နည်းဗျူဟာ ပုံစံထုတ်ခြင်း

ကိုယ်ပိုင် မီဒီယာကို ဖန်တီးတာ၊ ဖြန့်ဖြူးတာ၊ သူ့ရဲ့ သက်ရောက်မှုကို စောင့်ကြည့်တာတွေဟာ အချိန်အများကြီး ပေးရမှာ ဖြစ်ပြီး၊ စနစ်တကျ စီမံခန့်ခွဲတာ၊ ဂရုတစိုက် အစီအစဉ်ချမှတ်တာ မရှိရင် ရှုပ်ထွေးမှုတွေနဲ့ ၀န်ထုပ်ဝန်ပိုး ဖြစ်လာစေနိုင်တယ်။ မီဒီယာ အတွက် နည်းဗျူဟာ တခုကို စီစဉ်ဖန်တီးတာဟာ သင့်အတွက် အထောက်အကူ ဖြစ်လာစေမှာ ဖြစ်ပြီး၊ စည်းရုံးလှုံ့ဆော်ရေး (သို့) ပရိုဂျက် တခုလုံးမှာ ပါဝင်လာတဲ့ လူထုတွေ၊ အုပ်စုတစုနဲ့ လက်တွဲ အလုပ်လုပ်ခြင်းဖြင့် အောင်မြင်မှု အရှိဆုံး ဖြစ်လာနိုင်တယ်။

အောက်ပါ အပိုင်းတွေမှာ မီဒီယာ နည်းဗျူဟာဆိုင်ရာ မှတ်တမ်းမှတ်ရာ ဖန်တီးမှု လုပ်ငန်းစဉ်ကို ရိုးရိုး အဆင့်လေးတွေနဲ့ အပိုင်းလိုက် ခွဲခြားထားတယ်။ အကယ်လို့ စည်းရုံးလှုံ့ဆော်ရေး နည်းဗျူဟာ တခုလုံးနဲ့ ဆိုင်တဲ့ မှတ်တမ်းမှတ်ရာတွေဟာ သင့်ဆီမှာ ရှိထားပြီးသားဆိုရင်၊ လိုအပ်တဲ့အဆင့် တချို့ကို လုပ်ထားပြီးသား ဖြစ်နေလိမ့်မယ်၊ နည်းဗျူဟာဆိုင်ရာ မှတ်တမ်းမှတ်ရာ တခုလုံးကို မီဒီယာ ဆိုင်ရာ နည်းဗျူဟာထဲမှာ ထည့်သွင်း အသုံးပြုနိုင်တယ်။

ပန်းတိုင်ကို ဖေါ်ပြပါ

စည်းရုံးလှုံ့ဆော်ရေး ပရိုဂျက်ကနေ ဘယ်လို အောင်မြင်မှုမျိုးကို ရရှိလိုသလဲ။ ယေဘုယျ ကျတဲ့ အယူအဆ ရှိရုံနဲ့ မလုံလောက်သေးဘူး။ ပန်းတိုင်တွေဟာ တိကျမှု ရှိရမယ်၊ ဒါမှသာ လုပ်ဆောင်သွားမဲ့ လုပ်ငန်းမှာ လမ်းညွှန်မှု ပေးနိုင်မှာ ဖြစ်တယ်။ အကယ်လို့ စည်းရုံးလှုံ့ဆော်ရေးနဲ့ သက်ဆိုင်တဲ့ ပန်းတိုင်တွေကို ချမှတ်ထားပြီ ဆိုရင်၊ သင့်ရဲ့ မီဒီယာကို သြဇာလွှမ်းမိုးနိုင်တဲ့ နေရာမှာ အသုံးပြုရမှာ ဖြစ်တယ်။ ပန်းတိုင်တွေကို မချမှတ်သေးဘူး ဆိုရင် မီဒီယာကို မဖန်တီးခင်၊ အဲဒီ ပန်းတိုင်တွေကို အလျင် ချမှတ်ဖို့ အရေးကြီးတယ်။

ပန်းတိုင်တွေဟာ တိကျမှု ရှိရပါမယ်။ ဥပမာအားဖြင့်၊ ‘ဒီနိုင်ငံမှာ နေထိုင်ကြတဲ့ အမျိုးသားတွေကို အိမ်တွင်း အကြမ်းဖက်မှုဟာ ပြစ်မှု မြောက်တဲ့အကြောင်း ကျွန်ပ်တို့ သိစေချင်တယ်’၊ ‘ဒီနိုင်ငံရဲ့ အိမ်တွင်း အကြမ်းဖက်မှုနှုန်း သိသိသာသာ လျှော့ကျသွားတာကို ကျွန်ပ်တို့ လိုလားတယ်’၊ ‘အိမ်တွင်း အကြမ်းဖက်မှု ဥပဒေတွေကို မလိုက်နာတဲ့ ရဲအရာရှိတွေကို ဥပဒေ ချိုးဖောက်သူအဖြစ် ကျွန်ပ်တို့ တရားစွဲဆို လိုတယ်’ စတာတွေ ပါဝင်နိုင်တယ်။ စည်းရုံးလှုံ့ဆော်ရေး/ ပရိုဂျက်ရဲ့ ပန်းတိုင်တခုစီဟာ ရှင်းလင်းပြတ်သားမှု ရှိရမယ်၊ ဘာကြောင့်လဲ ဆိုရင်၊ အဲဒါတွေကို မီဒီယာ ထုတ်ပြန်ရာမှာ အသုံးပြုသွားမှာ ဖြစ်တယ်။

အဆိုပြုချက်နဲ့ သက်ဆိုင်တဲ့ ထုတ်ပြန် ကြော်ငြာချက် တခုကို ဖန်တီးပါ

မီဒီယာ အသုံးချတဲ့ နည်းဗျူဟာ တခုကို ဖန်တီးတဲ့နေရာမှာ ပါဝင်တဲ့ အဆင့် နောက်တခု ကတော့ ပြဿနာကို အနက်ဖွင့်ဆိုဖို့ ဖြစ်တယ်။ ဘာပြဿနာတွေ ဖြစ်ပျက်နေသလဲ၊ ဘယ်လို ဖြေရှင်းမလဲ။ ပြဿနာ အကြောင်းကို စာကြောင်း တကြောင်း၊ နှစ်ကြောင်းနဲ့ လိုရင်းတိုရှင်း ဖေါ်ပြနိုင်ရမယ်။ ဒီထုတ်ပြန်ချက်ကို မှန်မှန်ကန်ကန် ရရှိနိုင်ဖို့ ဆက်လက် လုပ်ဆောင်ရမှာ ဖြစ်တယ် - မီဒီယာ နည်းဗျူဟာကို အချိန်နဲ့ တပြေးညီ ဖန်တီးရေးဆွဲနေတဲ့ အချိန်မှာ အပြောင်းအလဲလေးတွေကို လုပ်ဖို့ လိုအပ်လာနိုင်တယ်။ ပြဿနာက ဘယ်ဟာလဲ၊ အဲဒါကို ဘယ်လို့ ဖြေရှင်းမလဲ စတာတွေကို လူထုက မီဒီယာ ကနေတဆင့် သိရှိဖို့ လိုတယ်။

အဆိုပြု ထုတ်ပြန်ချက် ဥပမာများ - ‘နီပေါနိုင်ငံက ကလေး ကုန်ကူးမှုကို ကျွန်ပ်တို့ တားဆီးဖို့ လိုတယ်၊ ကလေး ကုန်ကူးသူတွေကို အရေးယူနိုင်တဲ့ ဥပဒေကို ကျွန်ပ်တို့ ပြဋ္ဌာန်းရမယ်’၊ ‘အိန္ဒိယနိုင်ငံက လိင်တူစုံတွဲတွေကို ဥပဒေအရ အသိအမှတ် ပြုရမယ်၊ လိင်တူ စုံတွဲတွေကို လိင်ကွဲ စုံတွဲတွေလိုပဲ တန်းတူ တရားဝင်ဥပဒေတွေ ကျင့်သုံးနိုင်အောင် ဥပဒေကို ကျွန်ုပ်တို့ ပြောင်းလဲရမယ်’ စတာတွေ ဖြစ်တယ်။

ရှင်းလင်းတဲ့ ရည်ရွယ်ချက်တွေ ထားရှိပါ

ရည်ရွယ်ချက်တွေဟာ ပန်းတိုင်တွေထက် ပိုပြီး တိကျမှု ရှိတယ်။ ရည်ရွယ်ချက်တွေဟာ SMART ဖြစ်ဖို့ လိုတယ်။
S - တိကျမှု ရှိခြင်း
M - သိသာထင်ရှားမှု ရှိခြင်း
A - အောင်မြင်နိုင်မှု ရှိခြင်း
R - လက်တွေ့ကျခြင်း
T - အချိန် သတ်မှတ်ချက် ရှိခြင်း


သင့်ဆီမှာ တိကျခိုင်မာတဲ့ ပန်းတိုင် တခု (သို့) နှစ်ခုပဲ ရှိချင် ရှိနိုင်တယ်၊ မီဒီယာကို အသုံးချပြီး ဘယ်လို အောင်မြင်အောင် ဆောင်ရွတ်မယ် ဆိုတာ တိတိကျကျ ရှိထားဖို့ လိုတယ်။ မီဒီယာ ဖန်တီးတဲ့ နည်းဗျူဟာကောင်း တခုကို ဘက်စုံ အသုံးပြုနိုင်ရမယ်။ ဥပမာအားဖြင့်၊ နည်းဗျူဟာထဲမှာ အိမ်တွင်း အကြမ်းဖက်မှုဟာ ဘာကြောင့် မှားယွင်းနေတယ် ဆိုတာ အမျိုးသားတွေကို ပညာပေးရန် ဆိုတဲ့ ရည်ရွယ်ချက် တခု ပါဝင်နိုင်သလို၊ အခြားတဘက်မှာလည်း ပိုပြီး ကျယ်ပြန်တဲ့ နိုင်ငံတကာ အသိုင်းအ၀ိုင်းတွေဆီ ဦးတည်ပြီး အစိုးရတွေနဲ့ ရဲတွေကို အိမ်တွင်း အကြမ်းဖက်မှုကို ဥပဒေတွေ ပြဌာန်းပေးပြီး တားမြစ်ပေးဖို့ တောင်းဆိုနိုင်တယ်။ ဒီရည်ရွယ်ချက်တွေ အောင်မြင်မှု ရအောင် မီဒီယာက ဘယ်လို ပုံစံမျိုးနဲ့ အထောက်အကူ ပေးမယ် ဆိုတဲ့ အချက်ကို ရှင်းရှင်းလင်းလင်း ရှိထားဖို့ လိုတယ်။

