ဘတ်ဂျက် ရွေးဆွဲခြင်း၊ ရန်ပုံငွေရှာခြင်း

 

သင် ရင်ဆိုင်တွေ့ကြုံနေရတဲ့ ကုန်ဈေးနှုန်းနဲ့ ပါတ်သက်ပြီး စီမံကိန်းတခုခုမှာ အလုပ် အတူတူ လုပ်ကြတဲ့ မိတ်ဆွေတွေ (သို့) အဖွဲ့အစည်းတွေကို မေးမြန်းခြင်းဖြင့် အကြံအဉာဏ်တွေ ရရှိလာနိုင်တယ်၊ ဒါပေမဲ့ ပိုမို ကြီးကျယ်တဲ့ စီမံကိန်းတွေ ဖြစ်ကြတဲ့ မဂ္ဂဇင်းတွေ၊ သတင်းလွှာတွေ (သို့) အကြောင်းအရာ အချက်အလက် အချုပ်တွေကို ကိုင်တွယ်တဲ့ နေရာမှာတော့ လိုအပ်လာမဲ့ ငွေကြေးတွေကို အသေးစိတ် စာရင်း ပြုစုဖို့ လိုတယ်။
 

တိုက်ရိုက် ကုန်ကျစရိတ်များ
 

ပုံနှိပ်ထုတ်ဝေဖို့ ငွေကြေး ဘယ်လောက် ကုန်ကျမလဲ။ အောက်ပါ အချက်တွေကို ကြည့်ပါ -
 
  • ပုံစံ - သင် ပုံနှိပ်ထုတ်ဝေမဲ့ အရွယ်အစား၊ ပုံပန်းသဏ္ဍာန်၊ စာမျက်နှာ အရေအတွက်၊ စက္ကူ အမျိုးအစား၊ မင် အမျိုးအစား၊ ပါဝင်မဲ့ အရောင် အရေအတွက်၊ ချုပ်လုပ်မှု၊ အဖုံးတွေ (အခြား တခုခု)
  • ပုံနှိပ်ထုတ်ဝေမှု - စောင်ရေ ဘယ်လောက် ပုံနှိပ်မလဲ။
  • ဖြန့်ဖြူးမှု - လျစ်လျူရှုထားတတ်တဲ့ မေးခွန်းကြီး တခု ဖြစ်တယ်။ ဘယ်လို နည်းလမ်းနဲ့ ဖြန့်ဖြူးမလဲ။ ဘယ်လောက် ကုန်ကျမလဲ။
  • တကြိမ်ပဲ ကျခံရတဲ့ ကုန်ကျစရိတ်များ - ဥပမာ အားဖြင့်၊ ကွန်ပျူတာ ပစ္စည်းကိရိယာ၊ ပုံစံခွက် ဒီဇိုင်း

တခြား ကုန်ကျစရိတ်များ
 

  • လူသား အရင်းအမြစ်များ - ဒီပရိုဂျက်မှာ အလုပ်ချိန် ဘယ်လောက် လိုအပ်မလဲ။ အဲဒါကို ဘယ်လို ဖြေရှင်းမလဲ။ ပြင်ပကနေ ရယူတဲ့ ကူညီပံ့ပိုးသူတွေ (ပုံဆွဲတဲ့ ဒီဇိုင်းနာ၊ ပန်းချီဆရာတွေ၊ ကာတွန်း ဆရာတွေ) ကို အခကြေးငွေ ပေးဆောင်ဖို့ လိုအပ်သလား။
  • ခရီးစရိတ်၊ မူပိုင်ခွင့်နဲ့ တခြား ကုန်ကျစရိတ်များ - တခြား ကြိုတင် စဉ်းစားရမဲ့ ကုန်ကျစရိတ်တွေ ရှိသလား။

ရန်ပုံငွေ ရှာဖွေခြင်း
 

ပုံနှိပ်ထုတ်ဝေချက်တွေကို ရန်ပုံငွေ ရှာဖွေတဲ့ ကိရိယာတွေ အဖြစ် အသုံးပြုနိုင်တယ်။ ပုံနှိပ် ထုတ်ဝေချက်တွေကို ရောင်းချဖို့ ဆုံးဖြတ်နိုင်တယ်၊ ပံ့ပိုးထောက်ခံတဲ့ သူတွေ (သို့) ဒေသခံ စီးပွားရေး လုပ်ငန်းတွေ၊ ပုံနှိပ်စက်တွေဆီက ကြော်ငြာတွေကို ကပ်မဲ့နေရာတွေကို ချန်ထားနိုင်တယ်။ လူတဦးတယောက်ဆီ အလှူငွေ တောင်းခံနိုင်တယ်။

