်စေဖို့ ဖြစ်တယ်။
  • DV တိပ်ခွေထဲက ပထမဆုံးနဲ့ နောက်ဆုံး မိနစ်အချိန်လေးကို အသုံးမပြုပဲ ချန်ထားပါ။
  • ရုပ်ရှင်ကားထဲမှာ ‘time code breaks’ ကို ရှောင်ပါ၊ ပစ္စည်း ကိရိယာကို ရိုက်မိရင် ပိုဆိုးသွားနိုင်တယ်။ ရိုက်ကွင်းထဲမှာ ရှိနေတဲ့ အချိန်မှာ သင်ရိုက်ကူးနေတဲ့ ရုပ်ရှင်ကားကို ပြန်မကြည့်ချင်ရင်တော့ အလွယ်ကူဆုံးနည်း ဖြစ်တယ်။
  • ဗွီဒီယိုတိပ် ပြည့်သွားတာနဲ့၊ အထဲမှာ ရှိတဲ့ အကြောင်းအရာ အကျဉ်းချုံးကို နေ့စွဲနဲ့တကွ ရှင်းရှင်းလင်းလင်း ရေးမှတ်ထားပါ။ တိပ်ခွေ တခွေ (သို့) ဓါတ်ပြား တပြားအထက် ပိုအသုံးပြုတယ် ဆိုရင် အဲဒီ တိပ်ခွေကို သင့်ရဲ့ ပရိုဂျက် နာမည်အလိုက် (သို့) ကုဒ်စာလုံးနဲ့ အစဉ်လိုက် နံပါတ်နဲ့ ရေးမှတ်ပါ။
  • တိပ်ခွေတွေကို လုံခြုံတဲ့နေရာ၊ ခြောက်သွေ့တဲ့နေရာ၊ သံလိုက်စက်ကွင်းနဲ့ ကင်းလွတ်တဲ့နေရာ၊ နေရောင် တိုက်ရိုက် မကျနိုင်တဲ့ နေရာမှာ သိမ်းထားပါ။
  • အချိန်ပေးနိုင်ရင် တိတ်ခွေတွေ (သို့) ဓါတ်ပြားတွေကို မိတ္တူ ပွားပြီး အကြောင်းအရာ တခုခုရဲ့ မူရင်းတခုခု ဖြစ်တယ်ဆိုရင် လုံလုံခြုံခြုံနဲ့ တခြားနေရာ တခုခုမှာ သိမ်းထားပါ။
  • ဗွီဒီယို ပစ္စည်းကိရိယာတွေ အားလုံးကို ခိုင်ခံ့ပြီး ရေစိုခံတဲ့ အိတ်ထဲမှာ သိမ်းထားပါ။ ရိုက်ကူးထားပြီးသား တိပ်ခွေတွေကို အကယ်လို့ ကင်မရာ အခိုးခံရရင် ပါမသွားအောင် သီးခြား သိမ်းထားပါ၊ သူခိုးတွေက သင့်ရဲ့ ပစ္စည်းတွေကို စိတ်မ၀င်စားဘူး၊ ဒါပေမဲ့ အာမခံထားတဲ့ ကင်မရာ တလုံးနဲ့တော့ နှိုင်းယှဉ်လို့ မတူဘူး၊ ရုပ်ရှင်ကားကို ဘာနဲ့မှ အစားထိုးလို့ မရဘူး။
  • တိပ်တွေကို မလိုအပ်ပဲ မရစ်ပါနဲ့။

အသံနဲ့ အလင်းပေးခြင်း

အသံရဲ့ အရည်အသွေးဟာ တခါတလေ မြင်ကွင်းတွေထက် သိပ်အရေးမကြီးသလို ထင်ရပေမဲ့၊ အတွေ့အကြုံရှိတဲ့ ဗွီဒီယို ရိုက်ကူးရေး သမားတွေကတော့ သဘောတူကြမှာ မဟုတ်ဘူး။ အသံမကောင်းရင် ကြီးကျယ်တဲ့ ထုတ်လုပ်မှုကို ထိခိုက်စေနိုင်တယ်။ အသံ အကြောင်း အသေးစိတ်နဲ့ အသံသွင်းယူပုံကို အသံ အခန်းထဲမှာ လေ့လာပါ။ (ဆက်လက် ဖတ်ရှုရန်)