မီဒီယာ နည်းဗျူဟာ ချမှတ်တာနဲ့ ပါတ်သက်ပြီး သင့်ရဲ့ ရည်ရွယ်ချက်တွေကို အစပိုင်းမှာ ရေးချဖို့ သင်ဟာ အဆင်သင့် အနေအထားမှာ ရှိချင် ရှိနေနိုင်တယ်၊ တခြား လုပ်ငန်းစဉ်တွေကို လုပ်ဆောင်ပြီးတဲ့အခါ အဲဒီအပိုင်းကို ပြန်သွားချင် ပြန်သွားလို့ ရတယ်။ ဒါကြောင့် SMART လို့ခေါ်တဲ့ ရည်ရွယ်ချက်တွေကို ရှင်းရှင်းလင်းလင်း သတ်မှတ်ထားဖို့ လိုတယ်၊ ဆိုလိုတာက ပစ်မှတ်ထားတဲ့ ပရိသတ်ကို ရွေးချယ်ပြီး သင် အသုံးပြုမဲ့ မီဒီယာ အမျိုးအစားတွေကို ရွေချယ်ဆုံးဖြတ်ဖို့ လိုအပ်တယ်။

ရှင်းရှင်းလင်းလင်း ရှိတဲ့ ရည်မှန်းချက် တခုရဲ့ ဥပမာ - ‘ကျွန်ုပ်တို့ရဲ့ ဘလော့ဂ်မှာ အိမ်တွင်း အကြမ်းဖက်မှုအပေါ် ရဲတွေရဲ့ တာဝန် ပျက်ကွက်မှုအကြောင်းကို တပတ်အတွင်း အနည်းဆုံး လူပေါင်း ၂၀၀၀ ၀န်းကျင်က ပန်ကြားလွှာ တခုကို လက်မှတ် ရေးထိုးလာအောင် တိုက်တွန်း အားပေးရမယ်’၊ (သို့) ‘ဒီအိမ်တွင်း အကြမ်းဖက်မှုနဲ့ ပါတ်သက်တဲ့ ပို့စတာကို X ကျေးရွာက လူကြီးနဲ့ ကလေးပေါင်း ၅၀၀၀ တို့က နှစ်ပတ်အတွင်း လာရောက် ကြည့်ရှုရမယ်’ စတာတွေ ပါဝင်နိုင်တယ်။

ကွင်းဆင်းလေ့လာပါ

သင် အောင်မြင် ပြီးမြောက်လိုတဲ့ အချက်ကို သိရှိလာတဲ့အခါ၊ သင့်ရဲ့ အရေးကိစ္စ အကြောင်းကို ပိုပြီး သိရှိလာအောင် ရှာဖွေလေ့လာဖို့ လိုအပ်လာမယ်။ နောက်တဆင့်ကတော့ ကွင်းဆင်း လေ့လာဖို့ ဖြစ်ပြီး၊ ပန်းတိုင်တွေ၊ ရည်မှန်းချက်တွေကို စိတ်ထဲမှာ အမဲ သတိရနေဖို့ လိုတယ်။ ဒီကွင်းဆင်း လေ့လာချက်ထဲမှာ ပါဝင်လာမဲ့ အချက်တွေ ကတော့ -

  • နောက်ကြောင်း ကွင်းဆင်းလေ့လာခြင်း - သင့်ရဲ့ အုပ်စု (သို့) မိတ်ဖွဲ့ထားတဲ့ လုပ်ဖော်ကိုင်ဖက်တွေက ဖန်တီးခဲ့တဲ့ အစီရင်ခံချက်နဲ့ ဒေတာ အဟောင်းတွေကို လှော်လှန် ရှာဖွေပါ။ မှတ်တမ်း အကျဉ်းချုပ်ကို ရေးပါ၊ လက်ရှိ သတင်း အချက်အလက်တွေကို အသေးစိတ် ရေးမှတ်ပြီး လိုအပ်တဲ့ နေရာမှာ သတင်း အချက်အလက် အသစ်တွေကို ရှာဖွေပါ။
     
  • အလျင်က အားထုတ်မှုများနဲ့ စည်းရုံးလှုပ်ရှားမှုများ - ဒီအမှုအခင်းကို ထောက်ခံလာဖို့ တခြား အဖွဲ့အစည်းတွေနဲ့ တသီးပုဂ္ဂလတွေက ဘာတွေ လုပ်ဆောင်ခဲ့ကြပြီလဲ၊ အောင်မြင်မှုရော ရခဲ့ကြရဲ့လား၊ ဘာကြောင့် အောင်မြင်သလဲ (သုို့) ဘာကြောင့် မအောင်မြင် ရတာလဲ။ အဲဒါတွေကို လုပ်ဆောင်ခြင်းဖြင့် သင်အနေနဲ့ ဘယ်ဟာကို ရှောင်ရှားပြီး ဘယ်ဟာကို လုပ်ဆောင် သင့်တယ် စတာတွေကို ခွဲခြား ရွေးထုတ်လာနိုင်မှာ ဖြစ်တယ်။
     
  • အခြေအနေကို သုံးသပ်ခြင်း - အမှုအခင်းနဲ့ ပါတ်သက်ပြီး အခု ဘာတွေ ဖြစ်ပျက်နေတယ် ဆိုတာကို သိရှိထားပါ။ လတ်တလော ဖြစ်ပျက်နေတဲ့ အဓိက ဖြစ်ရပ်တွေက ဘာတွေလဲ၊ သက်ရောက်မှု ရှိလာစေမဲ့ အနာဂတ် ဖြစ်ရပ်တွေက ဘာတွေလဲ။ ဒီအမှုကိစ္စနဲ့ပက်သက်ပြီး အဓိက ပြောရေးဆိုခွင့်ရှိတဲ့ သူတွေနဲ့ တခြား အုပ်စုတွေက အသုံးပြုနေကြတဲ့ အဓိက အသုံးအနှုန်းတွေကို ရွေးချယ်သတ်မှတ်ပါ။ ဒီအမှုအခင်းနဲ့ ပက်သက်ပြီး ဘယ်လိုမျိုး သတင်းစကားတွေဟာ အစုရှယ်ယာ အုပ်စု အမျိုးမျိုးတွေဆီ ရောက်ရှိသွားပြီး၊ ဘယ်လို သတင်းစကားတွေက မရောက်ရှိနိုင်တာလဲ၊ ဘာကြောင့်လဲ စသဖြင့်။

 

ဒီကွင်းဆင်းလေ့လာမှု ပြီးစီးသွားတဲ့အခါ၊ သင့်ရဲ့ အဆိုပြု ထုတ်ပြန်ချက်၊ ပန်းတိုင်တွေ (သို့) ရည်မှန်းချက်တွေကို သင် လေ့လာထားခဲ့တဲ့ အချက်တွေအပေါ် အခြေခံပြီး ရှင်းရှင်းလင်းလင်း ထုတ်ပြန်ခြင်းဖြင့် လိုက်ဖက်အောင် ပြင်ဆင်နိုင်တယ်။

ပစ်မှတ်ထားတဲ့ ပရိသတ်နဲ့ ပါဝင် တက်ရောက်လာသူ အစုအဖွဲ့များကို ရွေးချယ်ပါ

အများအားဖြင့် အသင်းအဖွဲ့ အတော်များများဟာ အမူအခင်း တခုခုမှာ ပါဝင်ဆက်နွှယ်နေကြတယ်၊ သူတို့အားလုံးကို အစုရှယ်ယာရှင်တွေလို့ ယူဆနိုင်တယ်။ သင့်ရဲ့ အမှုအခင်းအပေါ် လွှမ်းမိုးနိုင်တဲ့ ပုဂ္ဂိုလ်တွေကို သိရှိထားပြီး၊ ပြုပြင်ပြောင်းလဲမှု တခုခု လုပ်ဆောင်ရာမှာ အကူအညီပေးလာအောင်၊ အစုရှယ်ယာရှင် အားလုံးရဲ့ စာရင်းကို ပြုစုထားဖို့ အရေးကြီးတယ်။ အစုရှယ်ယာရှင် အားလုံးကို သိရှိခြင်းဖြင့် ပစ်မှတ်ထားတဲ့ ပရိသတ်နဲ့ ပါဝင် တက်ရောက်လာတဲ့ အစုအဖွဲ့တွေကို ခွဲခြား ရွေးချယ်တဲ့ နေရာမှာ အထောက်အကူ ဖြစ်လာစေမှာ ဖြစ်တယ်။
 

အစုရှယ်ယာရှင် အမျိုးအစား

  • မဟာမိတ် - သင့်ရဲ့ လုပ်ဆောင်ချက်တွေကို အားပေး ထောက်ခံနေကြတဲ့ လူထုနဲ့ အဖွဲ့အစည်းများ
  • အတိုက်အခံများ - သင် လုပ်ဆောင်နေတဲ့ အပြောင်းအလဲတွေကို ဆန့်ကျင် တိုက်ခံနေကြတဲ့ လူထု
  • ကြားနေသူများ - ရပ်တည်ချက်နဲ့ သဘောထား ရှင်းလင်းပြတ်သားမှု မရှိတဲ့ လူထု (သို့) အမှုအခင်းထဲမှာ တက်တက်ကြွကြွ ပါဝင်မှု မရှိကြတဲ့ လူထု