ကုန်ကျစရိတ် လျှော့ချနိုင်တဲ့ နည်းလမ်းများ
 
  • ပုံနှိပ်ထုတ်ဝေမဲ့အစား အီး-စာအုပ်တခု အဖြစ်နဲ့ ထုတ်ဝေပါ (ပရိသတ်ကို လက်လှမ်းမီနိုင်မှ ထုတ်ဝေတာကောင်းတယ်)
  • ဈေးနှုန်း သက်သာတဲ့ စာရွတ်ကို ပိုသုံးပါ
  • ပုံနှိပ်တဲ့ အခါ အဖြူအမဲ (သို့) အရောင် တရောင်ထဲကို သုံးတဲ့စနှစ် အသုံးပြုပါ။ ဓါတ်ပုံတွေရဲ့ အရောင်ကို မီးခိုးရောင် (သို့) ရိုးရိုး ရုပ်ပုံတွေနဲ့ အစားထိုးပါ
  • စက္ကူနဲ့ ပုံနှိပ်ထုတ်ဝေတဲ့ ကုန်ဈေးနှုန်းတွေကို ရယူထားပါ
  • ပုံနှိပ်တဲ့ အကြိမ်အရေအတွက်ကို လျှော့ချပါ - တနှစ်မှာ အကြိမ်အနည်းငယ်ပဲ ထုတ်ဝေပါ
  • အလေးချိန်ကို လျှော့ချပါ - စက္ကူနဲ့ စာပို့စရိတ်စကတွေကို ချွေတာပါ
  • ထုတ်ဝေဖြန့်ချီမှု အရေအတွက်ကို လျှော့ချပါ
  • ဆောင်းပါးတွေ/စာမျက်နှာတွေကို ဖြတ်တောက်ပြီး ဖြစ်စေ၊ (သို့) စာလုံးအရွယ်ကို လျှော့ချပြီး ဖြစ်စေ အရွယ်အစားကို လျှော့ချပါ (layout အပြင်အဆင်နဲ့ ဖတ်လို့ ရတဲ့ အနေအထား အဖြစ် ထိန်းသိမ်းထားပါ)

ကြော်ငြာခြင်း

အရွယ်အစား သေးငယ်တဲ့ ကြော်ငြာတွေဟာ သင့်ရဲ့ အသိုင်းအ၀ိုင်းထဲမှာ ရှိတဲ့ အသေးစား စီးပွားရေး လုပ်ငန်းတွေအတွက် ၀န်ဆောင်မှုတွေကို ပံ့ပိုးပေးတဲ့အပြင် ပုံနှိပ်ထုတ်ဝေမှုအတွက် လိုအပ်တဲ့ ငွေကြေးကို ထောက်ပံ့ပေးနိုင်တဲ့ နည်းလမ်းကောင်း တခု ဖြစ်တယ်။ ကြော်ငြာခ ဖေါ်ပြတဲ့ စာရွတ်ငယ်ကို ကပ်ထားပါ။ လူတွေ မကြာခဏ မေ့လေ့ရှိတဲ့ အချက်တခုကတော့  စီးပွားရေး ကြော်ငြာ လုပ်ငန်းတခုကို အချိန်ပေး လုပ်ဆောင်ဖို့ လိုအပ်တယ်။ ကြော်ငြာ တခုကို ၀ယ်ယူတဲ့ စီးပွားရေး လုပ်ငန်း တခုစီက သူတို့ရဲ့ ကြော်ငြာ ရုပ်ပုံရဲ့ မိတ္တူတခုကို သင့်ကို ပေးထားရမှာ ဖြစ်တယ်၊ လုပ်ငန်း ပြီးစီးသွားတဲ့အခါ ပုံနှိပ်ထုတ်ဝေလိုက်တဲ့ မိတ္တူတခုကို သူတို့ထံ ပေးပို့ရမယ်၊ ဒီလိုနဲ့ သူတို့ရဲ့ ကြော်ငြာကို ထည့်ပေးလိုက်ပြီး ဖြစ်ကြောင်း အသိပေးနိုင်တယ်။ ကြော်ငြာတဲ့ ပုဂ္ဂိုလ်တွေက layout အပြင်အဆင်တွေ လုပ်ဆောင်ဖို့ ငွေကြေး ပေးမထားဘူး ဆိုရင် အဲဒါကို သင် လုပ်ပေးစရာ မလိုဘူး။