အီးမေးလ် ဈေးကွက်ထွင်ခြင်း

 

အီးမေးလ်ဟာ ဆုံးဖြတ်ချက် ချမှတ်သူတွေက ထိထိရောက်ရောက် သုံးစွဲနိုင်တဲ့ နည်းလမ်းတခု ဖြစ်ပြီး၊ သတင်းတွေကို ထောင်ချီတဲ့ လူတွေဆီ ဖြန့်ချီပေးနိုင်တယ်။ အီးမေးလ်ကို အမှုအခင်းအကြောင်း ဖြန့်ဖြူးရာမှာ သုံးစွဲတဲ့ အဓိက နည်းဗျူဟာ တခုအဖြစ် ကျွမ်းကျင်သူ အတော်များများက ခံယူထားကြတယ်။ ဒီအခန်းမှာ ဒါကို အသုံးပြုပြီး အီးမေးလ် စည်းရုံးလှုပ်ရှားတခုခု စီစဉ်တဲ့အခါမှာ ဖြစ်ဖြစ်၊ အီးမေးလ် သတင်းတွေကို ရှင်းရှင်းလင်းလင်း ရေးသားတဲ့အခါမှာ ဖြစ်ဖြစ်၊ သတင်းလွှာတွေကို ရေးသား ပေးပို့တဲ့အခါမှာ ဖြစ်ဖြစ်၊ အဆက်အသွယ် စာရင်းတွေကို ပြုစုတဲ့အခါမှာ ဖြစ်ဖြစ် ထိထိရောက်ရောက် အသုံးပြုနိုင်တဲ့ နည်းလမ်းတွေကို တင်ပြထားတယ်။

အီးမေးလ်ကို အသုံးပြုခြင်းဖြင့် ရရှိနိုင်တဲ့ အချက်များ -
 

  • ဆုံးဖြတ်ချက် ချမှတ်သူတွေကို ကိုယ်တိုင် တိုက်ရိုက်ဆက်သွယ်နိုင်တယ်။

 
  • ၀ါဒဖြန့်တဲ့ သတင်း စကားကို ထုတ်ပြန်ပြီး အသိပညာ နိူးကြားစေနိုင်တယ်။ အောင်မြင်တဲ့ ဆင့်ပွား အီးမေးလ် စည်းရုံးလှုံ့ဆော်ရေးဟာ သတင်း စကားကို တခြား လူတွေဆီ လက်ဆင့်ကမ်း ပေးပို့ခြင်းဖြင့် ထောင်ချီတဲ့ လူထုတွေဆီ အလွယ်တကူ ရောက်ရှိနိုင်တယ်။

 
  • စိတ်ပါဝင်စားတဲ့ လူတဦးချင်းနဲ့ ဖြစ်ဖြစ်၊ အဖွဲ့အစည်းတွေနဲ့ ဖြစ်ဖြစ် အမြဲတမ်း ထိတွေ့နိုင်တယ်၊ လှုပ်ရှားမှုတွေမှာ အီး-သတင်းလွှာတွေနဲ့ သီးခြား အီးမေးလ်တွေကို အသုံးပြုနိုင်တယ်။

 
  • ငွေကုန်ကြေးကျ သက်သာတယ်။

 