အစုရှယ်ယာရှင်တွေကို ဒီလို မျိုးကွဲ သုံးမျိုးအပေါ် အခြေခံပြီး ခွဲခြားထားပါ၊ အဲဒီ အနေအထားမှာ ရှိနေကြရခြင်းရဲ့ အကြောင်းရင်းကို သိရှိနိုင်အောင် ဆွေးနွေးမှုတွေ ပြုလုပ်ပါ။ မတူညီတဲ့ ပရိသတ်တွေရဲ့ ရပ်တည်မှုကို သင် နားလည်လာတဲ့ နောက်ပိုင်းမှာ၊ သင့်ရဲ့ ရည်မှန်းချက်တွေကို အခြေခံပြီး သူတို့ရဲ့ သြဇာလွှမ်းမိုးမှုနဲ့ အရေးပါမှုကို ဦးစားပေး သတ်မှတ်နိုင်မှာ ဖြစ်တယ်။
 

ပစ်မှတ်ထားတဲ့ ပရိသတ်များနဲ့ ပါဝင် တက်ရောက်သူများ

‘ပစ်မှတ်ထားတဲ့ ပရိသတ်များ’ ဆိုတာ သင် ဖြစ်စေချင်တဲ့ အပြောင်းအလဲကို အမှန်တကယ် ပြုလုပ်ပေးနေတဲ့ လူထုကို ဆိုလိုတယ်။ ‘ပါဝင်တက်ရောက်တဲ့ အစုအဖွဲ့များ’ ဆိုတာ သင့်ရဲ့ မီဒီယာ စည်းရုံးလှုပ်ရှားမှု (သို့) စီမံကိန်းမှာ အစိတ်အပိုင်း တခုအဖြစ် ပါဝင်လိုတဲ့ သူတွေ - လူထုတွေ၊ အဖွဲ့အစည်းတွေနဲ့ သင့်ရဲ့ သတင်းမီဒီယာကို ကြည့်ရှုကြတဲ့ အုပ်စုတွေ၊ ဖြန့်ဖြူးရာမှာ အကူအညီ ပေးကြတဲ့ သူတွေ၊ ပုံစံအမျိုးမျိုးနဲ့ ပံ့ပိုးနေသူတွေ ဖြစ်ကြတယ်။

ပစ်မှတ်ထားတဲ့ ပရိသတ်နဲ့ ပါဝင်တက်ရောက်တဲ့ အစုအဖွဲ့တွေကို ရွေးချယ်ဖို့ အရေးကြီးတယ်၊ ဘာကြောင့်လဲ ဆိုတာ မကြာခဏ ဆိုသလို၊ လူတိုင်းအတွက် စီစဉ်ထားတဲ့ မီဒီယာ စည်းရုံးလှုပ်ရှားမှု တခုခုဟာ ဘယ်သူအတွက်မှ အကျိုးမရှိပဲ ပြီးသွားတတ်တဲ့ အနေအထားကြောင့် ဖြစ်တယ်။ အောင်မြင်တဲ့ ရုပ်ရှင်တွေ၊ ရုပ်မြင်သံကြား အစီအစဉ်တွေ၊ သတင်းစာတွေ (သို့) ပို့စတာတွေဟာ လူတိုင်းအတွက် ရည်ရွယ်ပြီး ထုတ်လုပ်ထားတာ မဟုတ်ဘူး။ တခြားတဖက်မှာလည်း၊ တိကျတဲ့ ပရိသတ်တခုခုကို ပစ်မှတ်ထားပြီး စနှစ်တကျ ထုတ်လုပ်ထားတဲ့ မီဒီယာ စည်းရုံးလှုပ်ရှားမှု တခုဟာ လူအစုအဖွဲ့ အမျိုးမျိုးက လွယ်လွယ်လေးနဲ့ လက်ခံ နှစ်သက်သွားတာမျိုးလည်း ရှိတတ်တယ်။

သင် ပြုစုထားတဲ့ အစုရှယ်ယာရှင်တွေရဲ့ စာရင်းကို အသုံးပြုပြီး မီဒီယာ စည်းရုံးလှုပ်ရှားမှုမှာ ပစ်မှတ်ထားချင်တဲ့ ပရိသတ်တခုခုကို ရွေးချယ်ပါ။ သင့်ရဲ့ လူစုထဲမှာ ပါဝင်လာကြမဲ့ အသင်းအဖွဲ့တွေကို ရွေးချယ်သတ်မှတ်ပါ။ ဒီအုပ်စု နှစ်စုကို ရွေးချယ်သတ်မှတ်ခြင်းဖြင့် သင့် သတင်းမီဒီယာရဲ့ ထိရောက်မှုကို သေချာစေမှာ ဖြစ်တယ်။

ဥပမာ အားဖြင့်၊ အကယ်လို့ မီဒီယာ စည်းရုံးလှုပ်ရှားမှုတခုဟာ မိုင်းတွင်း စက်ရုံတွေက လူ့ကျင့်ဝတ်တွေကို အသေအချာ ကျင့်သုံးလာအောင် ကြိုးစားနေတာ ဆိုရင်၊ မိုင်းတွင်း စက်ရုံနဲ့ အစိုးရတို့ဟာ ပစ်မှတ်ထားရမဲ့ ပရိသတ်တွေ ဖြစ်လာနိုင်တယ်။ သူတို့ဟာ သင် ဖြစ်စေချင်တဲ့ အပြောင်းအလဲတွေကို လုပ်ဆောင်ပေးနိုင်စွမ်း ရှိတဲ့ သူတွေ ဖြစ်ကြတယ်။ မိုင်းတွင်းရဲ့ ဒဏ်ကို ခံစားခဲ့ကြတဲ့ လူထုတွေ၊ ပြည်တွင်း ပြည်ပက သဘာဝ ပတ်ဝန်းကျင် ထိန်းသိမ်းကာကွယ်ရေး အတွက် ထောက်ခံလှုပ်ရှားသူတွေဟာ ဒီအမှုအခင်းမှာ ပါဝင်လာမဲ့ အစုအဖွဲ့တွေ ဖြစ်လာကြမှာ ဖြစ်တယ်။ သင် ပစ်မှတ်ထားတဲ့ ပရိသတ်တွေနဲ့ ပါဝင်လာတဲ့ အစုအဖွဲ့တွေဟာ အတူတူ ဖြစ်နေတတ်ကြတယ်၊ ဥပမာ အားဖြင့်၊ အိမ်တွင်း အကြမ်းဖက်မှုကို ကျူးလွန်တဲ့သူ၊ လျစ်လျူရှုခံရတဲ့သူ (သို့) မသိကျိုးကျွန်ပြုခံရတဲ့ ယောင်္ကျားတွေရဲ့ စရိုက် အမူအကျင့်ကို ပြုပြင်ဖို့ တောင်းဆိုနေတဲ့ သတင်း မီဒီယာတခုဟာ ယောင်္ကျားတွေကို ပစ်မှတ်ထားရမဲ့ ပရိသတ်နဲ့ ပူးပေါင်းပါဝင်လာမဲ့ အစုအဖွဲ့ နှစ်မျိုးအဖြင့် သတ်မှတ် ရွေးချယ်ရမှာ ဖြစ်တယ်။
 

ပရိသတ်ရဲ့ ကိုယ်ရေးမှတ်တမ်း ပြုစုခြင်း

ပစ်မှတ်ထားတဲ့ ပရိသတ်နဲ့ ပါဝင်လာတဲ့ အသင်းအဖွဲ့တွေကို ရွေးချယ်ပြီးတဲ့အခါ၊ အောက်ပါ အချက်အလက်တွေ ပါဝင်တဲ့ ကိုယ်ရေးမှတ်တမ်း တခုကို ပြုစုပါ -

  • ဒေသအတွင်း အခြေအနေ - လူမျိုး၊ လိင်၊ လူမျိုးစု၊ အသက်၊ ပညာရေး၊ ဘာသာရေး။
  • ဒေသ ပထ၀ီ အနေအထား - ဒေသတွင်း၊ နိုင်ငံတွင်း၊ နိုင်ငံတကာ၊ ရပ်ဝေးဒေသ၊ နယ်စွန်နယ်ဖျား၊ မြို့ပြနေရာ၊ ကျေးလက်ဒေသ။
  • စိတ်နေသဘောထားများ - အမူအခင်းတခုကို သူတို့ ဘယ်လို ရှုမြင်ကြသလဲ၊ အခြေအနေကို ဘယ်လို ဖန်တီးကြသလဲ။ သူတို့ ပါဝင် လှုပ်ရှားလာအောင် ဘာတွေ လုပ်ဆောင်ရမလဲ။
  • သတင်းမီဒီယာ အလေ့အထများ - ဘယ်လို သတင်းမီဒီယာမျိုးကို သူတို့ ရရှိကြသလဲ၊ ဘယ်အချက်ကို ကြိုက်နှစ်သက်ကြသလဲ။
  • ယဉ်ကျေးမှု - သူတို့ရဲ့ နောက်ခံ ယဉ်ကျေးမှုက ဘာလဲ။ ဘယ်လို ဘာသာစကားမျိုးကို ပြောဆို၊ ရေးသား၊ ဖတ်ရှုကြသလဲ။

 

သတင်းစကားကို အဆန်း ထွင်ပါ
 

ဒီအပိုင်းဟာ မီဒီယာမှာ အသုံးပြုမဲ့ နည်းဗျူဟာကို ဖန်တီးရာမှာ အရေးပါတဲ့ အဆင့်တခု ဖြစ်တယ်။ သင့်ရဲ့ သတင်းစကားဟာ လူထုကို စည်းရုံးလှုပ်ရှားမှုဆီ ဆွဲဆောင်နိုင်ရမယ်။ သင့်ရဲ့ ကွင်းဆင်းလေ့လာမှု တလျှောက်လုံးမှာ၊ အဆက်အသွယ် လုပ်မဲ့အချက်၊ ဆက်သွယ်မဲ့ ပုံစံတွေကို ရှာဖွေဖေါ်ထုတ်ပါ။ အစုရှယ်ယာဝင် အမျိုးမျိုးဆီမှာ သတင်းစကား အတော်များများကို သင် ပေးပို့နိုင်တယ်၊ ဒါပေမဲ့ အဲဒီ ပုဂ္ဂိုလ်တွေအားလုံးက ပန်းတိုင် တခုထဲကိုပဲ ဦးတည်ကြရမှာ ဖြစ်တယ်။ ထိရောက်တဲ့ သတင်းစကား တခုမှာ ပါရှိရမဲ့ အချက်တွေ ကတော့ -