အသံအကြောင်း သိကောင်းစရာများ

  • ကောင်းတဲ့အသံကို ရွေးချယ်ပါ - မိုက်ခရိုဖုန်းကို သင် ဖမ်းယူလိုတဲ့ အသံ အရင်းအမြစ် ရှိတဲ့ နေရာဆီ အတတ်နိုင်ဆုံး အနီးကပ်ထားပါ။ အကယ်လို့  မိုက်ခရိုက်ဖုန်းကို ကင်မရာနဲ့ တွဲဖတ်ထားမယ် ဆိုရင်၊ ကိရိယာအားလုံးကို အနီးကပ်ထားပါ။
  • လက်ကိုင် (သို့) ပြင်ပ မိုက်ခရိုဖုန်းများ - ပြင်ပ မိုက်ခရိုဖုန်း တခုခုကို အသုံးပြုတဲ့အခါ၊ နားကြပ်ကို ကင်မရာနဲ့ တွဲထားပါ။ အကယ်လို့ မိုက်ခရိုဖုန်းနဲ့ ဆက်သွယ်ထားတဲ့ ကိရိယာတွေ တခုခုဖြစ်သွားရင်၊ ဖြေရှင်းဖို့ နောက်မကျသေးခင် နားကြပ်ကနေ ဆက်လက် ကြားနိုင်မှာ ဖြစ်တယ်။
  • အကောင်းဆုံး အသံရရှိအောင် လုပ်ဆောင်ပါ - ဖမ်းယူလိုတဲ့ အသံကို သိရှိပြီးပြီဆိုရင် အဲဒီ အသံကိုပဲ အတတ်နိုင်ဆုံး အာရုံပြုပါ။ သင် လိုချင်တဲ့ အကြောင်းအရာကို မလိုလားအပ်တဲ့ အသံဗလံတွေနဲ့ မရောမိစေဖို့ ဖယ်ထုတ်လိုက်ပါ။

အလင်းပေးခြင်း အကြောင်း သိကောင်းစရာများ

  • ပြင်ပမှာ ရိုက်ကူးခြင်း - အများအားဖြင့်၊ နေရောင်ကို ကင်မရာရဲ့ နောက်ကျောဖက်မှာ ထားပြီး သင် ရိုက်ကူးနေတဲ့ အရာဝတ္ထူအပေါ် နေရောင် ကျရောက်နေဖုိ့ လိုတယ်။ ဖြစ်နိုင်ရင် မွန်းတည့် နေပူချိန်မှာ၊ အရိပ်တွေ ကျရောက်နိုင်တဲ့အတွက်၊ အဲဒီ အချိန်မှာ ရိုက်ကူးတာတွေ မလုပ်တာ ကောင်းတယ်။ မွန်းတည့်အချိန်မှာ လုံးဝ အရိပ်ကျတဲ့ နေရာမှာ၊ အဖြူရောင် ကတ်ထူပြားနဲ့ အလင်းပေးနိုင်တဲ့ နေရာတွေမှာ၊ တခြား ရောင်ပြန်ဟပ်တဲ့ ပစ္စည်းတွေနဲ့ ရိုက်ကူးနိုင်တယ်။ ပြင်ပမှာ အလင်းပေးတာကို မနက်ပိုင်း (သို့) ညနေပိုင်းအတွက် သင့်တော်တယ်။ အလင်းရောင်ဟာ အချိန်ကြာလာတာနဲ့ တပုံစံထဲ ဖြစ်လာမှာ မဟုတ်ဘူး၊ နောက်ဆုံးမှာ မှောင်လွန်းတာတို့ (သို့) အလင်းရောင် များလွန်းတာတို့ ဖြစ်လာနိုင်တယ်။ မိုးအုံ့တဲ့ နေ့တွေဟာ အလင်းပေးဖို့အတွက် အကောင်းဆုံး အချိန်ဖြစ်တယ်။
  • အမိုးအောက် ရိုက်ကူးခြင်း - ပြုတင်းပေါက်ကနေ ၀င်လာတဲ့ နေရောင်ဖြစ်ဖြစ် (သို့) မီးအိမ် ဖြစ်ဖြစ်၊ ကင်မရာရဲ့ အနောက်ဖက်မှာ ထားပြီး ရိုက်ကူးချင်တဲ့ အရာဝတ္ထူ အပေါ်မှာ အလင်းရောင် ကောင်းကောင်း ကျရောက်ဖို့ ပြင်ထားပါ။ အကယ်လို့ လူလုပ်တဲ့ အလင်းရောင်ကိုပဲ အသုံးပြုမယ် ဆိုရင်၊ အလင်းရောင်တွေကို အတတ်နိုင်ဆုံး များများ ရနိုင်အောင် လုပ်ပါ - ပိုပြီး ကြည့်လို့ ကောင်းအောင် အရာဝတ္ထူနဲ့ အလင်းရောင်ကို ခပ်လှမ်းလှမ်းလေး ခြားပေးပါ။