အီးမေးလ် ဈေးကွက် အတွက် အကောင်းဆုံး အလေ့အထများ

  • ပေးစာကို လက်ခံရရှိမဲ့သူတွေ အားလုံးကို 'To' နေရာမှာ မရေးထည့်ပါနဲ့။ အီးမေးလ် တစောင်ကို ပေးပို့တဲ့အခါ၊ လက်ခံရရှိမဲ့သူတွေရဲ့ အီးမေးလ် လိပ်စာတွေ အားလုံးကို 'To': နေရာမှာ မရေးထည့်ပဲ၊ BCC (Blind Carbon Copy) နေရာမှာပဲ ရေးထည့်ပါ။
  • ဗိုင်းရပ်စ်တွေကို လက်ဆင့်မကမ်းပါနဲ့။ သုံးစွဲနေတဲ့ ကွန်ပျူတာမှာ ဗိုင်းရပ်စ် ကာကွယ်ရေး ပရိုဂရမ် တခုခု ရှိမရှိ စစ်ဆေးဖို့ အလွန် အရေးကြီးတယ်။ ကွန်ပျူတာ လုံခြုံရေး အကြောင်းကို လုံခြုံရေး - သေတ္တာမှာ ဖတ်ရှုပါ။
  • စပမ်း (spam) တွေကို မဖြန့်ချီပါနဲ့။ စီးပွားရေး အကျိုးအမြတ်အတွက် (စပမ်းလို့ ခေါ်တဲ့) အီးမေးလ်တွေကို မဆင်မခြင် အသုံးချတတ်တဲ့ လူတွေ လက်ထဲ အီးမေးလ် လိပ်စာတွေကို မရောင်းပါနဲ့ (သို့) လက်ဆင့်မကမ်းပါနဲ့။ ဒါမှမဟုတ်ရင် နာမည်ပျက် စာရင်းထဲမှာ အသွင်းခံရမှာ ဖြစ်ပြီး သင် ပေးပို့လိုက်တဲ့ အီးမေးလ်တွေကို လက်ခံရရှိမဲ့ သူတွေရဲ့ ISP တွေက ပိတ်ဆို့မှာ ဖြစ်တယ်။
  • အီးမေးလ် အုပ်စုစာရင်းကို အမြဲတမ်း မွမ်းမံပါ။ အကယ်လို့ မှားယွင်းနေတဲ့ လူတွေရဲ့ ပုဂ္ဂိုလ်ရေး အချက်အလက်တွေကို သင် ရရှိနေတယ် ဆိုရင် သူတို့ကိုယ်တိုင်အတွက် အနှောင့်အယှက် ဖြစ်သွားနိုင်တယ်။
  • အီးမေးလ်စာရဲ့ အောက်ခြေမှာ သီးသန့် ထုတ်ပြန်ချက် တခုကို ထားရှိပြီး၊ အီးမေးလ် စာရင်းမှာ ပါဝင်တဲ့ လူတွေက ဆန္ဒရှိရင် အဲဒီ စာရင်းထဲကနေ unsubscribe လုပ်ပြီး နှုတ်ထွက်နိုင်တဲ့ အခွင့်အရေးကို ပေးထားပါ။ သင်နေထိုင်တဲ့ နိုင်ငံမှာ ဒေတာ ကာကွယ်ရေး ဥပဒေကို ကျင့်သုံးတယ် ဖြစ်စေ၊ မကျင့်တယ် ဖြစ်စေ၊ ဒေတာတွေကို သိမ်းဆည်းမဲ့ ပုံစံ၊ သုံးစွဲမဲ့ ပုံစံတွေနဲ့ ပါတ်သက်ပြီး စည်းကမ်းတွေ ထားရှိဖို့ လိုတယ်။ သင် ပေးပို့လိုက်တဲ့ အီးမေးလ်စာရဲ့ အောက်ခြေမှာ အီးမေးလ် လိပ်စာ တခုကို အမြဲတမ်း ထားရှိပြီး လူတွေက ဆန္ဒရှိရင် (unsubscribe) နှုတ်ထွက်နိုင်အောင် အခွင့်အလမ်း ပေးထားပါ။ ဥပမာ အားဖြင့် - ‘ကျွန်ုပ်တို့ဆီက အီးမေးလ်တွေကို မရယူလိုတော့ဘူး ဆိုရင် unsubscribe(at)advocacy(dot)org လိပ်စာကို သုံးပြီး၊ အကြောင်းအရာ (subject) နေရာထဲမှာ 'unsubscribe' ကို ရေးထည့်ကာ အီးမေးလ် တစောင် ပေးပို့ပါ။’
  • အီးမေးလ် လိပ်စာတွေရဲ့ လုံခြုံရေးနဲ့ သီးခြားရပ်တည်မှု ကောင်းမွန်အောင် ဆောင်ရွတ်ပါ။ အထူးသဖြင့် အထိခိုက် မခံတဲ့ သတင်း အချက်အလက်တွေနဲ့ ပါတ်သက်ပြီး လုပ်ဆောင်တဲ့အခါ အီးမေးလ် လိပ်စာတွေကို လုံခြုံအောင် သိမ်းဆည်းပါ၊
  • ကွန်ရက် စာမျက်နှာမှာ link တခုကို အမြဲတမ်း ထားရှိပါ။ အီးမေးလ် အုပ်စုမှာ အကြောင်းအရာ တခုခုကို လူတွေ ပိုမို လေ့လာနိုင်အောင် 'ဆက်လက် လေ့လာရန်' ဆိုတဲ့ ခေါင်းစဉ် ထားရှိပြီး သင့်ရဲ့ ကွန်ရက် စာမျက်နှာဆီ သွားနိုင်တဲ့ link တခုကို ထားရှိပေးပါ။
  • အီးမေးလ်တွေကို အတတ်နိုင်ဆုံး တိတိကျကျ ရှိအောင် ဆောင်ရွတ်ပါ။ အီးမေးလ် ဆိုတာ Mouse ခလုတ်လေးကို တချက် နှိပ်လိုက်ရုံနဲ့ ထောင်ချီတဲ့ လူတွေဆီ ရောက်ရှိနိုင်စွမ်း ရှိတယ်။ သတင်းတွေကို စိတ်ကြိုက် ပြင်ဆင်ပြီး စာဖတ်သူ တဦးချင်းရဲ့ လိုအပ်ချက်တွေကို အဓိကထား ဆောင်ရွတ်ပေးလေလေ၊ ပိုပြီး ထိရောက်လေလေ ဖြစ်တယ်။ စည်းရုံးလှုံ့ဆော်ရေးမှာ ပါဝင်တဲ့  'အဓိက အချက်တွေ'ကို စဉ်းစားပါ။ လူထုတွေ ပါဝင်နိုင်တဲ့ ပုံစံနဲ့ အချိန်အခါတွေကို နည်းဗျူဟာ ကျကျ ဆောင်ရွတ်ပါ။
  • သင် ပေးပို့တဲ့စာကို စိတ်ဝင်စားမဲ့ သူတွေဆီ ထပ်ဆင့် ပေးပို့ဖို့ စာလက်ခံရရှိမဲ့ ပုဂ္ဂိုလ်ကို တိုက်တွန်းထားပါ။ အဲဒီစာကို သင့်တော်တဲ့ မိတ်ဆွေတွေဆီ လက်ဆင့်ကမ်း ပေးပို့ဖို့ သင့်ရဲ့ လူတွေကို တိုက်တွန်းပါ။ အကယ်လို့ သူတို့ကို အသိပေးမထားဘူး ဆိုရင် စပမ်းမေးလ် ဖြစ်သွားမှာ ဖြစ်တယ်။