  • အမှုအခင်းကို အဓိပ္ပါယ်နှစ်ခွ မထွက်စေပဲ ရိုးရိုး ရှင်းရှင်းနဲ့ ရှင်းပြရမယ်။
  • အမှုအခင်းရဲ့ အလွန် အရေးပါနေမှုကို အလေးထား ဖေါ်ပြရမယ်။
  • လူထုက မစဉ်းစားခဲ့မိတဲ့ အသစ်အဆန်းတွေကို ထည့်သွင်းရမယ်။
  • ဆွဲဆောင်မှု ရှိရမယ်၊ စိတ်ဝင်စားစရာ ကောင်းရမယ်၊ စိတ်ချောက်ချားစရာ ကောင်းရမယ်။
  • လူထုရဲ့ ပါဝင်လှုပ်ရှားမှု လိုအပ်ကြောင်း ရှင်းရှင်းလင်းလင်း ဖေါ်ပြရမယ်၊ ဖြေရှင်းချက်ကိုလည်း ပေးထားရမယ်။

သတင်းစကားကို အဆန်းထွင်တဲ့အခါ သိထားရမဲ့ အရေးကြီးတဲ့ အချက်ကတော့ တိကျမှန်ကန်မှု ရှိခြင်းနဲ့ ရိုးသားမှု ရှိခြင်းတို့ ဖြစ်တယ်။ အကယ်လို့ ပရိသတ်က သင့်ရဲ့ သတင်းမီဒီယာဟာ သူတို့ကို လှည့်စားနေတယ်လို့ ခံစားလာကြမယ် ဆိုရင်၊ သင့်ကို ဝေဖန်လာကြမှာ ဖြစ်ပြီး၊ သင့်ရဲ့ စည်းလုံးလှုပ်ရှားမှု တခုလုံးရဲ့ ကျိုးကြောင်းညီညွတ်မှုကို ပြန်ပြီး သုံးသပ်လာကြမှာ ဖြစ်တယ်။ ဥပမာ၊ အကယ်လို့ ရာသီဥတု ပြောင်းလဲမှု အကြောင်းကို ရှင်းလင်း ပြောပြနေတယ် ဆိုရင်၊ တချို့ ကုမ္ပဏီကြီးတွေရဲ့ ကာဘွန် ထုတ်လွှင့်မှုတွေ လျှော့ကျမှု မရှိတဲ့ သူတို့ရဲ့ 'carbon permits' တွေကို ရောင်းချပြီး အမြတ်အစွမ်း အကြီးအကျယ် ရရှိနေတဲ့ အလားအလာတွေကို ဖေါ်ပြတဲ့ အစိုးရရဲ့ အစီရင်ခံစာကို ဖတ်ရှုဖို့ လိုတယ်။ “လေထု ညစ်ညမ်းစေတဲ့ အကြီးဆုံး ကုမ္ပဏီတွေဟာ ကာဘွန် ရောင်းဝယ် ဖေါက်ကားခြင်းဖြင့် အကျိုးအမြတ်တွေ ရရှိနေကြတယ်” ဆိုပြီး လူထုကို ပြောပြဖို့ မသင့်တော်ဘူး။ ခိုင်လုံမှု သက်သေမပြနိုင်ရင် ဒီဖေါ်ပြချက်ဟာ လှည့်စားမှု သက်သက် ဖြစ်နိုင်တယ်။ သင့်ရဲ့ သတင်းစကားဟာ ရှင်းလင်းမှု၊ မှန်ကန်မှုရှိပြီး၊ ဝေဖန်မှုကို ရင်ဆိုင်နိုင်ဖို့ အရင်းအမြစ် အတော်များများကို စုဆောင်းပြီး ကျွမ်းကျင်သူတွေရဲ့ အကူအညီကို ရယူရမှာ ဖြစ်တယ်။

 

ထိရောက်မှု ရှိတဲ့ သတင်းစကား တပုဒ်ကို ဖန်တီးခြင်း

Oxfam International လို့ခေါ်တဲ့ အော့ဇ်ဖန်း နိုင်ငံတကာ အဖွဲ့အစည်းဟာ ဖွံ့ဖြိးဆဲ နိုင်ငံတွေမှာ ပညာရေးအတွက် ရင်းနှီးမြှုပ်နှံမှု လုပ်လာအောင် ၄င်းတို့ရဲ့ သက်ဆိုင်ရာ အစိုးရတွေကို လူထုက ဖိအားပေးအောင် တိုက်တွန်းပေးတဲ့ သတင်းစကားတခုကို စီစဉ်ဖန်တီးဖို့ လိုလားလာတဲ့အချိန်မှာ၊ ပညာရေးစနစ်ဟာ ဆင်းရဲမွဲတေမှု အဆင့် လျှော့ကျလာနေတဲ့ အကြောင်း ပြသဖို့ အထောက်အထားကို အောက်ပါ သတင်းစကားမျိုးကို သုံးစွဲခဲ့ကြတယ် -

 

“အခြေခံ ပညာရေးစနစ်ဟာ ဆင်းရဲမွဲတေမှု သံသရာကို အဆုံးသတ်စေဖို့ အထောက်အကူ ပြုတယ်”

ဒါပေမဲ့ ဒီသတင်းစကားကို ပစ်မှတ်ထားတဲ့ ပရိသတ် လူအုပ်ဆီ စမ်းသပ်ကြည့်တဲ့အခါ၊ သူတို့ကို လှုပ်ရှားပါဝင်လာအောင် လှုံ့ဆော်ပေး နိုင်စွမ်း မရှိတာကို တွေ့ရှိခဲ့ကြတယ်။ အဲဒီအစား၊ ပိုမို ရိုးရှင်းတဲ့ အောက်က သတင်းစကားအပေါ် တုံ့ပြန်မှု ပိုမို ကြီးမားတာကို တွ့မြင်ခဲ့ရတယ် -

 

“ပညာသင်ကြားရေးဟာ ကလေးသူငယ်တိုင်းရဲ့ အခွင့်အရေး ဖြစ်တယ်”

ပြဿနာ (သို့) အမှုအခင်းအကြောင်းကို ဖေါ်ပြတဲ့ ရှင်းလင်းပြတ်သားတဲ့ သတင်းစကား တပုဒ်ကို သင့်ရဲ့ ပရိသတ်ဆီ ပေးပြီးတဲ့အခါ၊ သင်မြင်တွေ့လိုတဲ့ အပြောင်းအလဲကို ဖေါ်ဆောင်နိုင်အောင် သူတို့ပါဝင်နိုင်တဲ့ နောက်ထပ်အဆင့် တဆင့်ဆီ သူတို့ကို ခေါ်ဆောင်သွားပါ။

 

လှုပ်ရှားမှု ခေါ်သံ ဖြစ်ပါစေ
သင့်ရဲ့ ထောက်ခံစည်းရုံးမှု (သို့) ပရိုဂျက်ကို ပံ့ပိုးပေးဖို့ သင် လုပ်ဆောင်နေတဲ့ သတင်းမီဒီယာ အားလုံးမှာ လူထုတွေ ပါဝင်လာနိုင်တဲ့ လှုပ်ရှားမှုမျိုးကို ရှင်းရှင်း ဖေါ်ပြထားရမယ်။ သတင်းမီဒီယာဟာ စည်းရုံးလှုပ်ရှားမှု (သို့) ပရိုဂျက်နဲ့ ပါတ်သက်တဲ့ ပညာပေးမှုတွေကို လုပ်ဆောင်ပေးမှာ ဖြစ်ပေမဲ့၊ ဒီပညာပေးမှုကပဲ အပြောင်းအလဲတွေကို ဖြစ်ပေါ်စေတာ မဟုတ်ဘူး။ သင့်ရဲ့ ‘လှုပ်ရှားမှု ခေါ်သံ’ ဟာ လုံးဝ နည်းဗျူဟာမြောက်ရမှာ ဖြစ်တယ်၊ ဘာကြောင့်လဲ ဆိုတော့ ဒီလှုပ်ရှားမှုကပဲ သင် ဖြစ်စေချင်တဲ့ ပြောင်းလဲမှုကို ဖြစ်ပေါ်စေမှာ ဖြစ်တယ်။

လှုပ်ရှားမှု ခေါ်သံ’ထဲမှာ ပါဝင်ရမဲ့ အချက်တွေကတော့ -

  • လုပ်ဆောင်နိုင်တဲ့ အရာဖြစ်ရမယ်။ လူတိုင်းက မလုပ်နိုင်တဲ့အထိ အတော်လေး ခက်ခဲတဲ့ အရာမျိုး မဖြစ်ရဘူး။
  • လူထုက တစုံတခု လုပ်ဆောင်လာအောင် လှုံ့ဆော်နေရမယ်။
  • ထိတွေ့ဆက်ဆံနိုင်တဲ့ အဆင့် အမျိုးမျိုးကို ရွေးချယ်နိုင်အောင် options တွေ ထားရှိပါ။