တည်းဖြတ်ခြင်း

ရုပ်ရှင်ကားကို ရိုက်ကူးပြီးတာနဲ့ တည်းဖြတ်ရမှာ ဖြစ်တယ်။

ရုပ်ရှင်ကားကို အမှတ်အသား လုပ်ပြီး မှတ်တမ်းထားခြင်း

ပစ္စည်းအားလုံးကို မှတ်တမ်းတင်ထားပြီး အကျွမ်းတ၀င် ရှိထားဖို့ဟာ ဗွီဒီယို ကောင်းတခု ထုတ်လုပ်တဲ့ နေရာမှာ ပထမဆုံး အဆင့် ဖြစ်တယ်။ ရိုက်ကူးခဲ့တဲ့ အရာတွေ အားလုံးကို စုစည်းပြီး အမှတ်အသား လုပ်ပါ၊ အားလုံးဟာ သင် ဖြစ်စေချင်တဲ့ format အတိုင်း ထားရှိဖို့ လိုတယ်။ ပစ္စည်း တခုခုကို သင် လိုချင်တဲ့အခါ အလွယ်တကူ ရှာတွေ့နိုင်အောင် မှတ်တမ်း လုပ်ထားပါ။

ဘယ်လို ပုံစံနဲ့ မှတ်တမ်းတင်မလဲ -
တိပ်ခွေတွေကို ကြည့်ပြီး ကော်လံ သုံးခုခွဲ မှတ်စု ရေးမှတ်ပါ -
 
  • ရိုက်ကူးချက် အစနဲ့ အဆုံးကို အချိန်ကုဒ် သတ်မှတ်ချက်
  • ဖန်သားပြင်နဲ့ အသံတွေမှာ ဖြစ်ပျက်နေတဲ့ အကြောင်းအရာ
  • မှတ်ချက် တခုခု - ဥပမာ အားဖြင့် - ရိုက်ချက်ကို သုံးစွဲဖို့ သင့် မသင့်၊ အသံ ဆိုးရွား နေသလား၊ စသဖြင့်။

မှတ်တမ်းကို ပုံစံအမျိုးမျိုး လုပ်၊ နေရာချပြီးတဲ့အခါ၊ သင့်ရဲ့ ပစ္စည်းကိရိယာတွေကို အသေးစိတ် မှတ်တမ်း လုပ်လိုက်ပါ၊ ဒါပေမဲ့ သင် ဘာကိုပဲ လုပ်လုပ် တစ်သမတ်တည်း ရှိဖို့ လိုတယ်၊ စာမျက်နှာ (ပြကွက်) တခုစီကို ရှင်းရှင်းလင်းလင်း ရေးမှတ်ပါ။