 

Links များနဲ့ အရင်းအမြစ်များ -

 

 

အီးမေးလ် စည်းရုံးလှုံ့ဆော်ရေးကို စီစဉ်ပါ


သင့်ရဲ့ ရည်မှန်းချက်တွေနဲ့ ပါတ်သက်ပြီး ရှင်းရှင်းလင်းလင်း ရှိဖို့ လိုတယ်။ အီးမေးလ် စည်းရုံးလှုံ့ဆော်ရေးဆိုတာ ပိုပြီးကျယ်ပြန့်တဲ့ ထောက်ခံ လှုပ်ရှားမှု နည်းဗျူဟာ တခုမှာ အသုံးပြုတဲ့ နည်းနာတခု ဖြစ်ရပါမယ်။ တခြား နည်းနာတွေကိုလည်း အသုံးပြုနိုင်တယ်။ အီးမေးလ် စည်းရုံးလှုံ့ဆော်ရေးဟာ နည်းဗျူဟာနဲ့ အံဝင်ခွင်ကျ ရှိဖို့ လိုပြီး စိတ်တိုင်းကျ ရလဒ်တွေ ရှင်းရှင်းလင်းလင်း ရှိဖို့ လိုတယ်။ ဖုန်းခေါ်ဆိုမှုတွေနဲ့ စာတိုက်ကနေ ပို့ပေးတဲ့ ပေးစာတွေအပြင်တခြား ဆက်သွယ်နိုင်တဲ့ ပုံစံတွေကို စဉ်းစားပါ။ ဆက်လက် မလုပ်ဆောင်ခင်၊ အဲဒီ အီးမေးလ်ဟာ သင် ပစ်မှတ်ထားတဲ့ ပရိသတ်ကို လက်လှမ်းမီနိုင်တဲ့ ကိရိယာ ဟုတ်မဟုတ် စစ်ဆေးပါ။

ပရိသတ်နဲ့ သိကျွမ်းအောင် လုပ်ပါ။ အီးမေးလ် တစောင်ကို ရေးသားတဲ့အခါ စာဖတ်မဲ့ သူတွေအကြောင်း စဉ်းစားပါ။ ဆွဲဆောင်မှု ရှိပါစေ၊ ပရိသတ်ဖက်က အကြောင်းပြန်လာနိုင်တဲ့ ဘာသာစကားမျိုးကို အသုံးပြုပါ၊ ရှင်းရှင်းလင်းလင်း ရှိပြီး လိုရင်းတိုရှင်း ဖြစ်ပါစေ။ အဲဒီ အီးမေးလ်စာကို လက်ခံမဲ့သူဆီ ရောက်ရှိသွားတဲ့အခါ အဲဒီပုဂ္ဂိုလ်ကို သင် လုပ်ဆောင်စေလိုတဲ့ အချက်ကို ရှင်းရှင်းလင်းလင်း ဖေါ်ပြထားပါ။

နာမည်ကောင်း ရထားတဲ့ တခြား အဖွဲ့အစည်းတွေနဲ့ စပြီး မိတ်ဖွဲ့ပါ။ ဒီနည်းနဲ့ လူထုက သင့်ရဲ့ အီးမေးလ်ကို ဖတ်ရှုလာကြမှာ ဖြစ်ပြီး တန်ပြန်လှုပ်ရှားမှုတွေ လုပ်ဆောင်ဖို့ အခွင့်အလမ်းတွေ ပိုတိုးပွားလာမှာ ဖြစ်တယ်။