အရင်းအမြစ်တွေကို ရွေးချယ်ပါ
သတင်းမီဒီယာ အတွက် နည်းဗျူဟာကို ဖန်တီးတဲ့အခါ၊ အရင်းအမြစ်တွေနဲ့ ပါတ်သက်တဲ့ ပြဿနာကို ဖေါ်ပြပေးတဲ့ နည်းလမ်း နှစ်မျိုး ရှိတယ်။ ပထမ option ကတော့၊ မီဒီယာ ဖန်တီးနိုင်အောင် နည်းဗျူဟာကို ချမှတ်ဖို့ လိုတယ်၊ အဲဒီနောက် လိုအပ်တဲ့ အရင်းအမြစ်တွေကို စုဆောင်းဖို့ ဖြစ်တယ်။ ဒုတိယ option ကတော့၊ သင့်ဆီမှာ ရှိတဲ့ အရင်းအမြစ်တွေကို စာရင်းပြုစုပါ၊ အဲဒီ အရင်းအမြစ်တွေကိုပဲ အသုံးပြုပြီး၊ သင် ပြုလုပ်မဲ့ သတင်းမီဒီယာ ပုံစံကို ဆုံးဖြတ်ပါ၊ သင့်ရဲ့ အုပ်စု (သို့) အဖွဲ့အစည်းထဲမှာ ရရှိနိုင်တဲ့ အရင်းအမြစ် အမျိုးအစားတွေ၊ သင့်ကို ထောက်ခံအားပေးသူတွေနဲ့ networks တွေကတဆင့် ရရှိနိုင်တဲ့ အရာတွေကို သိရှိထားပါ။ ဥပမာအားဖြင့်၊ အသုံးပြုနိုင်တဲ့ ဗွီဒီယို ကင်မရာ တခုခု သင့်ဆီ ရှိချင် ရှိနေနိုင်တယ် (သို့) သင့် အဖွဲ့အစည်းထဲမှာ ဗွီဒီယို ထုတ်လုပ်ဖန်တီးပေးနိုင်တဲ့ ရုပ်ရှင်ရိုက်ကူးသူ (သို့) စေတနာ့ ၀န်ထမ်း တဦးဦး ရှိနေနိုင်တယ်။ ဒီအချက်တွေက သင့်ရဲ့ ထုတ်လုပ်မှု ကုန်ကျစရိတ်ကို လျှော့နည်းသွားစေနိုင်တယ်။ ဒေသတွင်း ထုတ်လွှင့်တဲ့ ရေဒီယို အစီအစဉ်မှာ ပါဝင်လုပ်ဆောင်နေတဲ့ မိတ်ဖက် အဖွဲ့အစည်း တခုခု ရှိနေနိုင်တယ်၊ အဲဒီ အဖွဲ့အစည်းက သင့်ရဲ့ အသံကို ထုတ်လွှင့်ပေးနိုင်အောင် အားလပ်တဲ့ အချိန်လေးကို ဖန်တီးပေးနိုင်တယ်။ နောက်တနည်းကတော့၊ ရုပ်ရှင်ကား တကားကို ထုတ်လုပ်ရာမှာ ရုပ်ရှင် ရိုက်ကူးသူ တဦးဦးကို ငှားရမ်းဖို့ လိုအပ်လာမယ် ဆိုရင်၊ (သို့) အသံ ထုတ်လွှင့်ဖို့အတွက် ရေဒီယိုဋ္ဌာနကို အခကြေးငွေ ပေးဆောင်ရမယ် ဆိုရင်၊ ဒီအချက်တွေဟာ သင့် အဖွဲ့အစည်းအတွက် ငွေကြေး အခက်အခဲ ဖြစ်လာစေမှာ ဖြစ်တယ်။

အစောပိုင်းကတည်းက၊ မီဒီယာ စည်းရုံးလှုပ်ရှားမှုအတွက် လိုအပ်တဲ့ အသုံးစရိတ် အကြမ်းအဖျင်းကို ရေးဆွဲထားတာ အကောင်းဆုံး ဖြစ်တယ်၊ ဒီနည်းနဲ့ သင် ရရှိနိုင်တဲ့ ရန်ပုံငွေတွေ၊ တခြား အရင်းအမြစ်တွေကို စီစဉ်ထားနိုင်မှာ ဖြစ်တယ်။ မီဒီယာ ထုတ်လုပ်ရေးမှာ မမြင်ရတဲ့ ကုန်ကျစရိတ်တွေ ရှိနေတတ်တဲ့အတွက်၊ အလားတူ စည်းရုံးလှုပ်ရှားမှုတွေကို လုပ်ဆောင်ခဲ့ကြတဲ့ တခြား လူတွေဆီကနေ အကြံအဥာဏ်ကို တောင်းခံပါ။

ပါဝင်ထည့်သွင်းနိုင်တဲ့ အရင်းအမြစ် အမျိုးမျိုးကတော့ -

  • လူသား အရင်းအမြစ်များ (လူထု၊ ကျွမ်းကျင်မှုနဲ့ အချိန်)
  • ငွေကြေး အရင်းအမြစ်များ (ရန်ပုံငွေ ရရှိခြင်း)
  • အသိပညာ အရင်းအမြစ်များ (ပညာ ဗဟုသုတနဲ့ သတင်း အချက်အလက် ရယူနိုင်မှု)
  • ပစ္စည်း အရင်းအမြစ်များ (ပစ္စည်းကိရိယာနဲ့ တန်ဆာပလာများ ရရှိနိုင်မှု)

ဘတ်ဂျက်ရေးဆွဲခြင်းနဲ့ ရန်ပုံငွေရှာဖွေခြင်း
သင် ရရှိနိုင်တဲ့ အရင်းအမြစ်တွေကို ခန့်မှန်းလို့ ပြီးတဲ့အခါ၊ ဘတ်ဂျက်ကို စတင် ရေးဆွဲပါ။ ဒီနည်းနဲ့ သင့်ဆီမှာ မရှိတဲ့ ငွေကြေးတွေကို မသုံးစွဲမိအောင် ဒီမှတ်တမ်းမှတ်ရာကို အသုံးပြုနိုင်တယ်။

စည်းရုံးလှုပ်ရှားမှု (သို့) ပရိုဂျက် အသုံးစရိတ် တခုလုံးအတွက် လိုအပ်တဲ့ ငွေကြေးထောက်ပံ့မှု အပါအ၀င် မီဒီယာ လိုအပ်ချက်တွေကို သင် အရင် စစ်ဆေးပြီး အစီအစဉ် ရေးဆွဲတာ အကောင်းဆုံး ဖြစ်တယ်။ အကယ်လို့ သင့်မှာ ငွေကြေး အလုံအလောက် မရှိဘူးဆိုရင်၊ လူ့အခွင့်အရေးကို အခြေခံတဲ့ မီဒီယာ စည်းရုံးလှုပ်ရှားမှုတွေကို ကူညီပံ့ပိုးပေးနေတဲ့ အဖွဲ့အစည်းတွေ၊ အလှူရှင်တွေနဲ့ ပရဟိတ အဖွဲ့အစည်းတွေ ရှိကြတယ်။ သူတို့ဆီ သင့်ရဲ့ proposal နဲ့ ငွေကြေး လိုအပ်ချက်တွေကို တင်ပြပါ။ ဒီစည်းရုံးလှုပ်ရှားမှု (သို့) စီမံကိန်းထဲမှာ လက်တွဲ ပါဝင်လုပ်ဆောင်ဖို့ ဆန္ဒရှိကြတဲ့ တခြား အဖွဲ့အစည်းတွေနဲ့ လူပုဂ္ဂိုလ်တွေ၊ ကိုယ်ပိုင် အရင်းအမြစ်ရှိသူတွေကို ချဉ်းကပ်ပါ။

သတင်းမီဒီယာကို ဖန်တီးခြင်း - သင့်လျှော်တဲ့ မီဒီယာ အမျိုးအစား၊ နည်းနာများ၊ ကိရိယာများကို ရွေးချယ်ပါ

မီဒီယာကို အသုံးပြုပြီး သင့်ရဲ့ စည်းရုံးလှုပ်ရှားမှု တခုလုံးကို ထိန်းကျောင်းစေဖို့ မဟုတ်ပဲ၊ သင့်ရဲ့ သတင်းစကားကို လက်ဆင့်ကမ်းပေးခြင်း အားဖြင့် ဖြစ်စေ၊ လူထု ပါဝင်လှုပ်ရှားလာအောင် ဖိတ်ခေါ်ခြင်း အားဖြင့် ဖြစ်စေ သင့်ရဲ့ ပန်းတိုင်နဲ့ ရည်မှန်းချက်တွေကို အရောက်လှမ်းစေနိုင်တဲ့ နည်းလမ်း တခု အဖြစ် အသုံးပြုရမှာ ဖြစ်တယ်။ အစောပိုင်းက နည်းဗျူဟာ အဆင့်တွေကို လုပ်ဆောင်ပြီးတဲ့အခါကျမှ၊ သင် အသုံးပြသွားမဲ့ မီဒီယာ အမျိုးအစား၊ ကိရိယာတွေနဲ့ နည်းနာတွေကို ရွေးချယ် ဆုံးဖြတ်ရမှာ ဖြစ်တယ်။ အဲဒီနောက် အွန်လိုင်းမှာ ဖြစ်ဖြစ်၊ အော့ဖ်လိုင်းမှာ ဖြစ်ဖြစ်၊ နှစ်မျိုးစလုံးမှာ ဖြစ်ဖြစ် သင်ဖြန့်ဖြူးနိုင်တဲ့ မီဒီယာကို ဆုံးဖြတ်နိုင်တယ်။ အောက်က မေးခွန်းတွေကို ဖြေဆိုခြင်းဖြင့် သင့်တော် မှန်ကန်တဲ့ မီဒီယာ အမျိုးအစားကို သင် ရွေးချယ်နိုင်မှာ ဖြစ်တယ်။

  • တက်ရောက်လာတဲ့ လူထုတွေက ဘယ်လို သတင်းမီဒီယာ အမျိုးအစားတွေကို လက်လှမ်းမီကြသလဲ။
  • ပစ်မှတ်ထားတဲ့ ပရိသတ်တွေက ဘယ်လို သတင်း မီဒီယာ အမျိုးအစားကို အများအားဖြင့် အသုံးပြုကြသလဲ။
  • သတင်းစကားကို အကောင်းဆုံး ဖြန့်ချီပေးနိုင်တဲ့ မီဒီယာ အမျိုးအစားက ဘာလဲ။
  • ဘယ်လို သတင်း မီဒီယာ အမျိုးအစားက လူတွေ ပါဝင်လှုပ်ရှားလာအောင် အကောင်းဆုံး စွမ်းဆောင်ပေးနိုင်သလဲ။