တည်းဖြတ်တဲ့ အစီအစဉ်

ရုပ်ရှင်ကားကို ရိုက်ကူးထားပြီ မှတ်တမ်းတင်လိုက်ပြီ ဆိုရင်၊ သင့်ရဲ့ သတင်းစကားကို ပေါ်လွင်စေဖို့ အဓိက အစိတ်အပိုင်းတွေကို ရွေးချယ်ပြီး အစီအစဉ်အလိုက် ချထားပါ။ အကယ်လို့ သတင်းနဲ့ပါတ်သက်တဲ့ အစိတ်အပိုင်း တခုခုကို ဖန်တီးနေတယ် ဆိုရင်၊ ရုပ်ရှင်ကားရဲ့ အစပိုင်းမှာ 'ဘယ်သူဘယ်ဝါ၊ ဘာအကြောင်းအရာ၊ ဘယ်နေရာဒေသ၊ ဘယ်အချိန်နာရီမှာ၊ ဘာကြောင့် လုပ်ရတယ်' စတာတွေကို ထည့်သွင်းပါ။ ဇာတ်ကြောင်းကို ချောမွေ့စေဖို့ တေးဂီတ၊ ရုပ်ပုံတွေ၊ transitions တွေကို ထည့်ပေးပြီး ကြည့်ရှုတဲ့အခါ ကြည့်ချင်စဖွယ် ဖြစ်အောင် လုပ်ဆောင်ပါ။ အကယ်လို့ သင့်မှာ 'paper edit' လို့ခေါ်တဲ့ ရှင်းလင်း ပြတ်သားတဲ့ အစီအစဉ် ရှိထားတယ် ဆိုရင်၊ လုပ်ငန်း မစခင်ကတည်းက၊ လုပ်ငန်း တလျှောက်လုံးမှာ ပိုမိုကောင်းမွန်တဲ့ ဆုံးဖြတ်ချက်တွေကို သင် ချမှတ်လို့ ရမှာ ဖြစ်တယ်။

အခြေခံ တည်းဖြတ်ခြင်း

တည်းဖြတ်မှု စစချင်း၊ အခြေခံကျတဲ့ ဖြတ်တောက်မှုတွေ ဖြစ်တဲ့ - ရုပ်ရှင်ကားကို ပြန်စီတာ၊ အစနဲ့ အဆုံးပိုင်းမှာ ရှိတဲ့ အသုံးမ၀င်တဲ့ အရာတွေကို ဖြတ်ထုတ်တာ၊ ရိုးရိုး ခေါင်းစဉ်တွေနဲ့ transitions တွေကို ထည့်သွင်းတာ- စတာတွေကို လုပ်ဆောင်ပါ။ ကွန်ပျူတာ operating system မှာ အခမဲ့ ပါလာတဲ့ အခြေခံ တည်းဖြတ်ရေး ကိရိယာတွေကို အသုံးပြုပြီး ဒီအလုပ်တွေကို ကောင်းကောင်း လုပ်ဆောင်နိုင်တယ်။

Windows မှာ Windows Movie Maker ရှိတယ်၊ Mac မှာ iMovie ရှိတယ်။ နှစ်ခုစလုံးမှာ နားလည်ဖို့ လွယ်ကူတဲ့ 'သုံးစွဲနည်း' လမ်းညွှန်ချက်တွေ ပါရှိတယ်။ Linux မှာတော့ ပွင့်လင်းတဲ့ အရင်းအမြစ် Kdenlive  ကို အသုံးပြုဖို့ အကြံပြုလိုတယ်၊ ဒါပေမဲ့ အသုံးပြုဖို့ features တွေ များများစားစားတော့ မဟုတ်ဘူး

ခေါင်းစဉ်တွေကို အများကြီး ထည့်မယ် ဆိုရင်၊ တည်းဖြတ်နေတဲ့ အတောအတွင်း ခေါင်းစဉ်ငယ်လေးတွေကို image ထဲမှာ တခါထဲ 'burn' လုပ်လိုက်တာထက်၊ တည်းဖြတ်မှု ပြီးသွားတဲ့အခါ ခေါင်းစဉ်နဲ့ ဆိုင်တဲ့ ဆော့ဗ်ဝဲကို သုံးပြီး ဒစ်ဂျစ်တယ် ခေါင်းစဉ်ငယ် ဖိုင်တွေကို သီးခြား ဖန်တီးတာ ပိုပြီး အသုံးဝင်တယ် - ဒါမှမဟုတ်ရင် တခြား ဘာသာစကားတွေကို တချိန်လုံး ခေါင်းစဉ်လေးတွေ တပ်ပေးနေရမှာ ဖြစ်တယ် (ဗွီဒီယို ဘာသာပြန်ဆိုခြင်း ဆက်လက် ဖတ်ရှုရန်)။