ဆက်လက်ပံ့ပိုးသွားမဲ့ အစီအစဉ်ကို ထားရှိပါ။ အကယ်လို့ သင် ပေးပို့လိုက်တဲ့ အီးမေးလ်တွေကို လူတွေက အကြောင်းပြန်လာရင် သင် ဘာလုပ်မလဲ၊ အကယ်လို့ သူတို့ဆီက အကြောင်း ပြန်ကြားချက် မရရှိရင် သင် ဘာလုပ်မလဲ စတာတွေကို စီစဉ်ထားပါ။ စည်းရုံးလှုံ့ဆော်ရေး (သို့) သတင်း အစီအစဉ်တွေမှာ ပေးပို့ခဲ့တဲ့ အီးမေးလ် အရေအတွက်၊ အီးမေးလ် တစောင် ပေးပို့တဲ့အခါ သင် ရရှိလာတဲ့ အကြောင်းပြန်ကြားချက် အရေအတွက်တွေကို အမြဲတမ်း မှတ်ထားပါ။ လာမဲ့အချိန်မှာ အလုပ်ဖြစ်ထွန်းတဲ့ အကြောင်းအရာတွေရဲ့ အနေအထားကို ခွဲခြားသိရှိဖို့ အထောက်အကူ ဖြစ်စေလိမ့်မယ်။

သတင်းကို ထပ်ဆင့်ပေးပို့မဲ့ အစီအစဉ်ကို ချမှတ်ပါ။ အီးမေးလ်စာကို လက်ခံရရှိတဲ့ သူက ထပ်ဆင့်ပေးပို့ဖို့ ဆိုတာဟာ အတော်လေး လွယ်ကူပါတယ်။ ပေးပို့လိုက်တဲ့ အီးမေးလ်ထဲမှာ နောက်ခံ အကြောင်းအရာတွေ၊ သင့်ရဲ့ ကွန်ရက်စာမျက်နှာကို သွားတဲ့ links တွေ၊ လူသစ်တွေ ပါဝင်နိုင်တဲ့ နည်းလမ်းတွေကို ထည့်သွင်းထားပါ။

 

ပေးပို့လိုက်တဲ့ အီးမေးလ်တွေကို လူတွေ ဖတ်ရှုပါစေ


အကယ်လို့ ထောက်ခံ စည်းရုံးလှုံ့ဆော်ရေး တခုမှာ အီးမေးလ်ကို အသုံးပြုချင်တယ် ဆိုရင် -
 
  • Subject နေရာဟာ ရှင်းရှင်းလင်းလင်း ရှိပြီး ဆွဲဆောင်မှုရှိပါစေ။ ဒါဟာ အီးမေးလ် အကြောင်းအရာရဲ့ အရေးအကြီးဆုံး အပိုင်း ဖြစ်တယ်။ စာလက်ခံရရှိသူတွေက အီးမေးလ်စာကို ဖတ်မယ် မဖတ်ဘူးဆိုတာ ဒီအပိုင်းကနေ အဆုံးအဖြတ် ပေးမှာ ဖြစ်တယ်။ စပမ်း မေးလ် အဖြစ် သတ်မှတ်ခံရနိုင်တဲ့ အရေးတကြီး (urgent) စတဲ့ စာလုံးမျိုးပါတဲ့ ခေါင်းစဉ်ကို အသုံးမပြုပါနဲ့။
  • အီးမေးလ်ကို စာသားသက်သက် ပေးပို့ပါ။ အီးမေးလ် ပရိုဂရမ် (သို့) browser မှာ စာသား သက်သက် (သို့) HTML အီးမေးလ် option ရှိမှာ ဖြစ်တယ်။ စာသား သက်သက်ပါတဲ့ စာတွေဟာ HTML ထက်စာရင် ပိုပြီး privacy ရှိတဲ့အတွက် စာကို စာသား သက်သက်နဲ့ ပေးပို့တာ ပိုကောင်းတယ်။ HTML ပေးစာတွေကို ISPs (အင်တာနက် ၀င်ဆောင်မှု ပံ့ပိုးသူ) တွေက စပမ်း အဖြစ် တခါတလေ သတ်မှတ်လေ့ ရှိကြတယ်။
  • နှုတ်ခွန်းဆက်တဲ့ စကားကို စိတ်ကြိုက် ရွေးချယ်ပါ - ‘ချစ်စွာသော <နာမည်>’
  • အဓိက ဖေါ်ပြလိုတဲ့ အချက်တွေပါတဲ့ အီးမေးလ်စာကို ‘above the fold’ လို့ခေါ်တဲ့ မြင်သာတဲ့ နေရာမှာ ထားရှိပါ။ လူတွေဟာ အီးမေးလ်ရဲ့ ဒီအပိုင်းကို ကြည့်ပြီး ဆက်ဖတ်သင့် မသင့် ဆုံးဖြတ်လေ့ရှိကြတဲ့ အတွက် ဖြစ်တယ်။
  • စာပိုဒ်တွေကို လေးကြောင်းထက် မပိုအောင် ခွဲထားပါ။

 