အမျိုးအစားများ (Formats)
မီဒီယာ အမျိုးအစားတွေထဲမှာ မှတ်တမ်းတင် ဗွီဒီယိုတွေ၊ ပုံနှိပ်တဲ့ ပိုစတာတွေ၊ ဘလော့ဂ်တွေ၊ အသံ podcasts တွေ၊ ပြင်ပ စင်တင် တင်ဆက်မှုတွေ၊ ရေဒီယို ဇာတ်လမ်း (သို့) SMS (စာတိုပေးပို့ချက်) တွေ ပါဝင်တယ်။ မီဒီယာ အမျိုးအစားတွေနဲ့ ကိရိယာတွေကို စုပေါင်းပြီး သင့်ရဲ့ စည်းရုံးလှုပ်ရှားမှု သတင်းစကားတွေကို ပရိသတ် အမျိုးမျိုးဆီ ဖြန့်ဖြူးနိုင်တယ်။ ဥပမာ အားဖြင့်၊ လူ့အခွင့်အရေး ချိုးဖောက်မှုတွေနဲ့ ပါတ်သက်တဲ့ ဗွီဒီယိုမှတ်တမ်းတွေကို သင့်ရဲ့ နိုင်ငံတွင်းမှာ လူထုရဲ့ အာရုံစိုက်မှု ကျယ်ကျယ်ပြန့်ပြန့် ရရှိလာအောင် နိုင်ငံပိုင် ရုပ်မြင်သံကြား ထုတ်လွှင့်ရုံတွေမှာ ပေးပို့နိုင်သလို၊ သင့်ဆီက ဇာတ်ကားသစ် မွမ်းမံချက် (updates) တွေကို ကမ္ဘာတ၀ှမ်းက ပရိသတ်တွေ ပုံမှန် ရရှိနိုင်အောင် ဘလော့ဂ် တခုမှာ တင်ထားနိုင်တယ်၊ အဲဒီအထဲမှာ ဗွီဒီယို မှတ်တမ်းတွေကို လွှင့်ထုတ်ခဲ့တဲ့ နေရာဒေသနဲ့ ပါတ်သက်တဲ့ အချက်အလက်တွေကို ပံ့ပိုးနိုင်တယ်။ ပရိသတ်တွေ၊ သက်ဆိုင်တဲ့ အဖွဲ့အစည်းတွေနဲ့ အစိုးရ ဌာနတွေဆီကနေ သင် ရရှိခဲ့တဲ့ အကြောင်းပြန်ကြားချက်တွေကို ဝေမျှထားနိုင်တယ်။

နည်းနာများ
သင် ဖန်တီးထားတဲ့ မီဒီယာထဲမှာ သတင်းစကားတွေကို ထည့်သွင်းနိုင်တဲ့ နည်းလမ်း အမျိုးမျိုး ရှိတယ်၊ ဒါပေမဲ့ ပုံမှန်အားဖြင့် ‘အကောင်းဆုံး’ ချဉ်းကပ်နည်း တခုကို သင် ရွေးချယ်ရမှာ ဖြစ်တယ်။ နည်းနာတွေ ဆိုတာ နည်းဗျူဟာ တခုလုံးမှာ ရှိတဲ့ ကိုယ်ပိုင် ပန်းတိုင်တွေ၊ ရည်မှန်းချက်တွေကို ထုတ်ဖေါ်တဲ့ နေရာမှာ အသုံးပြုတဲ့ လုပ်နည်းကိုင်နည်းတွေ ဖြစ်ကြတယ်။ မီဒီယာ နည်းနာတွေဟာ သင် ပစ်မှတ်ထားတဲ့ ပရိသတ်နဲ့ ပါဝင်လာကြတဲ့ လူထုတွေကို ဆက်သွယ်ပေးတဲ့ အရာ ဖြစ်နေရမယ်။ အဲဒါကို အသုံးပြုပြီး လူထုရဲ့ စိတ်ကြိုက်၊ အမူအကျင့်တွေနဲ့ စိတ်ဝင်စားမှုတွေကို ဖြစ်ပေါ်စေတဲ့ သတင်းစကားတွေကို ယူဆောင်ပေးရမယ်၊ အဲဒီအထဲမှာ လူငယ်ပရိသတ် တစုကို ဆွဲဆောင်မှု ပေးနိုင်တဲ့ ရယ်စရာ ဟာသတွေ၊ (သို့) စုပေါင်းလှုပ်ရှားမှု တခုကို ဖြစ်ပေါ်စေတဲ့ အုပ်စုလိုက် ဆော်သြစည်းရုံးမှုတွေ ပါဝင်တယ်၊ အဲဒီအထဲမှာ သတင်းစကား တခုကို ရှင်းရှင်းလင်းလင်းနဲ့ သိသာထင်ရှားမှု ရှိတဲ့ မြင်ကွင်းတွေ ပါဝင်ပြီး ရှုပ်ထွေးတဲ့ ဒေတာတွေ၊ အခြေအနေကို ပြုပြင်ပြောင်းလဲနိုင်စွမ်းရှိတဲ့ လူတွေဆီက ကြားသိရတဲ့ အလွန်စိတ်ဝင်စားဖို့ ကောင်းတဲ့ ကိုယ်တွေ့ ဖြစ်ရပ်တွေကို ထုတ်လွှင့်တာတွေ ပါဝင်တယ်။

ကိရိယာများ
ကိရိယာများ ဆိုတာ မီဒီယာကို ဖန်တီးရာမှာ၊ မြှင့်တင်ကြော်ငြာရာမှာ၊ ဖြန့်ဖြူးရမှာ အသုံးပြုတဲ့ အရာတွေ ဖြစ်တယ်၊ ဒါပေမဲ့ သင့်ရဲ့ ပရိသတ်၊ ပန်းတိုင်တွေနဲ့ အရင်းအမြစ်တွေအပေါ် သင့်ရဲ့ သိကျွမ်းနားလည်မှုအပေါ် အခြေခံပြီး အကောင်းဆုံး နည်းလမ်း တခုကို ရွေးချယ်နိုင်တယ်။ ဥပမာအားဖြင့်၊ ရွေးချယ်လိုက်တဲ့ မီဒီယာ အမျိုးအစားဟာ ဗွီဒီယို ဖြစ်နိုင်တယ်၊ ဒါပေမဲ့ တခြား အသုံးပြုနိုင်တဲ့ ကိရိယာ အတော်များများလည်း ရှိနိုင်တယ်၊ ဥပမာ အနေနဲ့ - လက်ကိုင်ဖုန်းတွေ၊ ဒီဂျစ်တယ် ကင်မရာတွေ၊ အဆင့်မြင့် ကင်မရာတွေ၊ လက်စွဲ ကင်မရာတွေ၊ flip cams လို့ ခေါ်တဲ့ ဒစ်ဂျစ်တယ် ဗွီဒီယို ကင်မရာတွေ၊ archive လုပ်ထားတဲ့ ဗွီဒီယို မှတ်တမ်း စတာတွေ ပါဝင်တယ်။ အကယ်လို့ ဗွီဒီယိုကို အင်တာနက်ပေါ်မှာ တင်ဖို့လောက်ပဲ စိတ်ဝင်စားတယ် ဆိုရင်၊ လက်ကိုင်ဖုန်းတွေနဲ့ flip cams လို့ ခေါ်တဲ့ ဒစ်ဂျစ်တယ် ဗွီဒီယို ကင်မရာတွေဟာ သင့်တော်တဲ့ ကိရိယာတွေ ဖြစ်ကြတယ်။ အကယ်လို့ သင့်ရဲ့ ဗွီဒီယိုကို ရုပ်မြင်သံကြားပေါ်မှာ (သို့) ရုပ်ရှင်ရုံမှာ ပြသချင်တယ် ဆိုရင်၊ အရည်အသွေးမြင့်တဲ့ ကိရိယာကို အသုံးပြုတာ ပိုသင့်တော်တယ်။ ဗွီဒီယိုကို တည်းဖြတ်ဖို့နဲ့ ဖြန့်ဖြူးဖို့ တခြား ကိရိယာတွေ လိုအပ်လာမှာ ဖြစ်တယ်။

လုံခြုံမှုနဲ့ privacy ရှိပါစေ

မီဒီယာကို ထုတ်လုပ် ဖြန့်ဖြူးတဲ့နေရာမှာ အခက်အခဲတွေ ရှိလာနိုင်တယ်။ အစိုးရတွေ၊ ကော်ပိုရေးရှင်းတွေနဲ့ အရာရှိတွေရဲ့ တရားမ၀င် လုပ်ဆောင်ချက်တွေကို မှတ်တမ်းတင်ထားတဲ့ ဓါတ်ပုံတွေ၊ ရုပ်ရှင်ကားတွေကို လိုအပ်ကောင်း လိုအပ်လာနိုင်တယ်။ လူထုကို ခွဲခြား ဆက်ဆံတာနဲ့ ပါတ်သက်တဲ့ မှတ်တမ်းမှတ်ရာတွေကိုလည်း ရယူဖို့ လိုအပ်လာနိုင်တယ်။ သီးသန့် လုံလုံခြုံခြုံ သိမ်းထားချင်တဲ့ မီဒီယာ (သို့) မှတ်တမ်းမှတ်ရာတွေကို လျှို့ဝှက်ထားဖို့ လိုအပ်လာနိုင်တယ်။

မီဒီယာကို ထုတ်လုပ်တဲ့ လူတွေဟာ သူတို့ရဲ့ ကိုယ်ပိုင် လုံခြုံရေးကို သတိထားရမှာ ဖြစ်တယ်၊ ဒါပေမဲ့ သင့်ရဲ့ မီဒီယာကြောင့် တခြားသူတွေကို အန္တရာယ် ကျရောက်စေနိုင်တဲ့ အချက်တွေကို သတိထားဖို့ အရေးကြီးတယ်။ အကယ်လို့ အန္တရာယ်များတဲ့ နေရာဒေသတွေမှာ ရုပ်ရှင် ရိုက်ကူးမယ် ဆိုရင်၊ မထင်မရှား ရိုက်ကူးရမှာ ဖြစ်တယ်။ အကယ်လို့ လျှို့ဝှက် စာရွက်စာတမ်းတွေကို ရယူချင်တယ် ဆိုရင်၊ အထူး လျှို့ဝှက်ပြီး လုပ်ဆောင်ပါ၊ စာရွက်စာတမ်းတွေကို စာဝှက်စနစ်နဲ့ ဒစ်ဂျစ်တယ် ခြေရာတွေကို စာဝှက်တဲ့နည်းလမ်းတွေကို နားလည်ထားပါ။ အကယ်လို့ သင့်ရဲ့ မီဒီယာ စည်းရုံးလှုပ်ရှားမှုမှာ ပါဝင်လာကြတဲ့ လူထုအတွက် အန္တရာယ်ရှိလာမယ် ဆိုရင်၊ အဲဒီ ပြဿနာတွေ အကြောင်းကို သူတို့ဆီ ပြောပြထားပြီး နုတ်ထွက်ချင်တဲ့ သူတွေကို နုတ်ထွက်လို့ ရအောင် အခွင့်အရေး အမြဲတမ်း ပေးထားပါ။