အဆင့်မြင့် တည်းဖြတ်ခြင်း

Non-linear တည်းဖြတ်ရေး ကိရိယာအစုံဟာ ရှုပ်ထွေးပြီး Windows နဲ့ Mac တွေမှာ အသင့် ပါလာတဲ့ အခြေခံ တည်းဖြတ်ရေး ကိရိယာတွေထက် ဈေးနှုန်းကြီးမြင့်နေတယ်။ အကယ်လို့ multi-track တည်းဖြတ်မှုတွေ၊ ပိုမို ရှုပ်ထွေးတဲ့ ခေါင်းစဉ်တွေ (သို့) အထူး effects တွေကို ထည့်သွင်းမယ် ဆိုရင် non-linear တည်းဖြတ်ရေး ဆော့ဗ်ဝဲကို အသုံးပြုပါ။ Options ထဲမှာ ပါဝင်တဲ့ အချက်တွေကတော့ -
 
  • Macintosh (သို့) Windows အတွက် Adobe Premiere Pro ဆော့ဗ်ဝဲ
  • Macintos အတွက် Final Cut ဆော့ဗ်ဝဲ
  • Windows အတွက် Sony Vegas ဆော့ဗ်ဝဲ
  • Linux အတွက် Cinelerra ဆော့ဗ်ဝဲ (အခုမှ စသုံးမဲ့ သူတွေကိုတော့ အားမပေးဘူး၊ ဒါပေမဲ့ အခမဲ့ပြီး ပွင့်လင်းတဲ့ အရင်းအမြစ် ဖြစ်တယ်)

မှတ်သားထားရမဲ့ အချက်များ

  • လိုရင်းတိုရှင်း ဖြစ်ပါစေ - ရုပ်ရှင် တည်းဖြတ်တဲ့ လူသစ်တွေရဲ့ အဓိက အကျဆုံး ပြဿနာကတော့ ဘယ်အပိုင်းကိုမှ ချိန်မထားလိုတဲ့ အဖြစ် ဖြစ်တယ်။ အပိုတွေကို ဖြတ်ထုတ်တဲ့အခါ အကူအညီတောင်းဖို့ ၀န်မလေးပါနဲ့။ ညံ့ဖျင်းတဲ့ ရုပ်ရှင်ကား၊ နားမလည်နိုင်တဲ့ ဟောပြောချက်၊ ထပ်ခါတလဲလဲ ဖြစ်ပြီး အားရုံပျက်စေ (သို့) မဆီလျှော်တဲ့ အသံတွေနဲ့ ရုပ်ပုံတွေကို ရှောင်ပါ။ သင့်ရဲ့ ဗွီဒီယိုဟာ စိတ်ဝင်စားစရာ ကောင်းပြီး ဆွဲဆောင်မှု ရှိလာအောင် လုပ်ဆောင်နိုင်ဖို့ ပထမဦးဆုံး ပရိုဂျက်တိုလေး တကားကို စတင် ဖန်တီးပါ။
  • ပုံပြင်တပုဒ် ပြောပြပါ - သင်ဟာ ဆောင်းပါး၊ စာတမ်း၊ (သို့) ပန်းချီ အစိတ်အပိုင်း တခုခုကို တင်ပြတော့မယ် ဆိုရင် သင့်ရဲ့ ပွဲကြည့်ပရိသတ်ကို ဆွဲဆောင်နိုင်တဲ့ ပုံပြင်တပုဒ် ပြောပြပါ။
  • Effects တွေကို အလွန်အကျွံ့ မသုံးပါနဲ့ - ဗွီဒီယို ကားကောင်း တခုဟာ effects တွေကြောင့် ပျက်သွားနိုင်တယ်။ လိုအပ်တဲ့ နေရာမှာ၊ ရုပ်ပုံတွေ၊ အသံတွေနဲ့ လူကိုယ်တိုင်က အဖြစ်အပျက်ကို ပြောပြနိုင်တယ်။
  • တီထွင်ကြံဆပါ - သင့် အစိတ်အပိုင်းရဲ့ စည်းချက်အကြောင်းကို စဉ်းစားပါ။ ဟောပြောတဲ့ အချိန်မှာ ခဏလေး နားလိုက်တာဟာ ပရိသတ်ထုကို အရေးကြီးတဲ့ အချက်အလက်အပေါ် အာရုံစူးစိုက်လာစေပြီး ထူးခြားတဲ့ ရုပ်ရှင်ကား (သို့) ဟာသပြက်လုံးကို သဘောကျစေမှာ ဖြစ်တယ်။
  • စိတ်ရှည်ပါစေ - အကယ်လို့ တည်းဖြတ်တဲ့ လုပ်ငန်း နှေးကွေးနေရင် စိတ်မပျက်ပါနဲ့။ အချိန် အတော်ကြာ လုပ်ယူရမှာ ဖြစ်တယ်၊ ဒါပေမဲ့ အတွေ့အကြုံ ရလာတာနဲ့ ပိုပြီး လွယ်ကူလာမှာ ဖြစ်တယ်။
 