အီးမေးလ် နည်းစနစ်များ


စာရင်းတခု ပြုစုခြင်း

အီးမေးလ် သုံးစွဲရခြင်းရဲ့ အကျိုးကျေးဇူးတခု ကတော့ သင့်ရဲ့ စည်းရုံးလှုံ့ဆော်ရေးကို စိတ်ဝင်စားလာပြီး ထောက်ခံအားပေးလာတဲ့ လူတွေရဲ့ စာရင်းတခုကို ပြုစုခြင်း ဖြစ်တယ်။ ထောက်ခံအားပေးသူတွေရဲ့ အီးမေးလ် လိပ်စာတွေကို တောင်းခံပါ။ ဘယ်နေရာမှာ အသုံးပြုမယ် ဆိုတာကို ရှင်းပြထားပါ။ ဥပမာ အားဖြင့် သင့်ရဲ့ နောက်ဆုံး လှုပ်ရှားမှုတွေအကြောင်းကို အမြဲတမ်း အသိပေးတဲ့ နေရာမှာ သုံးစွဲဖို့ ဆိုပြီး ပြောပြနိုင်တယ်။ အီးမေးလ် စာရင်းကို ပြုစုဖို့ အီးမေးလ် စည်းရုံးလှုပ်ရှားမှုတွေကို ပြုလုပ်ပါ။ သင့်ဆီမှာ အရေးကြီးတဲ့ သတင်းတွေ ရှိလာတဲ့အခါ၊ သင့်ရဲ့ အီးမေးလ်စာတွေကို လုပ်ဖော်ဆောင်ဖတ်တွေ၊ မိတ်ဆွေတွေဆီ တဆင့် ပေးပိုကြ့ဖို့ သင့်ရဲ့ ထောက်ခံအားပေးသူတွေကို တိုက်တွန်းပါ။

သင့်ဆီက အီးမေးလ်တွေကို လိုလိုလားလား လက်ခံဖို့ သဘောတူထားတဲ့ ပုဂ္ဂိုလ်တွေကိုသာ သင့်ရဲ့ အီးမေးလ် စာရင်းထဲမှာ ထည့်သွင်းပါ။

ဒေတာဘေ့စ်တွေကို စီမံလုပ်ဆောင်ပါ

အီးမေးလ် ပရိုဂရမ်တွေမှာ လိပ်စာ တခုစီရဲ့ အချက်အလက် အမျိုးမျိုးကို သိမ်းဆည်းပေးနိုင်တဲ့ လိပ်စာ စာအုပ် ပါရှိတယ်။ အဲဒါကို အသုံးပြုပြီး အီးမေးလ် စာရင်းကို စတင်ပြုစုတဲ့နေရာမှာ မိမိနဲ့ ဆက်သွယ်တဲ့ သူတွေရဲ့ အချက်အလက်တွေကို စုစည်းရာမှာ အသုံးပြုနိုင်တယ်။

ပြုစုတဲ့ စာရင်း များလာတဲ့အခါ အဲဒီလိပ်စာတွေကို ဘယ်လို သိမ်းဆည်းမယ်၊ ထောက်ခံ အားပေးသူတွေရဲ့ အသေးစိတ် အချက်အလက်တွေနဲ့ ပါတ်သက်ပြီး ဘယ်လို အကြောင်းပြန်မယ် စတဲ့ အချက်တွေကို စဉ်းစားပါ။ ဒေတာဘေ့စ် တခုကို အသုံးပြုပြီး အသေးစိတ် အချက်အလက်တွေကို သိမ်းဆည်းနိုင်တယ် (သို့) သင့်ရဲ့ အဆက်အသွယ်တွေကို စီမံနိုင်တဲ့အတွက် သင့်ရဲ့ အဖွဲ့အစည်းကို ပိုပြီး လိုက်လျောညီထွေ ရှိလာစေနိုင်တယ်။ စာရင်း တွက်ချက်ရေး ဆော့ဗ်ဝဲ လို့ခေါ်တဲ့ spreadsheet ကို အသုံးပြုပြီး ခြေရာခံနိုင်တယ်။ အကယ်လို့ သင့် အဆက်အသွယ်တွေရဲ့ အရေအတွက်ဟာ အတော်လေး နည်းနေတယ် ဆိုရင် သူတို့နဲ့ အလဲအလှယ် လုပ်နိုင်တယ်။ အကယ်လို့ အဆက်အသွယ်တွေကို သိမ်းထားဖို့ ဒေတာဘေ့စ်ကြီး တခုကို စီစဉ်မယ် ဆိုရင်၊ CRM နည်းစနစ် (client relationship management system) ကို အသုံးပြုနိုင်တယ်။ အဲဒါကို အသုံးပြုပြီး သင့်ရဲ့ အဆက်အသွယ်တွေကို ခြေရာခံနိုင်မှာ ဖြစ်တဲ့အပြင်၊ သင်နဲ့ သူတို့အကြားက အပြန်အလှန် ဆက်သွယ်မှုတွေကိုပါ ခြေရာခံနိုင်မှာ ဖြစ်တယ်။ သူတို့ စိတ်ဝင်စားတဲ့ အကြောင်းအရာတွေ အလိုက် ခွဲခြားထားတဲ့ အုပ်စုတွေအပေါ် မူတည်ပြီး သူတို့ကို အဓိက ပစ်မှတ်ထားနိုင်တယ်။