မီဒီယာ ထုတ်လုပ်မှု အမျိုးမျိုးမှာ ပါဝင်ကြတဲ့ လူတွေနဲ့ သဘောတူညီမှု ရယူထားပါ၊ အဲဒီအထဲမှာ ၁၈ နှစ်အောက် ကလေးတွေ လုပ်နိုင်တဲ့ လုပ်ငန်းတွေ ပါဝင်နိုင်တယ်၊ သင် ကိုယ်တိုင်နဲ့ တခြားသူတွေအပေါ် အန္တရာယ် မကျရောက်အောင် စာရွက်စာတမ်းတွေ၊ ဗွီဒီယိုမှတ်တမ်းတွေကို သိမ်းဆည်းထားပါ။ မီဒီယာကို ပြုလုပ်ဖန်တီးတဲ့နေရာမှာ ပါဝင်ကြတဲ့ လူတွေကို အမြဲတမ်း ရွေးချယ်ခွင့် ပေးပါ၊ ကင်မရာရှေ့မှာ မျက်နှာ (သို့) အသံကို ဖျောက်ထားနိုင်တယ်၊ (သို့) မှတ်တမ်းမှတ်ရာတွေရဲ့ အရင်းအမြစ်ကို မဖေါ်ပြပဲ သိမ်းထားနိုင်တယ်။ (လုံခြုံရေးအကြောင်းကို ဆက်လက် ဖတ်ရှုပါ)

အကယ်လို့ သင့်အနေနဲ့ အန္တရာယ်များတဲ့ ပတ်ဝန်းကျင် တနေရာရာမှာ အလုပ် လုပ်နေတယ်လို့ ကိုယ့်ဟာကိုယ် မခံယူထားရင်တောင်၊ သင့်ရဲ့ back-up ဒေတာတွေ၊ စုဆောင်းခဲ့တဲ့ ဗွီဒီယိုမှတ်တမ်းတွေကို သီးခြား လုံလုံခြုံခြုံ သိမ်းထားဖို့ အရေးကြီးတယ်။

အချိန်သတ်မှတ်ချက် တခု ထားရှိပါ

မီဒီယာ စည်းရုံးလှုပ်ရှားမှု တခုရဲ့ ထိရောက်မှုဟာ အချိန်တိကျမှုအပေါ် အများကြီး မူတည်တယ်။ သတင်းမီဒီယာကို အလိုအပ်ဆုံးအချိန်မှာ ထုတ်ပြန်နိုင်ဖို့ လိုအပ်တယ်။ ဥပမာအားဖြင့်၊ အာဏာပိုင် အဖွဲ့အစည်းတွေက အမျိုးသမီးများရဲ့ တန်းတူ အခွင့်အရေးနဲ့ ပါတ်သက်တဲ့ အခမ်းအနား တခုခုကို ကျင်းပလာကြတဲ့အခါ (သို့) အမျိုးသမီးတွေရဲ့ ကျန်းမာရေး အခြေအနေ တိုးတက်နေပြီး ဖြစ်ကြောင်း သူတို့က ထုတ်ဖေါ်လာကြတဲ့အချိန်မှာ၊ အမျိုးသမီးတွေ အပေါ် လူအခွင့်အရေး ချိုးဖောက်ခံရမှု ဂျာနယ်ဓါတ်ပုံတွေကို သင် ထုတ်ပြန်နိုင်တယ်။

အချိန် အကန့်အသတ်ကို အတိအကျ သတ်မှတ်လို့ မရတဲ့ အမှုအခင်းတွေ ရှိနိုင်ပေမဲ့၊ အဲဒီအရာတွေဟာ သတင်းမီဒီယာ စည်းရုံးလှုပ်ရှားမှုနဲ့ ကိုက်ညီမှု ရှိပြီး လက်ရှိ အဖြစ်အပျက်တွေနဲ့ ဆီလျှော်မှု ရှိဖို့ လိုအပ်တယ်။ ဥပမာအားဖြင့်၊ အကယ်လို့ ကလေးတွေရဲ့ အခွင့်အရေးနဲ့ ပါတ်သက်တဲ့ သတင်း တပုဒ်ကို ခေါင်းစီးပိုင်းမှာ ပါလာတဲ့အခါ၊ ကလေးတွေရဲ့ အခွင့်အရေးနဲ့ ပါတ်သက်ပြီး ဖန်တီးထားတဲ့ ပိုစတာ စည်းရုံးလှုပ်ရှားမှု တခုက လူတွေရဲ့ အာရုံစူးစိုက်မှုကို ပိုမို ရရှိစေနိုင်တယ်။ (သို့) ဆော်သြစည်းရုံးနိုင်တဲ့ အချိန်၊ သတင်းမီဒီယာရဲ့ ဖေါ်ပြမှုကို ခံရနိုင်တဲ့ အချိန်ဖြစ်တဲ့ ‘ကလေး အလုပ်သမား တားဆီးရေးနေ့’ (သို့) ‘နိုင်ငံတကာ ကလေးများ လှုပ်ရှားမှုနေ့’ တွေမှာ တက်ရောက်လာတဲ့ လူထုတွေရဲ့ ထောက်ခံမှုကို ရယူနိုင်တယ်။

သတင်းမီဒီယာ ထုတ်လုပ်မှုနဲ့ ဖြန့်ဖြူးမှုအတွက် အချိန် သတ်မှတ်ချက်တခု ထားရှိတဲ့အခါ၊ မီဒီယာ စည်းရုံးလှုပ်ရှားမှုက ဘယ်လောက်ကြာကြာ အချိန်ယူနိုင်တယ် ဆိုတာကို စဉ်းစားဖို့ လိုတယ်။ ဥပမာအားဖြင့်၊ အကယ်လို့ သုံးနှစ်ကြာမဲ့ စည်းရုံးလှုပ်ရှားမှု တခုကို လုပ်ဆောင်နေတယ် ဆိုရင်၊ မီဒီယာကို ထုတ်ပြန်မဲ့ အစီအစဉ်ကို အသည်းအသန် ရေးဆွဲနေစရာ မလိုသေးဘူး၊ ဒါပေမဲ့ သင် လုပ်ဆောင်နေတဲ့ စည်းရုံးလှုပ်ရှားမှု တခုလုံးဟာ တိုတောင်းတဲ့ အချိန်ကာလအတွက် ဖြစ်နေတယ်ဆိုရင်၊ လူတွေရဲ့ အာရုံစူးစိုက်မှု ရရှိနိုင်ဖို့ အရေးတကြီး စတင် လုပ်ဆောင်ရမှာ ဖြစ်တယ်။

အချိန်သတ်မှတ်ချက်ထဲမှာ -

  • သတင်းမီဒီယာ အစီအစဉ် ရေးဆွဲတဲ့ အချိန်ကာလနဲ့ ထုတ်လုပ်တဲ့ အချိန်ကို ဖေါ်ပြပါ။
  • သတင်းမီဒီယာကို ထုတ်ပြန်မဲ့ အချိန်ကာလကို ဖေါ်ပြပါ။
  • ပေးပို့မဲ့ သတင်းတွေ၊ မီဒီယာတွေနဲ့ ပေးပို့မဲ့အချိန်ကို ထည့်သွင်းပါ၊ ဥပမာအားဖြင့်၊ တနှစ် အတောအတွင်းမှာ အီးမေးလ်ပေါင်း ၅၀ (သို့) စာတိုပေးပို့ချက်တွေကို ပေးပို့ရန်။
  • မီဒီယာ အမျိုးမျိုးကို ဖန်တီးဖို့ အစီအစဉ် ရေးဆွဲနေတယ် ဆိုရင်၊ စည်းရုံးလှုပ်ရှားမှု တခုလုံးရဲ့ တိုးတက်ကြီးထွားလာမဲ့ အခြေအနေကို ထည့်တွက်ရမှာ ဖြစ်သည်။
  • အရေးကြီးတဲ့ အဖြစ်အပျက်တွေကို သင့်ရဲ့ သတင်းမီဒီယာ စည်းရုံးလှုပ်ရှားမှုနဲ့ ဆက်စပ်လိုက်ပါ၊ ဖြစ်ပေါ်လာတဲ့ အဖြစ်အပျက်တွေကို တုံ့ပြန်တဲ့အခါ ပြောင်းလွယ်ပြင်လွယ် ရှိဖို့ လိုတယ်။
  • လက်တွေ့ကျပြီး ဖြစ်မြောက်အောင်မြင်နိုင်တဲ့ အရာ ဖြစ်ရမယ်။

 

ရလဒ်နဲ့ အကျိုးသက်ရောက်မှုကို တိုင်းတာပါ

လူထုက သင့်ရဲ့ သတင်းစကားကို မှတ်မိစွဲလမ်းလာပြီး ပါဝင်လှုပ်ရှားလာအောင် အတတ်နိုင်ဆုံး ကြိုးစားလုပ်ဆောင်ပါ။ အဲဒီအတွက်ကြောင့် သင့်ရဲ့ မီဒီယာ စည်းရုံးလှုပ်ရှားမှု (သို့) စီမံကိန်းရဲ့ အကျိုးသက်ရောက်မှုကို တိုင်းတာဖို့ အရေးကြီးရခြင်း ဖြစ်တယ် - ဘယ်အချက်က အလုပ်ဖြစ်ပြီး၊ ဘယ်အချက်က အလုပ်မဖြစ်ဘူး စတာတွေကို သိရှိဖို့ လိုအပ်သလို၊ သင့်ရဲ့ ရည်မှန်းချက်တွေကို ပြီးမြောက်နိုင်၊ မပြီးမြောက်နိုင် စတာတွေကို ဆန်းစစ်ဖို့ လိုတယ်။