မှတ်ချက် တောင်းခံခြင်း

ဗွီဒီယိုကို အကြမ်းဖျင်း ဖြတ်တောက်ပြီးတာနဲ့၊ ရည်ရွယ်ထားတဲ့ ပရိသတ်ထုရဲ့ ရှုထောင့်ကနေ ကြည့်ကြည့်လိုက်ပါ။ သင်ရည်ရွယ်ထားတဲ့ လူတချို့ ရှေ့မှာ အစမ်း ပြပေးလိုက်ပါ၊ နောက်ဆုံး ဗားရှင်းကို ပိုကောင်းလာအောင် ဗွီဒီယိုနဲ့ ပါတ်သက်တဲ့ ဆွေးနွေးမှု ပြုလုပ်ဖို့ အခွင့်အရေး ပေးပါ၊ မှတ်ချက်တွေကို စုဆောင်းထားပါ။

သင်ကိုယ်တိုင်နဲ့ စမ်းသပ်ခံတဲ့ ပရိသတ်အတွက် မေးခွန်းများ -

  • ဘာသာစကားကို လူတိုင်းက နားလည်ကြသလား။
  • ပုဂ္ဂိုလ် တယောက်ယောက် ပြောတဲ့ မိန့်ခွန်းမှာ စာတမ်းထိုးဖို့ လိုသလား။
  • သတင်း အချက်အလက်တွေ များလွန်းနေသလား၊ (သို့) နည်းလွန်းသလား။
  • ဘာတွေ ဖြစ်ပျက်နေတယ် ဆိုတာ ပရိသတ်တွေက နားလည်နိုင်သလား ('ဘယ်သူဘယ်ဝါ၊ ဘာအကြောင်းအရာ၊ ဘယ်နေရာဒေသ၊ ဘယ်အချိန်နာရီမှာ၊ ဘာကြောင့် လုပ်ရတယ်' စသဖြင့်)။
  • လူထုရဲ့ အာရုံကို ဆွဲဆောင်နိုင်သလား။
  • လူတွေကို ရယ်မောစေသလား။ ဘယ်အချက်မှာ ရယ်နေကြသလဲ။
  • အရေးတကြီး ထည့်သွင်းရမဲ့ အချက်အလက် ကျန်သေးသလား။
  • လူတွေကို တက်ကြွလှုပ်ရှားမှုမှာ ပါဝင်လာအောင် လှုံ့ဆော်ပေးနိုင်မလား။
  • ဘယ်နေရာမှာ ဆက်လက် လေ့လာရမယ် ဆိုတာ သူတို့ သိကြသလား။