အစမ်း သုံးစွဲကြည့်ဖို့ သင့်တော်တဲ့ ပွင့်လင်းတဲ့ အရင်းအမြစ် တခု ဖြစ်တဲ့ CRM ကတော့  Civi-CRM ပဲ ဖြစ်တယ်။ CiviMail ဆိုတာ Civi-CRM အတွက် စာတွေကို အစုလိုက် ပေးပို့နိုင်တဲ့ အစိတ်အပိုင်း ဖြစ်တယ်။ အဲဒါကို အသုံးပြုပြီး စိတ်ကြိုက် စီစဉ်ထားတဲ့ အီးမေးလ်တွေ၊ သတင်းလွှာတွေနဲ့ သင့်ကို ထောက်ခံတဲ့ သူတွေကို စည်းရုံးနိုင်တယ်။ Drupal နဲ့ Joomla (ဆက်လက် ဖတ်ရှုရန်) တို့လို အကြောင်းအရာ စီမံခန့်ခွဲရေး နည်းနစ် (CMS) တွေမှာ အသုံးပြုနိုင်တယ်။ CiviMail ကို အသုံးပြုပြီး လုပ်ဆောင်နိုင်တဲ့ အချက်တွေကတော့ -
 
  • CiviCRM အုပ်စုတွေ၊ ဒါမှမဟုတ် အရင်က စာတွေကို လက်ခံခဲ့ကြတဲ့ သူတွေကိုပါ ထည့်သွင်းပြီး ဖြစ်စေ (သို့) ဖယ်ထုတ်ပြီး ဖြစ်စေ စာပေးပို့မဲ့ သူတွေကို သတ်မှတ်နိုင်တယ်။
  • Mail-merge အမှတ်အသားတွေကို အသုံးပြုပြီး စာတွေကို စိတ်ကြိုက် ဖန်တီးနိုင်တယ်။
  • စာကို လက်ခံတဲ့ သူတွေက စာကို ဖွင့်ကြည့် မကြည့် ခြေရာခံနိုင်တယ်။
  • နှိပ်ချက်တွေကို ခြေရာခံနိုင်တယ်။
  • ပြန်ပြီး ပေးပို့လာတဲ့ စာတွေနဲ့ နှုတ်ထွက်ဖို့ တောင်းဆိုချက်တွေကို စီမံခန့်ခွဲနိုင်တယ်။

CivilMail ကို အသုံးပြုပြီး အခမ်းအနား မှတ်ပုံတင်ချက်တွေ၊ အလှူရှင်နဲ့ ပါတ်သက်တဲ့ ပရိုဂရမ်တွေကိုပါ စီမံ ခန့်ခွဲနိုင်တယ်။ အကယ်လို့ CivilMail က သင့်ရဲ့ လိုအပ်ချက်တွေကို မဖြည့်ဆည်းပေးနိုင်ဘူး ဆိုရင်၊ ဈေးနှုန်း ချိုသာတဲ့ စီးပွားဖြစ် ၀န်ဆောင်မှုတွေကို အသုံးပြုနိုင်တယ်။ အဲဒီ ၀န်ဆောင်မှုတွေဟာ အီးမေးလ် ဈေးကွက် စည်းရုံးလှုံ့ဆော်ရေးတွေကို စီစဉ်ရာမှာ အထောက်အကူပေးနိုင်တယ်။ ပေးဆပ်လိုက်တဲ့ အချိန်နဲ့ ရရှိလာမဲ့ ရလဒ်တွေက သင့်ကို အကျိုးဖြစ်ထွန်းလိမ့်မယ်။ သင့်ရဲ့ ဆက်သွယ်ရေး လမ်းကြောင်းတွေထဲကို ထိုးဖေါက်လာနိုင်မဲ့ ကြားလူတွေရဲ့ လုံခြုံရေး အန္တရာယ်တွေကို သတိထားပါ။

အီး-သတင်းလွှာများ

ပံ့ပိုးကူညီတဲ့ သူတွေ၊ ငွေကြေးထောက်ပံ့သူတွေနဲ့ ထောက်ခံလှုပ်ရှားသူတွေနဲ့ ပုံမှန် အဆက်အသွယ် လုပ်ခြင်းဖြင့် သင့်ရဲ့ သတင်းကို သူတို့ရဲ့ စိတ်ထဲမှာ အမြဲတမ်း စွဲလမ်းနေစေမှာ ဖြစ်တယ်။
 