မီဒီယာ သက်ရောက်မှု အညွှန်းများ
မီဒီယာ မဖန်တီးခင်၊ မီဒီယာ သက်ရောက်မှု အညွန်းကို အရင် စဉ်းစားဆုံးဖြတ်ပါ။ သင့်ရဲ့ ရည်မှန်းချက်တွေအပေါ် အခြေခံပြီး တည်ဆောက်ရမှာ ဖြစ်သလို၊ သင် ဆောင်ရွတ်ပြီးစီးတဲ့ မီဒီယာကို တိုင်းတာနိုင်စွမ်း ရှိရမယ်။ တကယ်တမ်းတော့၊ သင့်ရဲ့ သတင်းမီဒီယာကို ဖတ်ရှုနေကြတဲ့ လူတွေကပဲ အကျိုးသက်ရောက်မှုကို ဖန်တီးပေးတာ မဟုတ်ဘူး။ အကျိုးသက်ရောက်မှု ဆိုတာ သင့်ရဲ့ တောင်းဆိုချက်အတိုင်း လူထုက ပါဝင်လှုပ်ရှားလာတာကို ဆိုလိုတယ်။ ဥပမာအားဖြင့်၊ အကယ်လို့ လူပေါင်း ၁၀၀၀၀ က သင့်ရဲ့ ဘလော့ဂ်ကို ဖတ်ရှုခဲ့ကြတယ် ဆိုပါစို့၊ အဲဒါကို ‘ကောင်းတဲ့ တုံ့ပြန်မှု’ တခုအဖြစ် မှတ်ယူနိုင်တယ်။ ဒါပေမဲ့ သင့်ရဲ့ ဘလော့ဂ်ကို ဖတ်ရှုခဲ့ကြတဲ့ လူပေါင်း ၂၀၀ တို့က သင် တောင်းဆိုချက်အတိုင်း လူထုစည်းဝေးပွဲမှာ ပါဝင်တက်ရောက်လာခဲ့ကြတယ် ဆိုရင်၊ ဒါဟာ အကျိုးသက်ရောက်မှု ဖြစ်တယ်။

မီဒီယာ သက်ရောက်မှု အညွှန်းတွေထဲမှာ သင့်ရဲ့ ကွန်ယက်စာမျက်နှာကို လာရောက် ကြည့်ရှုပြီး ပန်ကြားလွှာကို လက်မှတ်ရေးထိုးခဲ့ကြတဲ့ လူတွေ၊ ပန်ကြားလွှာ တစောင်ကို တင်သွင်းလိုက်တဲ့အခါ အစိုးရက ပေးပို့လာတဲ့ တရားဝင် တုန့်ပြချက် တခု၊ သင့်ရဲ့ အမှုအခင်းနဲ့ ပါတ်သက်ပြီး သတင်းမီဒီယာရဲ့ အကျယ်တ၀င့် ဖေါ်ပြချက် တခု၊ သင့်အနေနဲ့ အတိုက်အခံလုပ် တောင်းဆိုနေတဲ့ တရားဥပဒေတွေအပေါ် ပြုပြုပြောင်းလဲမှု ပြုလုပ်လာမှု စတာတွေ ပါဝင်တယ်။

အကျိုးသက်ရောက်မှုကို တိုင်းတာခြင်း
လိုအပ်တဲ့ ဒေတာတွေကို ရရှိလာတာနဲ့ သင့် မီဒီယာရဲ့ ထိရောက်မှုကို ဆန်းစစ်လို့ ရတယ်။ အွန်လိုင်း မီဒီယာ ခြေလှမ်းကို ပိုင်းခြားစိတ်ဖြာပေးတဲ့ ကိရိယာတွေ ယနေ့ခေတ် အချိန်မှာ အများအပြား ရရှိနိုင်ပြီး၊ အဲဒီ ကိရိယာတွေက ဒေတာတွေကို စုဆောင်းတဲ့နေရာမှာ အကူအညီ ပေးနိုင်တယ် (ကိရိယာများ အကြောင်း ဆက်လက် ဖတ်ရှုရန်)။ သင့်ရဲ့ မီဒီယာ သက်ရောက်မှုတွေကို တိုင်းတာခြင်းအားဖြင့်၊ လူဘယ်လောက်က လက်လှမ်းမီနိုင်တယ်၊ သူတို့ဟာ သင် ရည်ရွယ်ထားတဲ့ ပရိသတ်တွေ ဟုတ်မဟုတ်၊ သင် ပေးပို့လိုက်တဲ့ သတင်းစကားဟာ သူတို့အတွက် သင့်တော်မှု ရှိမရှိနဲ့ လိုချင်တဲ့ အကျိုးသက်ရောက်မှုကို ဖန်တီးပေး မပေး စတာတွေကို သင် သိရှိလာမှာ ဖြစ်တယ်။ အကျိုးသက်ရောက်မှုတွေကို အမြဲတမ်း တိုင်းတာဖို့ လိုတယ်၊ ဒီနည်းနဲ့ သင့်ရဲ့ နည်းဗျူဟာ ဟာ အလုပ်ဖြစ်မဖြစ် သိရှိနိုင်မှာ ဖြစ်ပြီး သင့်ရဲ့ မီဒီယာ စည်းရုံးလှုပ်ရှားမှု ပြီးသွားတဲ့အခါ ပြင်ဆင်ပြောင်းလဲမှုတွေကို လုပ်ဆောင်တာထက်၊ စည်းရုံးလှုပ်ရှားမှု လုပ်ဆောင်နေတုန်းမှာ ပြင်ဆင်ပြောင်းလဲမှုတွေကို စနှစ်တကျ လုပ်ဆောင်နိုင်မှာ ဖြစ်တယ်။

မီဒီယာ သက်ရောက်မှုတွေထဲမှာ၊ ‘တပတ်အတွင်း လူပေါင်း ၁၀၀၀ ဟာ သင့်ရဲ့ ကွန်ရက် စာမျက်နှာကို ကြည့်ရှုခဲ့ကြခြင်း၊ လူပေါင်း ၈၀၀ က အိမ်တွင်း အကြမ်းဖက်မှု ကျူးလွန်သူတွေကို ဖမ်းဆီး အရေးယူပေးဖို့ ရဲတွေကို အကြောင်းကြားတဲ့ ပန်ကြားလွှာကို လက်မှတ်ရေးထိုးခဲ့ကြခြင်း’၊ ‘ရွေးချယ်ထားတဲ့ အဓိက သတင်းစာကြီးတွေထဲမှာ အိမ်တွင်း အကြမ်းဖက်နဲ့ ပါတ်သက်ပြီး ဖေါ်ပြချက် လစဉ် ၅၀၀% တိုးပွားလာနေခြင်း’၊ ‘အသနားခံစာကို တင်သွင်းပြီးတဲ့နောက်၊ ဥပဒေကို ထိန်းသိမ်း ကာကွယ်မှု ရှိမရှိ စောင့်ကြည့်ပေးတဲ့ တရားဝင် ပြည်သူ့ စုံစမ်းစစ်ဆေးရေး ဋ္ဌာန တခုကို ရဲအရာရှိတွေက ဖွင့်ပေးရန် အစိုးရက သဘောတူညီပေးခဲ့ခြင်း’ စတာတွေ ပါဝင်တယ်။

အကျိုးသက်ရောက်မှုကို မှတ်တမ်းတင်ခြင်း
သင့်ရဲ့ အောင်မြင်မှုတွေကို ကမ္ဘာလုံးအနှံ့ ထုတ်လွှင့်ဖို့ အရေးကြီးတယ်။ စည်းရုံးလှုပ်ရှားရေးရဲ့ အပြုသဘောဆောင်တဲ့ အကျိုးသက်ရောက်မှုကို လူတွေက သိရှိလာလေလေ၊ သူတို့ ကိုယ်တိုင် ပါဝင်လာနိုင်တဲ့ အခွင့်အလမ်း ပိုများလေလေ ဖြစ်တယ်။ အကယ်လို့ သင့်ရဲ့ မီဒီယာ စည်းရုံးလှုပ်ရှားမှုကို အဆင့် အမျိုးမျိုးနဲ့ စီမံ ဖန်တီးထားတယ် ဆိုရင်၊ ဒါဟာ တိုးတက်မှု ဖြစ်တယ်၊ အဆင့် တဆင့်ရဲ့ အကျိုးသက်ရောက်မှုဟာ နောက်တဆင့် တက်လှမ်းနိုင်ဖုိ့ အရှိန် မြှင့်တင်ပေးနိုင်တယ်။ အကယ်လို့ သင့် စည်းရုံးလှုပ်ရှားရေးရဲ့ အောင်မြင်မှုတွေကို ဖြစ်ပျက်နေတဲ့အခြေအနေအတိုင်း သက်သေပြနိုင်တယ်၊ မှတ်တမ်းတင်ထားနိုင်တယ် ဆိုရင် လုံးဝ အထောက်အကူ ဖြစ်လာစေမှာ ဖြစ်တယ်၊ ဘာကြောင့်လဲ ဆိုတော့ ဒီအချက်ကြောင့် သင် ပစ်မှတ်ထားတဲ့ ပရိသတ်တွေရဲ့ တုန့်ပြန်မှုကို ပိုမိုရရှိလာမှာ ဖြစ်ပြီး၊ လှုပ်ရှားမှုထဲမှာ တခြားသူတွေ ပါဝင်လာအောင် နိူးဆော်ပေးနိုင်မှာ ဖြစ်တယ်။ သင့်ရဲ့ ကိုယ်ပိုင် အဖွဲ့အစည်းနဲ့ တခြား အခွင့်အရေး ထောက်ခံလှုပ်ရှားသူတွေက လေ့လာလို့ ရအောင် မှတ်တမ်းမှတ်ရာတခု ပြုစုဖန်တီးပြီး ထားရှိနိုင်တယ်။