  • အစီအစဉ်ကို ရေးဆွဲပါ၊ အီး-သတင်းလွှာကို ပုံမှန် ပေးပို့ပါ။
  • သတင်းလွှာဟာ လိုရင်းတိုရှင်း ဖြစ်ဖို့ လိုတယ်၊ A4 စာရွက် အရွယ်အစား ရှိပါစေ။
  • လက်ရှိ လှုပ်ရှားမှုတွေနဲ့ ပါတ်သက်ပြီး ခိုင်လုံတဲ့ သတင်း အချက်အလက်တွေကို ပေးပါ။

အီးမေးလ် စာရင်းကို အလွဲသုံးစား မလုပ်ပါနဲ့။ အဲဒီ အီးမေးလ်တွေကို အသုံးပြုပြီး လူတွေကို ဝေဖန် ထိုးနှက်လာတဲ့အတွက် စာရင်းထဲက လူတွေ နှုတ်ထွက်လာကြမှာ ဖြစ်တယ် (သို့) အလိုအလျှောက် စပမ်း မေးလ်ထဲကို ရောက်သွားမှာ ဖြစ်တယ်။ တနှစ်အတွင်းက ပုံမှန် ဆက်သွယ်ရေး လမ်းကြောင်းတွေကို ဂရုတစိုက် အစီအစဉ်လုပ်ပါ။ ပရိသတ်ရဲ့ အခြေအနေနဲ့ သင့်ရဲ့ လုပ်ငန်းအပေါ် သူတို့ရဲ့ စိတ်ပါဝင်စားမှု အနေအထားကို အကဲဖြတ်ပါ။ စနစ်တကျ စီစဉ်ထားပြီး ပီပြင်တဲ့ အီးမေးလ် တစောင်ဟာ လူတွေ စိတ်မ၀င်စားတဲ့ အီးမေးလ် အတော်များများကို ပေးပို့တာထက် ပိုပြီး တန်ဖိုးရှိတယ်။

အကယ်လို့ ပရိသတ် တချို့က စိတ်ဝင်စားမဲ့ အထူး သတင်း အချက်အလက်တွေ သင့်ဆီမှာ ရှိနေတယ် ဆိုရင်၊ အဲဒီ  သတင်း အချက်အလက်နဲ့ ပါတ်သက်တဲ့ အသေးစိတ် အချက်အလက်တွေကို အုပ်စုငယ် ခွဲပြီး ပေးပို့ပါ။

အီးမေးလ် ပေးပို့မဲ့ အချိန်

ထိရောက်တဲ့ အီးမေးလ် စည်းရုံးလှုံ့ဆော်ရေး ဆိုတာ သတင်းစကားတွေကို သင့်လျှော်တဲ့ အချိန်မှာ ပေးပို့တာကို ဆိုလိုတယ်။ အချိန်အခါ ဆိုတဲ့နေရာမှာ အစဉ်အလာ အတိုင်း ပြုလုပ်တဲ့ မီဒီယာ ထုတ်ပြန်ချက်နဲ့ အတူတူ ဖြစ်တယ်။ ဥပမာ အားဖြင့် -
 
  • ကြီးကျယ်တဲ့ ထုတ်ပြန်ကြော်ငြာချက် တခုကို ပြုလုပ်တဲ့ အချိန်မှာ
  • အရေးပါတဲ့ သတင်း အချက်အလက် တချို့ ထွက်ပေါ်လာတဲ့ အချိန်မှာ
  • လှုပ်ရှားမှုထဲမှာ လူတွေ ပါဝင်စေလိုတဲ့ အချိန်မှာ
  • စည်းရုံးလှုံ့ဆော်ရေး (သို့) လုပ်ငန်း အသစ် တခု စတင် ဆောင်ရွတ်တဲ့ အချိန်မှာ

ကွန်ရက် စာမျက်နှာပေါ်က အဓိက စာမျက်နှာတွေမှာ links တွေနဲ့ လှုပ်ရှားမှု ခေါ်သံကို ထည့်သွင်းဖို့ အမြဲ သတိရပါ။

ဗိုင်းရာ ဈေးကွက် ဖြန့်ချီရေး

ဗိုင်းရာ (ကြော်ငြာ ဖြန့်ချီရေး) စည်းရုံးလှုံ့ဆော်ရေးတွေဟာ အွန်လိုင်း ဈေးကွက် ဖြန့်ချီခြင်းရဲ့ အစိတ်အပိုင်း တခု ဖြစ်တယ်။ ဗိုင်းရာ ဈေးကွက် ဖြန့်ချီခြင်း ဆိုတာ လူတွေက links တွေကနေ ဖြစ်ဖြစ် (သို့) အီးမေးလ်ကနေ ဖြစ်ဖြစ် တခြားလူတွေဆီ ထပ်ဆင့် ပေးပို့ချင်မဲ့ အကြောင်းအရာမျိုး ဖန်တီးတာကို ဆိုလိုတယ်။ ဗိုင်းရာ ဈေးကွက် ဖြန့်ချီခြင်းနဲ့ စပမ်းတို့ အကြားမှာ ပါးလွှာတဲ့ လိုင်းတခု ရှိတယ်၊ ဒါပေမဲ့ ဒီနည်းနဲ့ လူအများအပြားကို လက်လှမ်းမီနိုင်တယ်၊ အရေအတွက်ဟာ အရေးပါနေတဲ့အခါ ဒါဟာ ကောင်းတဲ့ နည်းနာတခု ဖြစ်တယ်။ လူတွေကို သင့်ရဲ့ ကွန်ရက် စာမျက်နှာဆီ ဆွဲဆောင်နိုင်တဲ့ လူသုံး အများဆုံး ဗိုင်းရာ ဈေးကွက် ဖြန့်ချီမှု ပုံစံ ကတော့ ရယ်စရာ (သို့) ကြောက်လန့်စရာ ကောင်းတဲ့ ဗွီဒီယိုကားကို အသုံးပြုခြင်း ဖြစ်တယ်။ ဗွီဒီယို တကားကို ဖန်တီးရသလိုပဲ အချိန်တွေ အများကြီး ပေးဆပ်ဖို့ လိုအပ်တယ်၊ ဗွီဒီယို links တွေကို ဆီလျှော်တဲ့ ကွန်ရက် စာမျက်နှာတွေနဲ့ ဆွေးနွေးခန်း ဖိုရမ် အမျိုးမျိုးမှာ ထားရှိပါ။ စာရင်းပေးသွင်းတဲ့ ရာခိုင်နှုန်း နည်းပါးလာနိုင်တဲ့အတွက် ကြိုတင် ပြင်ဆင်ထားပါ - ဗိုင်းရာ ဗွီဒီယိုကို လူပေါင်း အယောက် ၁၀,၀၀၀ က ကြည့်ရှုပြီး၊ ရလဒ်အနေနဲ့ လူပေါင်း ၁၀၀ ခန့်က သင့်ရဲ့ စည်းရုံးလှုံ့ဆော်ရေးမှာ စာရင်း ပေးသွင်းလာတဲ့ အချက်တွေဟာ ထူးခြားတဲ့ အဖြစ်အပျက်တွေ ဖြစ်တယ်။

ဗွီဒီယို ထုတ်ပြန်ရေးနဲ့ ဖြန့်ဖြူရေး အကြောင်း ဆက်လက် ဖတ်ရှုရန်

ရိုးရိုး အွန်လိုင်း ဂိမ်းတွေဟာ အကြောင်းအရာ တခုခုကို တခြား မိတ်ဆွေတွေဆီ ဝေမျှတဲ့ နေရာမှာ ထိရောက်မှု ရှိတဲ့ နည်းလမ်းကောင်း တခု ဖြစ်တယ်။

ဗိုင်းရာ ဈေးကွက် ဖြန့်ချီရေး စနစ်တခုရဲ့ အနစ်သာရကတော့ လူတွေက အကြောင်းအရာ တခုခုကို ဝေမျှချင်စိတ် ရှိလာအောင် လှုံ့ဆော်မှု ပေးတဲ့ အရာ ဖြစ်ပြီး၊ အဲဒါကို လုပ်ဆောင်ရာမှာ ထူးဆန်းတဲ့ ဗွီဒီယိုတွေ (သို့) စိတ်လှုပ်ရှားစရာ ကောင်းတဲ့ ဂိမ်းတွေကို အားကိုးနေဖို့ မလိုဘူး။ အစောဆုံး (ဖက်စ်နဲ့ လက်ကမ်း ကြော်ငြာတွေကနေ တဆင့် ဖြန့်ဝေတဲ့) ဗိုင်းရာ အီးမေးလ် တချို့ဟာ ၁၉၉၃ အစောပိုင်းမှာ မြောက် အမေရိက လွတ်လပ်တဲ့ ကုန်သွယ်ရေး သဘောတူညီချက်ကို ဆန့်ကျင်တဲ့ Zapatistas တို့ရဲ့ ဆန္ဒပြပွဲကနေ ထွက်ပေါ်လာတယ်။ အဲဒါတွေဟာ ရိုးရိုး ထုတ်ပြန်ချက်တွေ ဖြစ်တယ်၊ အရင်းအမြစ်ကနေ တိုက်ရိုက်ရယူတာ ဖြစ်ပြီး၊ သတင်း အချက်အလက်တွေကို တက်ကြွလှုပ်ရှားသူတွေဆီကနေ ရယူဖို့ အလွန် ခက်ခဲတဲ့ အချိန်တွေမှာ အစဉ်အလာ ပုံစံနဲ့ ထုတ်ပြန်တဲ့ တခြား ရွေးချယ်စရာ မီဒီယာတွေ အဖြစ်နဲ့ အသုံးပြုခဲ့ကြတယ်။ Lacandon Jungle နဲ့  EZLN Communiques တို့ဆီက ပထမဆုံး ထုတ်ပြန်ကြော်ငြာချက်ကို ဖတ်ရှုပါ။